11/05/2024
لواء متقاعد يسأل: "صدگ باب الوزير مفتوح كل وقت؟" أشكّ في ذلك!
"٣ سنوات أبحث عن الباب المفتوح": ابتزّوني مالياً وحاولوا اغـ،ـتيـ.ـالي
"وآني عندي ٤٣ سنة خدمة"
سعد هويدي - لواء متقاعد بوزارة الداخلية لشبكة "يلا":
"السيد وزير الداخلية لو يدري بالصار وياي مباشرة يحبس رئيس مجلس تحقيقي بحقّي لأن ظلمني وثبّت عليّه تهمة تكسر الظهر بدون ما يشوفني ولا أشوفه ولا حتى يسمع مني والمصيبة انحال المجلس دون علمي وما إنطاني أي مجال للدفاع عن نفسي أو تمييز القرار"، على حدّ قوله.
ويكمل: "آني صاحب حق وعندي كافة الأدلة وهذا كلامي أحچي أمام أي شخص ومظلوميتي لازم توصل للوزير، مو معقولة خدمت الوزارة ٤٣ سنة وتاليها أطلع منها مظلوم ومتهم بتزوير وأنجبر على التقاعد وتاليها الظالم مرتاح وآني أموت من التفكير".
وتحدّث أيضاً: "السيد الوزير خرج للإعلام وقال إن أبوابه مفتوحة بوجه الرتب والمراتب وأنا ضابط برتبة لواء صار ثلاث سنوات أبحث عن بابه المفتوح ولكن للأسف منعوني ولم أستطع الوصول ولا لقاءه".
ويضيف: "أشخاص أوهموا الوزير بمعلومات خاطئة وقاموا بتلبيسي تهمة لا علاقة لي فيها والوزير إذا نظر بأوراقي راح يزعل عليهم ويحاسبهم".
ويتابع: "المشتكي لواء في وزارة الداخلية وله نفوذ على مفاصل الوزارة واستخدم منصبه لأذيّتي وأنا زميله في العمل وبنفس الرتبة العسكرية. وتعرّضتُ لمحاولات اغتـ.ـ،ـيال ولابتزاز مالي ومضايقات بالوظيفة وهذا الشي الّي خلاني أقدّم على التقاعد المبكر حتى أحافظ على سلامتي وسلامة عائلتي".
