محمد شوشکەیی ڕاوێژکاری خانووبەرە

08/06/2026

🚨 بانگەوازێکی بەپەلە بۆ وەبەرهێنەران و بەرپرسانی شاری ڕانیە

شاری ڕانیە لە ئێستادا بەدەست قەیرانێکی سەختی نیشتەجێبوونەوە دەناڵێنێت. کێشەکە تەنها بەرزبوونەوەی نرخی موڵک نییە، بەڵکو داواکاری زۆری خانووی کرێیە کە بووەتە ئاستەنگێکی گەورە لەبەردەم گەنجان، هاوسەرانی نوێ و خێزانە مامناوەندەکان. خەریکە کێشەی کۆمەڵایەتی و هەڵوەشاندنەوەی زەواج لە بەر ئەم دۆخە نەخوازراوەی کەمی خانوی کرێ لە ڕانیە پەیدا دەبێت

وەک ڕاوێژکارێکی خانووبەرە، و لە ڕێگەی کارە ڕۆژانەکانمان لە کۆمپانیای ڕێبەری موڵکەوە، بە ڕوونی دەرک بە مەترسییەکانی ئەم دۆخە دەکەین. ڕۆژانە دەیان داواکاری بۆ بەدەستهێنانی خانووی کرێ پێمان دەگات، بەڵام بەداخەوە ژمارەی یەکە بەردەستەکان زۆر کەمە. یان هەر نیە

ئەگەر هەنگاوی خێرا و کاریگەر نەنرێت، ئەم قەیرانە لە ساڵانی داهاتوودا دەبێتە یەکێک لە گەورەترین کێشەکانی شارەکەمان.

❓ پرسیارێکی گرنگ:
بۆچی تا ئێستا پلانێکی ڕوون و کرداری بۆ زیادکردنی یەکە نیشتەجێبوونییەکانی کرێ بوون دانەنراوە؟

📌 پێشنیار و چارەسەرە بەپەلەکان:

1️⃣ تەواوکردن و دابەشکردنی یەکە نیشتەجێبوونییەکان
• خێراکردنی پرۆسەی تەواوکردنی نزیکەی ١٠٠ یەکەی نیشتەجێبوون کە لە ڕێگای سەرکەپکان دروست دەکرێن.
• پەلەکردن لە ڕێکارەکانی دابەشکردنی زەویی فەرمانبەران.
• پێشکەشکردنی ئاسانکاری و پاڵپشتی بۆ تەواوکردنی سەدان خانووی ناتەواو لە ناو شاردا.

2️⃣ هاندانی وەبەرهێنان و خاوەن موڵکەکان
• تەرخانکردنی زەوی بۆ پرۆژە نیشتەجێبوونییەکانی تایبەت بە کرێ.
• هاندانی سەرمایەداران بۆ دروستکردنی فلات و کۆمەڵگە نیشتەجێبوونییە مۆدێرنەکان.
• بانگهێشتی هاووڵاتیانی دەرەوەی وڵات، بە تایبەتی لە ئەوروپا، بۆ بەکرێدانی خانووە چۆڵەکانیان؛ چونکە ئەمە هەم سەرچاوەی داهاتێکی باشە بۆیان و هەم پاراستنی موڵکەکانیانە لە شێبوون و تێکچوون.

3️⃣ پلاندانان و ڕێکخستنەوەی بازاڕ
• داڕشتنی پلانێکی ستراتیژی ٥ تا ١٠ ساڵە بۆ چارەسەرکردنی کێشەی نیشتەجێبوون لە ڕانیە.
• ڕێکخستنەوەی بازاڕی کرێ و کۆکردنەوەی داتای دروست لەسەر پێداویستییە ڕاستەقینەکانی هاووڵاتیان.

🏙️ گەشەی خێرای شاری ڕانیە پێویستی بە ژێرخانێکی بەهێزی نیشتەجێبوون هەیە. چارەسەرکردنی ئەم قەیرانە تەنها خزمەتێکی گشتی نییە، بەڵکو وەبەرهێنانێکی ڕاستەقینەیە لە ئاسایشی کۆمەڵایەتی، ئابووری و ئایندەی شارەکەمان.

هەر هاووڵاتییەک مافی ئەوەی هەیە بە نرخێکی گونجاو شوێنێکی شایستە بۆ ژیان بدۆزێتەوە. هیوادارین ئەم بانگەوازە بە چاوی بەرپرسیارییەوە سەیر بکرێت و ببێتە سەرەتای هەنگاوێکی ڕاستەقینە بۆ چارەسەری ڕیشەیی ئەم کێشەیە.

#ڕانیە

#نیشتەجێبوون



#محمدشوشکەیی

20/04/2026

سبحان اللە
بەهیوای سەلامەتی بۆ هەموو لایەک

30/06/2025

دەبێت شارەوانی ڕانیە کەی دەست بە پرۆسەی دابەشکردنی زەوی بکات ؟
شارەوانی هەولێر: مژدەی کۆتایی دەبیستن
شارەوانییەکانی هەولێر بڵاویکردووەتەوە کە پڕۆسەی دابەشکردنی زەوی، لە سنووری بەڕێوەبەرایەتیی گشتیی شارەوانییەكانی هەولێر، گەیشتە قۆناغی کۆتایی، لە چەند ڕۆژی داهاتوو موژدەی کۆتایی دەبیستن

11/11/2024

( بۆڕسەی زەوی ڕێبەری موڵک )
کۆمپانیای ڕێبەری موڵک بۆڕسەی عقارات بۆ شاری ڕانیە ڕادەگەیەنێت
بەناوی خودای بەخشندە و میهرەبان
لە پێناو کارئاسانی کردن بۆ کڕیار و فرۆشیار بۆ ئەوەی بەدوور بن لە زیان کردن و هەڵخەڵەتاندن مانگانە کۆمپانیای ڕێبەری موڵک نرخی زەوی لەو گەڕەکانەدا ڕادەگەیەنێک کە کڕین و فرۆشتن تێیاندا بەهێزە بەهیوای سود بینینی خاوەن موڵک و هاوشاریانمان لەم پڕۆسەیەدا .
بۆ بەرچاوڕونی ئێوەی بەڕێز نرخمان بە مەتر دیاری کردوە بۆنمونە گەڕەکی چوارچرا کەمترین نرخ 150 دۆلارە بۆ هەرمەترێک واتە زەویەکی 200مەتری نرخی دەگاتە 300گەڵا واتە 3دەفتەر
بەهەمان شێوە بۆ گەڕەکەکانی تری شار بەم شێوەیە نرخمان بەپێی مەتر دیاری کردوە ...

15/09/2024

چۆن دەبیتە خاوەن موڵکی خۆت ؟
هیچ کات بۆ کڕینی موڵک درەنگ نیە ...
لەبابەتی کڕینی موڵک گەورەترین شت کە بەرەو سەرکەوتنت دەبات ئارامگرتنە(الصبر)
پێش هەموو شتێک ئەگەر خاوەنی هیچ سەرمایەکی دانراو نیت دەبێت دەست بکەیت بە پاشەکەوت کردنی بەشێک لە سامانەکەت ئەمرۆ هەموومان دەزانین لە قەزاو ناحیەکان زەوی بێ کێشە دەکڕیت لە نێوان 10بۆ 30گەڵا باشترین وەبەرهێنان بۆ کەسێک کە موڵکی نەبێت ئەم جۆرە موڵکانەیە بیکڕیت و خەریکی پاشەکەوتی خۆت بیت دواتر هەوڵبدەیت زەویەکی تر بکڕیت بەردەوام ئەو کردارە دوبارە بکەیتەوە تاوەکو دەگەیت بە موڵکی دڵخوازی خۆت بۆنمونە.. 6 مانگ لەمەو بەر زەوی لە سەرکەپکان بە 10گەڵا دەکڕدرا ئێستا بۆتە 20گەڵا و بۆ سەرو تریش ئەگەر کەسێک 6زەوی کڕیبایە ئێستا بە 6 مانگ سەرمایەکەی 2بەرامبەر دەبوەوە 60 گەڵات دەکرد بە 120گەڵا هیچکات بۆ کڕینی موڵک درەنگ نیە ئێستاش کەم کەمە زەوی هەیە لە نێوان 15 بۆ 20گەڵا زەوی جوانتریش هەیە لەسەرو ئەو نرخە
کەواتە بۆ بون بە خاوەن موڵک پێویستە ڕەچاوی ئەم خاڵانە بکەین
1 یەکەم ~ پاشەکەوتکردنی ئەوداهاتەی مانگانە و ڕۆژانە هەمانە...
2 دووەم ~کاتێک پارەکەمان گەیشتە کڕینی هەرزانترین موڵک موڵکی پێ بکڕین بێگومان دەبێت بە ڕاوێژکردن بە کەسانی بەئەزمون و ڕاوێژکارانی خانووبەرە ئەم هەنگاوە ئەنجام بدەین

3سێەم ~ دووبارە دەست بکەینەوە بە پاشەکەوت کردن تاوەکو پارەی کڕینی زەویەکی ترمان دەبێت

4چوارەم ~ بە ڕەچاوکردنی ئەو خاڵانەی سەرەوە دەتوانین لە کاتی فرۆشتنیدا موڵکی دڵخوازی خۆمانی پێ بکڕین یاخود دەتوانین لە پڕۆژە و سیتیەکاندا خانوی بەقیست پێ بکڕین و زۆر بە ئاسانی و بە قیستی درێژخایەن دەبینە خاوەن موڵکی خۆمان ...
ئەوەی گرینگە ڕەچاوی ئەوە بکەین هەموو موڵکەکانمان لەیەک شوێن نەبێت وەکو پێشینانمان وتویانە( هەموو هێلکەکان نەخەینە یەک سەبەتە )هەم لە گەرەکی جیاواز هەم لە شاری جیاواز موڵک بکڕین بۆئەوەی لەکاتی هەر گۆڕانکاریەکی باش و خراپ سەرمایەکانمان بپارێزین ...

تێبینی ~ کە باسی سەرکەپکان دەکەم وەکو نمونە بۆم باسکردون ئەگینا دەتوانن لە بۆسکێن زەوی بکڕن کە ئایندەی بۆسکێن ئایندەیەکی گەش دەبێت و شارێکی جوانی گەشتیاری دەبێت یاخود هەر شوێنێک زەوی لێ هەرزان بێت و ئایندەی باش بێت .

ڕاوێژکاری خانووبەرە

23/07/2024

بەپێی بڕیاری ئەنجومەندی وەزیران :
باج(زەڕیبە)ی سەر زەوی بەتاڵ ڕاگیرا ئەم بڕیارە زۆر گرینگە بۆ بازاڕی زەوی بەتایبەت لە ڕانیە

23/02/2024

هۆکاری بەرزبونەوەی نرخی زەوی چیە لە رانیە ؟
بەناوی خودای بەرز و بێ هاوتا لەماوەی چەند مانگی ڕابردودا نرخی زەوی لە ڕانیە بەشێوەیەکی بەرچاو ڕووی لەبەرزبونەوە کردوە هەرچەندە هێشتا نەگەیشتۆتەوە ئەو نرخەی پێشوتر پێیگەیشتبوو
ئێمە دەمانەوێت لەم لێکۆڵینەوەیەماندا ڕونکردنەوەی پێویست بخەینە بەر دیدی ئەو بەرێزانەی چاویان لە ئێمەیە بۆ ئەوەی بەرچاوڕونیان پێبدەن لە هۆکارەکانی ئەم بەرزبونەویە
𝟏. لە ئەسڵدا نرخی زەوی بێ خەدەمات لەڕانیە زۆر کەم بوو زەوی بێ خزمەتگوزاری لە نێوان 𝟓𝟎بۆ دەفتەرێک دا دەست دەکەوت کە ئەمەش نرخێکی کەم بوو بۆ زەوی تاپۆ .
𝟐. ــ بونی پارەیەکی زۆری نقد لە بازاڕی ڕانیە کە بەشێکی سەرچاوەکەی دانیشتوانی ڕانیەن لە دەرەوەی وڵات
𝟑. نەبونی بەدیل بۆ هەڵگرتنی پارە بێگومان باشترین هەڵگرتن و وەبەرهێنان کردن بە پارەوە وەبەرهێنانیەتی لە بازاڕی عقاراتدا بێگومان بەڕاوێژکردن بە کەسانی پسپۆڕ.
𝟒. ماوەیەکی زۆر بوو معامەلەچیەکانی ڕانیە پارەکانیان لە زەویەکانی (چوارچرا ، شادی ، ڕابون و بوێران و چیا و بیتوێن ... ) چەقی بەستبو و دەستیان داخرابوو بۆ کڕینی زەوی بەڵام لەماوەی ڕابردوو ئەم پارانەیان هاتۆتەوە دەست و مامەڵەی پێوەدەکەن بێگومان نرخی زەوی لەگەرەکەکانی تر بەرز دەکەنەوە .
𝟓. کەمی ژمارەی زەوی لە ڕانیە کە گونجاوبێت بۆ ژیانکردن.
𝟔. دەنگۆی بونی هەندێک پڕۆژە کە ڕانیە لەم قۆناغەی ئێستای دەگوازێتەوە سەردەمێکی جوانتر..
𝟕. زۆر بونی ژمارەی دانیشتوانی ڕانیە و گەشەی دانیشتوانی ئیدارەی ڕاپەڕین ..
𝟖. زۆری پارەی وەبەرهێنان لە ڕانیە بەهۆی گونجاوی و خۆشی کەش و هەواکەی و جوانی سروشتی ڕانیە ...
𝟗. ئاسانی ژیانکردن لە ڕانیە وایکردوە خەڵکانێکی زۆر ڕوو لەم شارە بکەن بۆژیان کردن کە تەنها گەشەی دانیشتوان نەبێت خواست لەسەر موڵک لە ڕانیە زیاد بکات بەڵکو خەڵکانی دەوروبەری ڕانیە بۆ ژیانکردن دێن بۆ ڕانیە لەبەر ئەوەی بەداهاتێکی کەم دەتوانیت بە ئاسانی کاروباری خۆت لە ڕانیە جێبەجێ بکەیت..
10. بونی هەواڵی خۆش سەبارەت بە بودجە و موچەی کوردستان و هاتنی مەعاشی فەرمانبەران هۆکارێکی سەرەکی ئەم بازاڕ جوڵانەیە..
بێگومان لە هەموو ئیش و کارێکدا کەسانی هەلپەرست هەن بۆئەوەی لە ئایندەدا زیان نەکەیت بەڕاوێژەوە کڕین و فرۆشتنەکانتان ئەنجام بدەن ..
بەهیوای سود بینین.....

23/02/2024

بازاڕی خانوبەرە لەڕانیە لە جوڵەیەکی زۆر خێرا و گەرم وگوڕدایە تکایە بە ڕاوێژ و بەرچاوڕونیەوە مامەڵەکانتان ئەنجام بدەن بۆ ئەوەی دووربن لە زەرەر و زیان بە سەروەت و سامانتانەوە ....

ڕاوێژکاری خانووبەرە