رێڤەبەریا چاكسازیا مەزنا ل دهۆكێ - Rêveberîya çaksazîya mezina li duhokê

08/09/2026

بەردەوامیدان ب پێشكێشكرنا سمیناران
ل رێڤەبەریا چاكسازیا مەزنا لدھۆكێ و ب ھەڤكاری دگەل دەستەیا سەربەخۆیا مافێ مرۆڤی نڤێسینگەھا دھۆكێ سمینار بەردەوامن بو دادگەھكریان.
ئەڤرۆ رۆژا سێ شەمبی رێكەفتی 9/8/2026 توێژەرێ كومەلایەتی و بەرپرسێ ھوبا توێژینەوە ل چاكسازیێ (شریف تیجر) سمینارەك پێشكێشی ھژمارەكا دادگەھكریان كر بناڤ و نیشانێت پێدڤیاتیێن مرۆڤی د ژیانێدا.

06/09/2026

02/09/2026

بابەتەک د رۆژناما ئەڤرۆدا هژمارا 4051 یا رۆژا چارشەمبی رێکەفتی ٢٠٢٦/٩/٢
لدوور سیستەمێ خاندنێ بگشتی ل رێڤەبەریا چاکسازیا مەزنا لدهۆکێ.
ژ نڤێسینا عرفان محمد امین.

01/09/2026

بەرھەڤی بو سالا نوی یا خاندنێ
ل رێڤەبەریا چاكسازیا مەزنا لدھۆكێ قوتابخانا زركا یا بلەز دەست ب بەرھەڤیا كر بو سالا نوی یا خاندنێ (2026-2027).
ئەڤرۆ رۆژا سێ شەمبی رێكەفتی 2026/9/1 ماموستایێن قوتابخانا زركا یا بلەز ل چاكسازیێ دەست ب دەواما خۆ یا سالا نوی یا خاندنێ كر و لدەستپێكێ رێڤەبەرێ قوتابخانێ ماموستا (خلات وحید) كومبوونەك دگەل گشت ماموستایان ئەنجامدا و پاشی بەحسا بەرھەڤیێن سالا نوی یا خاندنێ كر و خۆ بەرھەڤكرن و ئامادەكرن .

31/08/2026

ژیریا جڤاكی و شێوازێن گەشەپێدانێ
ب ھەڤكاریا دەستەیا سەربەخۆیا مافێ مرۆڤی نڤێسینگەھا دھۆك، رێڤەبەریا چاكسازیا مەزنا لدھۆكێ بابەتێن ب مفا و ژ ھەژی و پێدڤی دئێخنە بەر دان و ستاندنێ دگەل دادگەھكریان.
ئەڤرۆ رۆژا دووشەمبی رێكەقتی 2026/8/31 توێژەرێ دەروونی ل چاكسازیێ (امیر عبدالسلام) بو دادگەھكریێن بەشدار دا دیاركرن چەوا ب نەبوونا ژیریا جڤاكی كارتێكرن ل ژیانا تاكی دبیت و ھەردیسان رێكێن باشتركرنا ژیریا جڤاكی بو ھاتنە دیاركرن و ل دوماھیێ ژی دادگەھكریان ب بوچوونێت خۆ بەشداری كر.

26/08/2026

كونترۆلكرنا تورەبوونێ
ل رێڤەبەریا چاكسازیا مەزنا لدھۆكێ و ب ھەماھەنگی دگەل دەستەیا سەربەخۆیا مافێ مرۆڤی نڤێسینگەھا دھۆك وەرزێ رەوشەنبیری بەردەوامە بو دادگەھكریان.
ئەڤرۆ رۆژا چارشەمبی رێكەفتی 2026/8/26 توێژەرێ كومەلایەتی و بەرپرسێ ھوبا توێژینەوە ل چاكسازیێ (شریف تیجر) سمینارەك پێشكێشی ھژمارەكا دادگەھكریان كر بناڤ و نیشانێت كونترۆلكرنا تورەبوونێ و ئەگەر و چارەسەری.

25/08/2026

بسم الله الرحمن الرحيم
﴿وَمَا أَرْسَلْنَاكَ إِلَّا رَحْمَةً لِلْعَالَمِينَ﴾
صدق الله العظيم

ب هەلکەفتا ژ دایک بوونا سەروەرێ مروڤایەتیێ یێغەمبەرێ مە (موحەممەد) سلاڤێن خودێ لسەر بن پیروزباهیا موسلمانێن جیهانێ ب گشتی و یێن کوردستانێ بتایبەت دکەین و هیڤیدارین ژ خودایێ مەزن ئەڤ روژە ببیتە روژا موکوم کرنا ئیمان و برایەتی و ئاشتی پێکڤەژیانێ .
هزار سلاڤ ل گیانێ پاقژێ سەروەرێ مرۆڤایەتیێ بن.

عەمیدێ ماف
ارام محمد محمدسعید
رێڤەبەرێ رێڤەبەریا چاکسازیا مەزنا لدهۆکێ

24/08/2026

پشكنینا چاڤێت دادگەھكریان
ل رێڤەبەریا چاكسازیا مەزنا لدھۆكێ ئەو دادگەھكریێن نەخۆشیێن چاڤان ھەی چاڤێت وان دھێنە پشكنین كرن.
ئەڤرۆ رۆژا دووشەمبی رێكەفتی 2026/8/24 ب ھەماھەنگی دگەل نەخۆشخانا چاڤان ل ساخلەمیا دھۆكێ نوژدار (امیر لقمان زكر) و ھەڤالێن دگەلدا و ب ھەماھەنگی دگەل بنگەھێ ساخلەمیێ ل چاكسازیێ ئەو دادگەھكریێن نەخۆشیێن چاڤان ھەی چاڤێت وان دھێنە پشكنین كرن و یێ پێدڤی دھێنە چارەسەركرن.

22/08/2026

سەرەخۆشی