Barshi News Katta

27/07/2026

आमदार रोहित पवार यांचा MPSC पेपरफुटी संबंधित पत्रकारांशी संवाद
📍मुंबई ⏭️ 27-07-2026

27/07/2026

MPSC पेपरफुटीचे बार्शी कनेक्शन आमदार रोहित पवार यांनी व्यक्त केली चिंता

27/07/2026

केवळ तीन #तासात सोलापूर हुन #पुण्याला पोहोचणार

27/07/2026

मा.श्री. राजेंद्र राऊत यांची #सोलापूर जिल्हा #विधानपरिषद आमदार पदी निवड झाल्याबद्दल
भव्य सत्कार समारंभ पुणे व पिंपरी-चिंचवड परिसरातील सोलापूर जिल्ह्यातील रहिवास्यांचा स्नेह-मेळावा रविवार दिनांक 9 ऑगस्ट २०२६ रोजी सायं. ४.०० वाजता स्थळ- सीझन्स बैंक्वेट आणि लॉन्स, निगडी, पिं चिंचवड, पुणे

26/07/2026

#निष्ठावंत वारी वार्तांकनाची दखल; #पत्रकार #शहाजी फुरडे-पाटील यांना ' #भागवत धर्म प्रसारक' पुरस्कार

श्री संत मुक्ताबाई संस्थानचा पंढरपुरात प्रतिष्ठेचा सन्मान; वारी आणि भागवत धर्म प्रसारातील योगदानाचा गौरव

आषाढी एकादशीच्या पावन पर्वावर श्री क्षेत्र पंढरपूर येथे लोकमतचे बार्शी तालुका प्रतिनिधी तथा पालखी सोहळा पत्रकार संघाचे सोलापूर जिल्हाध्यक्ष पत्रकार शहाजी फुरडे-पाटील यांना श्री संत मुक्ताबाई संस्थान, मुक्ताईनगर यांच्या वतीने दिला जाणारा २०२६ चा प्रतिष्ठेचा "भागवत धर्म प्रसारक" पुरस्कार प्रदान करण्यात आला. श्री संत मुक्ताबाई मठात आयोजित झालेल्या विशेष सोहळ्यात मान्यवरांच्या हस्ते त्यांचा सन्मान करण्यात आला.

हा पुरस्कार संस्थानचे माजी अध्यक्ष सहकार महर्षी कै. भाऊसाहेब ऊर्फ प्रल्हादराव पाटील यांच्या स्मरणार्थ दरवर्षी राज्यातील अशा एका पत्रकाराला दिला जातो, ज्याने आषाढी वारीचे सातत्यपूर्ण आणि निष्ठेने वार्तांकन करत भागवत धर्माच्या प्रचार-प्रसारासाठी उल्लेखनीय योगदान दिले आहे. पुरस्कारामध्ये श्री विठ्ठलाची मूर्ती, मानाचा वारकरी फेटा, शाल, श्रीफळ आणि संत मुक्ताबाई चरित्र ग्रंथ प्रदान करण्यात आला.

पुरस्कार वितरण सोहळ्यास संस्थानचे अध्यक्ष ॲड. रवींद्र पाटील, विश्वस्त सम्राट पाटील, पालखी सोहळा प्रमुख ह.भ.प. रवींद्र महाराज हरणे, पालखी सोहळा पत्रकार संघाचे शंकर टेमघरे, विलास काटे, राजेंद्रकृष्ण कापसे, औदुंबर भिसे, प्रा. किरण गाढवे, विकास भालके, सुधीर गुळमे यांच्यासह विविध क्षेत्रांतील मान्यवर, पत्रकार आणि वारकरी मोठ्या संख्येने उपस्थित होते.

यावेळी ह.भ.प. रवींद्र महाराज हरणे यांनी सांगितले की, "ज्या संत मुक्ताईने माऊलींना उपदेश केला, त्या संत मुक्ताईच्या नावाने दिला जाणारा हा पुरस्कार आषाढी एकादशीच्या महापर्वात आणि श्री क्षेत्र पंढरपूरच्या पवित्र भूमीत प्रदान होणे, ही अत्यंत अभिमानाची बाब आहे. वारीचे निष्ठेने वार्तांकन करणाऱ्या राज्यातील एकाच पत्रकाराला हा पुरस्कार दिला जात असल्याने त्याचे महत्त्व अधिक अधोरेखित होते."

शहाजी फुरडे-पाटील गेली २० वर्षे लोकमतचे बार्शी तालुका प्रतिनिधी म्हणून कार्यरत असून, गेल्या १८ वर्षांपासून त्यांनी पालखी मार्गावर प्रत्यक्ष फिरून आषाढी वारीचे सातत्यपूर्ण वार्तांकन केले आहे. वारकरी संप्रदाय, भागवत धर्म, वारीतील सामाजिक-सांस्कृतिक परंपरा आणि वारकऱ्यांच्या विविध प्रश्नांना त्यांनी आपल्या लेखणीतून सातत्याने वाचा फोडली आहे.

संत ज्ञानेश्वर महाराज, संत तुकाराम महाराज, संत एकनाथ महाराज तसेच आदिशक्ती संत मुक्ताबाई यांच्या पालखी सोहळ्यांवरील त्यांचे लेखन विशेष गाजले आहे. इंदापूर, फलटण ते पंढरपूर तसेच सोलापूर जिल्ह्यातील पालखी मार्गावरील घडामोडींसह वारकऱ्यांच्या मूलभूत समस्याही त्यांनी प्रभावीपणे मांडल्या. आषाढी एकादशी, श्री विठ्ठल-रुक्मिणी महापूजा आणि पंढरपूर वारीचे वार्तांकनही त्यांनी सातत्याने केले आहे.

सन २००८ मध्ये लोकमतचे तत्कालीन संपादक सुधीर महाजन आणि पंढरपूर कार्यालय प्रमुख प्रताप नलावडे यांनी त्यांना प्रथम वारी वार्तांकनाची संधी दिली. पहिल्याच वर्षी त्यांच्या अभ्यासपूर्ण लेखनाने स्वतंत्र ओळख निर्माण केली. ज्येष्ठ पत्रकार सूर्यकांत भिसे, शंकर टेमघरे, विलास काटे, राजेंद्रकृष्ण कापसे तसेच राजाभाऊ चोपदार आणि पुंडलिक मोरे महाराज यांचे त्यांना मोलाचे मार्गदर्शन लाभले.

याशिवाय बार्शीच्या श्री भगवंत मंदिरात आयोजित जयवंत बोधले महाराजांच्या प्रवचनमालेवर "बोधवाणी" या सदरातून सलग पाच वर्षे त्यांनी लेखन केले आहे. पंढरपूरहून मुक्ताईनगरकडे जाणाऱ्या पांडुरंगराय पालखी सोहळ्याच्या परतीच्या प्रवासातील बार्शी येथील दुपारच्या विसाव्याच्या नियोजनात आणि वारकरी सेवेतही त्यांचा सक्रिय सहभाग राहिला आहे.

यापूर्वी सूर्यकांत भिसे, शंकर टेमघरे, मनोज मांढरे, राजेंद्रकृष्ण कापसे आणि सुनील लांडगे यांसारख्या मान्यवर पत्रकारांना हा प्रतिष्ठेचा पुरस्कार प्रदान करण्यात आला आहे.

वारीचे सातत्यपूर्ण वार्तांकन, भागवत धर्माच्या प्रचार-प्रसारासाठी केलेले योगदान आणि पत्रकारितेतील उल्लेखनीय कार्याची दखल घेत शहाजी फुरडे-पाटील यांना मिळालेल्या या मानाच्या पुरस्काराबद्दल पत्रकार, वारकरी, सामाजिक आणि विविध क्षेत्रांतून त्यांच्यावर अभिनंदनाचा वर्षाव होत आहे.

23/07/2026

आज वंचित बहुजन आघाडीच्या वतीने बार्शी बंदचे आवाहन

03/07/2026

01/07/2026

बार्शी शहर #पोलीस निरीक्षक बालाजी #कुकडे यांची बदली...!

बार्शी - सोलापूर ग्रामीण पोलीस अधीक्षक कार्यालयाने पोलीस अधिकाऱ्यांच्या बदली व नियुक्तीचे आदेश जारी केले असून बार्शी शहर पोलीस ठाण्याच्या पोलीस निरीक्षक पदी गणेश कुंभार यांची नियुक्ती करण्यात आली आहे, यापूर्वी ते सुरक्षा शाखेत कार्यरत होते. तर, या आदेशानुसार बार्शी शहर पोलीस ठाण्यात कार्यरत असलेले पोलीस निरीक्षक बालाजी कुकडे यांची बदली जिल्हा विशेष शाखेत करण्यात आली आहे.

10/06/2026

उपमुख्यमंत्री एकनाथ शिंदे यांनी ठाण्यातील त्या प्रकरणाची घेतली गंभीर दखल.

ठाण्यातील ज्युपिटर हॉस्पीटल जवळ वृद्धाला मारहाण करणाऱ्या परप्रांतीय चालकावर 307 कलमाअंतर्गत कारवाई करण्याचे निर्देश उपमुख्यमंत्री एकनाथ शिंदे यांनी ठाणे पोलीस आयुक्तांना दिलेत. काल संध्याकाळी रस्त्यावर थुंकणाऱ्या परप्रांतीय चालकाला एका वृद्धाने जाब विचारल्यानंतर या चालकाने खाली उतरून या वृद्धाला बेदम मारहाण केली होती.

06/06/2026

🚩 **शिवराज्याभिषेक दिनाच्या हार्दिक शुभेच्छा!** 🚩

आजचा दिवस प्रत्येक मराठी मनासाठी अभिमानाचा दिवस आहे. जेष्ठ शुद्ध त्रयोदशी, शके १५९६ रोजी रायगडावर छत्रपती शिवाजी महाराजांचा भव्य राज्याभिषेक झाला आणि हिंदवी स्वराज्याला अधिकृत मान्यता मिळाली.

हा केवळ एका राजाचा राज्याभिषेक नव्हता, तर स्वाभिमान, स्वातंत्र्य आणि जनकल्याणकारी शासनव्यवस्थेचा विजय होता. महाराजांच्या दूरदृष्टीने आणि पराक्रमाने स्वराज्याचे स्वप्न साकार झाले.

आजच्या या पवित्र दिवशी छत्रपती शिवाजी महाराजांच्या विचारांना व कार्याला विनम्र अभिवादन! 🙏

⚔️ "स्वराज्य हा माझा जन्मसिद्ध हक्क आहे आणि तो मी मिळवणारच!"

🚩 जय शिवराय! जय महाराष्ट्र! 🚩

#शिवराज्याभिषेक_दिन #जयशिवराय #जयमहाराष्ट्र #हिंदवीस्वराज्य