01/09/2025
MANE CHA·GIPA ARO LAZASRUS
Badiaba mane cha·gipa mande gnangchim,
Ua gitchakprang aro seenchipchip
Nambegipa barako Chinrongachim,
Aro sal sal raja cha·e katcharongachim.
Aro badiaba biamgipako pariarigipa,
Lazarus minggipako, uni cholramao donangrongachim;
Ua mane cha·gipani mejoni gaakarangko cha·na sikbeachim;
Aro achakrangba re·bae uni parirangko sakachim.
Aro indake ong·aha, ua biamgipa siaha,
Aro Sa·grerang uko Abrahamni kabakona rimangna,
Aro ua mane cha·gipaba skiangaha,
Aro uko gopaha.
Aro ua aningo, saknaao donge,
Nigitoate Abrahamko
Aro uni kabako Lazarusko
Srisri nikataha.
Unon ua inwate inaha, Lazarusko srisri nikate,
Apa Abraham uni jaksi kuchotko chio sim·e angni sreko ka·sinatchina,
Angna ka·sapae Lazarusko watatbo;
Maina ia walsareo anga saknabeenga.
Indiba Abraham aganaha, Dede gisik ra·bo,
Na·a tangengmitingo nangni namarangko,
Aro Lazarus uandaken namgijarangko man·aha;
Da·ode iano ua kadimeako, aro na·a saknaako man·enga.
Aro ia pilakna agre, chingni aro na·simangni gisepo
Dal·bea akuang dona gnang,
Maikai ianoni na·simangona re·angna sikgipa re·angna man·ja,
Aro uanoni chingona batbana pilakba man·ja.
Unon ua inaha, O apa, indide nangko mol·mola,
Angni pagipani nokona uko watatbo;
Maina angni jongada sakbonga gnang;
Uamangba ia saknaani biapona re·bajana gita,
Ua uamangna name dake saki on·china.
Indiba inaha, Uamango Mose aro katchinikgiparang gnang,
Uamangko knachakchina, Unon ua aganaha, Ong·ja, apa Abraham;
indiba sigiminrangoni saksa uamangona reangode uamang gisik pil·gen.
Indiba ua una inaha,
Mose aro katchinikgiparangko knachakjaode,
Indide sigiminrangoni saksa tangchapiloba
Uamang skiako ra·chakjawa
Sastro Luk 16:19-31
By Kritison R Marak
Tongapara Baptist Church
Tepattanggre Bipek
West Garo Hills
