19/01/2026
*ആരും പിന്തുണച്ചില്ലെങ്കിലും, ഒരുപാട് പരിഹാസവും പുച്ഛവും കേൾക്കേണ്ടി വരുമെന്ന് അറിയാമെങ്കിലും… സമൂഹനന്മക്കായി ഇത്തരം സത്യങ്ങൾ വിളിച്ചു പറയുവാൻ ധൈര്യം കാട്ടിയ യുവ ഐ എ എസ് കാരിക്ക് അഭിനന്ദനങ്ങൾ 👍*
“ഞാനീ ഉടുത്തിരിക്കുന്ന സാരി എട്ട് വർഷം പാഴക്കമുള്ളതാണ്, 25 വർഷം വരെ പഴക്കമുള്ള സാരികൾ എന്റെ കയ്യിലുണ്ട്.” കഴിഞ്ഞ ദിവസം പൊതുവിദ്യാഭ്യാസ വകുപ്പ് സെക്രട്ടറി വാസുകി ഐ.എ.എസ് കലോത്സവ വേദിയിൽ വെച്ച് പറഞ്ഞ ഒരു കാര്യമാണിത്.
ഓരോ വസ്തു നിർമ്മിക്കപ്പെടുമ്പോഴും അതിന്റേതായ ഒരു എനർജി അതിൽ അടങ്ങിയിട്ടുണ്ടെന്നും, അതിനൊരു കാർബൺ ഫൂട്പ്രിന്റ് ഉണ്ടെന്നും അവർ ഓർമ്മിപ്പിച്ചു. നമ്മുടെ ഈ 'വലിച്ചെറിയുന്ന' ശീലം കാലാവസ്ഥാ വ്യതിയാനത്തെ വരെ സ്വാധീനിക്കുന്നുണ്ട്. അതുകൊണ്ട് *പുനരുപയോഗം എല്ലാവരും പ്രോത്സാഹിപ്പിക്കണം* എന്നതായിരുന്നു അവരുടെ സന്ദേശം...
ഇന്നത്തെ പുതിയ തലമുറ വസ്ത്ര ധാരണത്തെക്കാൾ കൂടുതൽ പ്രാധാന്യം കൊടുക്കുന്നത് "വസ്ത്ര-ശേഖരണത്തിനാണ്". ഒരു തവണ ഒരു ഫങ്ക്ഷന് ഇട്ടതോ അല്ലെങ്കിൽ ഒരു തവണ ഫോട്ടോ എടുത്തതോ ആയ ഡ്രസ്സ് പിന്നീട് ഇടാൻ അവർക്ക് വലിയ ബുദ്ധിമുട്ടാണ്. പണ്ടൊക്കെ ആളുകൾ സ്റ്റാമ്പ് ശേഖരണം, നാണയ ശേഖരണം എന്നൊക്കെ പറഞ്ഞ് ഹോബികൾ ഉണ്ടാക്കുമായിരുന്നു. ഇന്നത്തെ ട്രെൻഡ് "ഡ്രസ്സ് ശേഖരണമാണ്".
ഒന്നോ, രണ്ടോ ഷർട്ടുകൾ മാറി മാറി ഇട്ട ഒരു തലമുറയിൽ നിന്നും നമ്മൾ അധിക ദൂരം വന്നിട്ടില്ല എന്ന് പുതിയ തലമുറയിലെ കുട്ടികൾ ഓർക്കുന്നത് നല്ലതാണ്. ഇന്ന് പലർക്കും ഒരു അലമാര നിറയെ വസ്ത്രങ്ങൾ കാണും. അതിൽ പകുതിയും അവർ എടുക്കാറില്ല. എന്നാലും, ഓരോ ആഴ്ചയും ഓൺലൈനിൽ ഓഫർ കാണുമ്പോൾ അവർ പുതിയത് ഓർഡർ ചെയ്തുകൊണ്ടേയിരിക്കും...
" *എന്റെ കാശ്, എന്റെ ഇഷ്ടം* " എന്ന് പറയുന്നവരോട് തർക്കിക്കാനൊന്നുമില്ല . പക്ഷേ വാസുകി മാഡം പറഞ്ഞ വാക്കുകൾ ഓർക്കുക. ഓരോ വസ്തുവും പൂർണമായും ഉപയോഗപ്പെടുത്താതെ നശിപ്പിക്കുന്നതല്ല, അത് മാക്സിമം ഉപയോഗപ്പെടുത്തുന്നതാണ് പുണ്യം.!!
Citizen voice
