21/06/2016
ਸਕੂਨ ਅਤੇ ਚੈਨ
ਪੁਰਾਣੇ ਸਮਿਆਂ ਵਿੱਚ ਸਕੂਨ ਅਤੇ ਚੈਨ ਲੋਕਾਂ ਕੋਲ ਆਮ ਤੌਰ ਤੇ ਮਿਲ ਜਾਂਦੇ ਸਨ । ਇਹਨਾਂ ਦਾ ਵਾਸਾ ਹਰ ਇੱਕ ਦੇ ਘਰ ਵਿੱਚ ਸੀ ਤਾਂਹੀ ਲੋਕ ਸੁਖੀ ਤੇ ਖੁਸ਼ਹਾਲ ਸਨ ।
ਇਹ ਦੋਵੇਂ ਇੱਦਾਂ ਦੀਆਂ ਲੋੜਾਂ ਹਨ ਜਿਹਡ਼ੀਆਂ ਅੱਜ ਕੱਲ ਆਮ ਤੌਰ ਤੇ ਕਿਸੇ ਨੂੰ ਨਹੀਂ ਮਿਲਦੀਆਂ । ਲੋਕ ਇਹਨਾਂ ਲਈ ਤੜਫਦੇ ਫਿਰਦੇ ਹਨ ਪਰ ਇਹ ਪਤਾ ਨਹੀਂ ਕਿੱਥੇ ਚਲੀਆਂ ਗਈਆਂ ਹਨ ।
ਪੁਰਾਣੇ ਸਮਿਆਂ ਵਿੱਚ ਲੋਕ ਸ਼ਹਿਰ ਨੂੰ ਕੰਮ ਕਾਰ ਲਈ ਨਹੀਂ ਜਾਂਦੇ ਸਨ ਕਿਉਂਕਿ ਉਹਨਾਂ ਕੋਲ ਪਿੰਡ ਵਿੱਚ ਹੀ ਬਹੁਤ ਕੰਮ ਹੁੰਦਾ ਸੀ । ਮਾੜੀ ਮੋਟੀ ਖੇਤੀ ਕਰਕੇ , ਡੰਗਰਾ ਨੂੰ ਕੱਖ ਪਾ ਕੇ ਹੀ ਸਾਰਾ ਦਿਨ ਕੱਡ ਲੈਦੇਂ ਸਨ । ਇਹਨੇ ਕੰਮ ਵਿੱਚ ਹੀ ਉਹਨਾਂ ਦੀਆਂ ਲੋੜਾਂ ਪੂਰੀਆਂ ਹੋ ਜਾਂਦੀਆਂ ਸੀ ਤੇ ਉਹ ਖੁਸ਼ੀ ਖੁਸ਼ੀ ਜਿੰਦਗੀ ਬਤੀਤ ਕਰ ਜਾਂਦੇ ਸੀ । ਪਰ ਅੱਜ ਕੱਲ ਲੋਕਾਂ ਕੋਲ ਆਪਣਾ ਤਾਂ ਕੋਈ ਕੰਮ ਹੀ ਨਹੀਂ ਹੈ ਉਹ ਇੱਕ ਦੂਜੇ ਤੋਂ ਮੂਹਰੇ ਹੋ ਕੇ ਸ਼ਹਿਰਾਂ ਨੂੰ ਭੱਜਦੇ ਹਨ । ਵਧੀਆ ਜੀਵਨ ਬਤੀਤ ਕਰਨ ਲਈ ਨੌਕਰੀਆਂ ਕਰਦੇ ਹਨ । ਸਾਰੀ ਜਿੰਦਗੀ ਦੌੜ ਭੱਜ ਵਿੱਚ ਬਤੀਤ ਕਰਦੇ ਹਨ ਪਰ ਫਿਰ ਵੀ ਸੰਤੁਸ਼ਟ ਨਹੀਂ ਹੁੰਦੇ ।।
ਪਹਿਲਾਂ ਕੋਈ ਟੀ ਵੀ ਨਹੀਂ ਸੀ ਤੇ ਜਦੋਂ ਟੀ ਵੀ ਆਏ ਤਾਂ ਮਸਾਂ ਇੱਕ ਚੈਨਲ ਹੀ ਚੱਲਦਾ ਹੁੰਦਾ ਸੀ ਪਰ ਲੋਕਾਂ ਦਾ ਉਹਦੇ ਨਾਲ ਹੀ ਮਨੋਰੰਜਨ ਹੋ ਜਾਂਦਾ ਸੀ । ਪਰ ਅੱਜ ਕੱਲ ਮੇਰੇ ਵਰਗੇ ਦੇ ਟੀ ਵੀ 250 ਚੈਨਲ ਚੱਲਦੇ ਹਨ । ਸਾਰਾ ਦਿਨ ਰਿਮੋਰਟ ਦੇ ਬਟਨ ਦੱਬ ਦੱਬ ਕਮਲੇ ਹੋ ਜਾਈਦਾ ਪਰ ਨਾ ਮਨੋਰੰਜਨ ਹੁੰਦਾ ਨਾ ਸਕੂਨ ਮਿਲਦਾ ।।
ਪਹਿਲਾਂ ਲੋਕ ਤੂਤਾਂ ਤੇ ਡੇਕਾਂ ਥੱਲੇੇ ਹੀ ਜੇਠ ਹਾੜ ਦੀਆਂ ਧੁੱਪਾਂ ਕੱਢ ਦਿੰਦੇ ਸੀ ਉਹ ਵੀ ਆਰਾਮ ਤੇ ਚੈਨ ਨਾਲ ।। ਪਰ ਅੱਜ ਕੱਲ ਹਰ ਕਮਰੇ ਵਿੱਚ A. C ਲੱਗੇ ਆ ਫਿਰ ਵੀ ਕਹਿਣਗੇ ਗਰਮੀ ਨਾਲ ਬੁਰਾ ਹਾਲ ਆ । ਕੀ ਕਰੀਏ ਇੰਨੀ ਗਰਮੀ ਵਿੱਚ ਚੈਨ ਨਹੀਂ ਆਉਂਦਾ ।
ਪਹਿਲਾਂ ਲੋਕ ਤੁਰ ਕੇ ਹੀ ਲਾਮ ਨੂੰ ਜਾਂਦੇ ਸੀ ਤੇਂ ਜਦੋਂ ਬੱਸਾਂ ਚੱਲੀਆਂ ਤਾਂ ਉਹ ਵੀ ਮਸਾਂ 40,50 ਦੀ ਸਪੀਡ ਤੇਂ ਜਾਂਦੀਆਂ ਸਨ ਤੇ ਬੱਸ ਵੀ ਰੱਬ ਦੀ ਮਿਹਰ ਨਾਲ ਮਸਾਂ ਤੁਰਦੀ ਸੀ ਤੇ ਡਰਾਈਵਰ ਆਪਣੇ ਸਾਰੇ ਜੋਰ ਨਾਲ ਉਹਨੂੰ ਮੋੜਦਾ ਸੀ ਪਰ ਲੋਕ ਇਸ ਬੱਸ ਵਿੱਚ ਬੈਠ ਕੇ ਰਾਮ ਨਾਲ ਆਪਣੀ ਮੰਜਿਲ ਤੇਂ ਪਹੁੰਚ ਜਾਂਦੇ ਸੀ । ਅਸੀਂ ਵੀ ਜਦੋਂ ਨਾਨਕੇ ਜਾਣਾ ਤਾਂ ਸਾਰਾ ਸਾਰਾ ਦਿਨ ਬੱਸਾਂ ਵਿੱਚ ਹੀ ਲੰਘ ਜਾਣਾ ਕਿਉਂਕਿ ਮੇਰੇ ਨਾਨਕੇ ਦੂਰ ਸੀ ਪਰ ਅਸੀਂ ਹੱਸਦੇ ਹੱਸਦੇ ਆਰਾਮ ਨਾਲ ਪਹੁੰਚ ਜਾਣਾ ।
ਪਰ ਹੁਣ ਬੱਸਾਂ ਵੀ 120 ਦੀ ਸਪੀਡ ਤੇਂ ਭੱਜਦੀਆਂ ਹਨ ਢਾਈ ਘੰਟਿਆਂ ਵਿੱਚ ਸਾਰੀ ਵਾਟ ਨਿਬੇੜ ਦਿੰਦੇ ਆ ਤੇ ਬਸਾਂ ਵੀ AC ਆ ਜਹਾਜ ਵਰਗੀਆਂ । ਪਰ ਫਿਰ ਵੀ ਇਦਾਂ ਲੱਗਦਾ ਵੀ ਹਾਏ ਕਦੋਂ ਪਹੁੰਚੂ ਬੱਸ , ਇੰਨੀ ਦੇਰ । ਜਮਾ ਚੈਨ ਨਹੀਂ ਆਉਂਦਾ ਤੇ ਜੇਕਰ ਤੁਸੀਂ ਆਪਣੀ ਗੱਡੀ ਤੇ ਹੋ ਤਾਂ ਵੀ ਵਾਰ ਵਾਰ ਤੁਸੀਂ ਟਾਇਮ ਦੇਖ ਕੇ ਗੱਡੀ ਦੀ ਰੇਸ ਨੱਪੋਗੇ ਕਿਉਂਕਿ ਸਾਡੇ ਮਨ ਨੂੰ ਚੈਨ ਨਹੀਂ ਹੈ ।।
ਪਹਿਲਾਂ ਲੋਕ ਇੱਕ ਵਾਰ ਸਾਗ ਬਣਾ ਕੇ ਸਾਰਾ ਟੱਬਰ ਉਹਦੇ ਨਾਲ ਦੋ ਦੋ ਦਿਨ ਰੋਟੀ ਖਾ ਲੈਂਦੇ ਸੀ ਉਹ ਵੀ ਪੂਰੀ ਰੱਜ ਕੇ ਤੇ ਸਵਾਦ ਨਾਲ ਪਰ ਕੋਈ ਨ਼ਖਰਾ ਨਹੀਂ । ਪਰ ਅੱਜ ਕੱਲ ਦੋ ਤਿੰਨ ਦਾਲਾਂ ਸਬਜੀਆਂ ਬਣਦੀਆਂ ਹਨ ਹਰੇਕ ਜੀਅ ਲਈ ਅਲੱਗ ਅਲੱਗ । ਪਰ ਫਿਰ ਵੀ ਰੱਜ ਕੇ ਕੋਈ ਰੋਟੀ ਨਹੀਂ ਖਾਂਦਾ । ਸਕੂਨ ਕਿੱਥੋਂ ਆਉੁਣਾ ।।
ਪਹਿਲਾਂ ਲੋਕ ਰੱਜ ਕੇ ਲੂਣ , ਮਿੱਠਾ , ਮਿਰਚਾਂ ਵਗੈਰਾ ਖਾਂਦੇ ਸੀ ਤੇ ਉਹਨਾਂ ਨੂੰ ਕੋਈ ਬਿਮਾਰੀ ਨਹੀਂ ਸੀ । ਪਰ ਅੱਜ ਕੱਲ ਹਰੇਕ ਚੀਜ ਟੋਹ ਟੋਹ ਕੇ ਖਾਂਦੇ ਹਾਂ ਪਰ ਫਿਰ ਵੀ ਪੰਜਾਹ ਬਿਮਾਰੀਆਂ ਕਿਸੇ ਨੂੰ ਸ਼ੂਗਰ , ਬੀ ਪੀ , ਯੂਰੀਆ । ਹੁਣ ਸਕੂਨ ਦੱਸੋ ਕਿਥੋਂ ਆਉਣਾ ।।
ਪਹਿਲਾਂ ਲੋਕ ਤਾਸ਼ ਖੇਡ ਕੇ ਹੀ ਟੈਮ ਲੰਘਾ ਲੈਦੇ ਸੀ । ਭਾਬੀ ਦਿਉਰ ਵਿੱਚ ਜੰਜੂ ਨੂੰ ਭਾਬੀ ਬਣਾ ਕੇ ਸਾਰਾ ਦਿਨ ਮਨ ਨੇ ਪੂਰਾ ਖੁਸ਼ ਰਹਿਣਾ । ਪਰ ਅੱਜ ਕੱਲ ਲੋਕਾਂ ਕੋਲ ਵੀਡੀਓ ਗੇਮਾਂ ਵਾ , ਆਹ ਨੈਟ ਵਾ , ਚੈਟਿੰਗਾ ਹੁੰਦੀਆਂ । ਪਰ ਸਾਲਾ ਸਕੂਨ ਕਿਤੇ ਨਹੀਂ ਲੱਭਦਾ ।।
ਪੁਰਾਣੇ ਸਮਿਆਂ ਵਿੱਚ ਲੋਕ ਨਹਿਰਾਂ , ਸੂਏਆਂ ਤੇ ਖਾਲਾਂ ਵਿੱਚ ਹੀ ਪਾਣੀ ਪੀ ਪੀ ਪਿਆਸ ਮਿਟਾ ਲੈਦੇਂ ਸੀ ਤੇ ਕਿਸੇ ਨੂੰ ਕੋਈ ਬਿਮਾਰੀ ਵੀ ਨਹੀਂ ਲੱਗਦੀ ਸੀ । ਪਰ ਹੁਣ ਘਰ ਘਰ ਮਹਿੰਗੇ ਫਿਲਟਰ ਆ ।ਪੁਣ ਕੇ ਪਾਣੀ ਪੀਂਦੇ ਹਾਂ ਤਾਂ ਵੀ ਇੰਨੀਆਂ ਬਿਮਾਰੀਆਂ । ਚੈਨ ਕਿਵੇਂ ਆਉਣਾ ।।
ਪਹਿਲਾਂ ਕੁੜੀਆਂ ਘਰਾਂ ਵਿੱਚ ਹੀ ਚਰਖੇ ਕੱਤ ਕੇ ਅਤੇ ਘਰ ਦਾ ਕੰਮ ਕਾਰ ਕਰਕੇ ਹੀ ਟਾਇਮ ਪਾਸ ਕਰਦੀਆਂ ਸਨ ਤੇ ਉਹ ਵੀ ਪੂਰੀ ਖੁਸ਼ੀ ਤੇ ਚੈਨ ਨਾਲ । ਪਰ ਅੱਜ ਕੱਲ ਹਰੇਕ ਕੁੜੀ ਸ਼ਹਿਰਾਂ ਨੂੰ ਕਾਲਜ ਪੜਣ ਜਾਦੀਆਂ । ਕੋਲ ਮਹਿੰਗੇ ਮਹਿੰਗੇ ਫੋਨ ਆ ਜਿਹਨਾਂ ਤੇ Fasebook , Whatsapp , Messenger ਵਗੈਰਾ ਚੱਲਦੇ ਹਨ ਪਰ ਫਿਰ ਵੀ ਘਰ ਆ ਕੇ ਮਾਂ ਨੂੰ ਕਹਿਣ ਗੀਆਂ ਕੀ ਮੇਰਾ ਦਿਲ ਨਹੀਂ ਲੱਗਦਾ ।।
ਪਹਿਲਾਂ ਕਿਸੇ ਕੋਲ ਵੀ ਕੋਈ ਘੜੀ ਨਹੀਂ ਸੀ ਹੁੰਦੀ ਪਰ ਸਾਰਾ ਦਿਨ ਟਾਇਮ ਅਰਾਮ ਨਾਲ ਤੇ ਸਕੂਨ ਵਾਲਾ ਲੰਘ ਜਾਂਦਾ ਸੀ । ਪਰ ਅੱਜ ਕੱਲ ਹਰੇਕ ਕੋਲ ਘੜੀ ਆ ਤੇ ਇੱਕ ਘਰੇ 5, 6 ਘੜੀਆਂ ਲੱਗੀਆਂ ਹੁੰਦੀਆਂ । ਪਰ ਇੱਕ ਇੱਕ ਮਿੰਟ ਦੀ ਟਿਕ ਟਿਕ ਦੁਖੀ ਕਰ ਲੈਦੀਂ ਆ ਕਿਉਂਕਿ ਸਾਰਾ ਦਿਨ ਟਾਇਮ ਲੰਘਦਾ ਹੀ ਨਹੀਂ । ਫਿਰ ਚੈਨ ਕਿਵੇਂ ਆਉਣਾ ।।
ਅੰਤ ਵਿੱਚ ਗੱਲ ਇਹ ਹੈ ਕੀ ਮੈਨੂੰ ਵੀ ਆਹ ਸਕੂਨ ਤੇ ਚੈਨ ਨਹੀਂ ਮਿਲਦਾ । ਸਾਰਾ ਦਿਨ ਤੜਫਦਾ ਰਹਿਣਾ ਵਾ । ਜਮਾਂ ਦਿਲ ਨਹੀਂ ਲੱਗਦਾ । ਭਜੂ ਭਜੂ ਲੱਗੀ ਰਹਿੰਦੀ ਆ । ਮਨ ਨੂੰ ਟਿਕਾਅ ਨਹੀਂ ਆਉਂਦਾ । ਕਿਤੇ ਵੀ ਜਾ ਕੇ ਸੰਤੁਸ਼ਟੀ ਨਹੀਂ ਮਿਲਦੀ ।
ਰੱਬਾ ਸਾਨੂੰ ਸਾਡਾ ਪੁਰਾਣਾ ਵਕਤ ਮੋੜ -ਅਗਿਆਤ(ਵ੍ਹਟਐਪ ਤੋਂ )
