گوندی میراوا / Mirawa Village

19/04/2026

بەناوی خوای گەورەو باڵادەست .. وەک پیشەی هەمیشەی گوندە جوانەکەمان ئەم سەردان و بەسەر کردنەوەی ئازیزانمان لەمێژە بەردەوام بووە ئەم شەو ڕێکەوتی ١٩-٤-٢٠٢٦ دەستەیەک لەگەنجانی میراوا هەستاین بەسەردان و بەسەرکردنەوەی بەڕێز حاجی قادر حاجی عوسمان. . بەمەبەستی هەواڵ پرسین خواشیفای بۆ بنێرێت زۆر سوپاس بۆمیواندارییان

10/02/2026

بە ڕازیبوون بە قەدەر و فەرمانی خوای گەورە ، هاوڵاتی (عوسمان عارف حسین ) میراوایی وەفاتیکردووە و ئێستا تەرمەکەی لە مزگەوتی کوردستانە لە گەڕەکی کوردسات و بەیانی سەعات 7.00 نوێژی لەسەر دەکرێت و لە گۆڕستانی کەڵەکن بەخاک دەسپێردرێت.
انا لله وانا اليه راجعون

29/01/2026

پرسەی گوندی میراوا
هاوڵاتی (محمد محمود علی) میراوایی، برای کاک ملا عبداللە و کریم و جمال و خوالێخۆشبوو حاجی ڕەشید، ئامۆزای کوێخا عەزیز میراوایی، کۆچی دواییکردووە، ئەمڕۆ 29ی 1ی 2026 پرسەکەی لە مزگەوتی کوردستانە لە گەڕەکی کوردسات
انا لله وانا اليه راجعون

21/01/2026

پرسەی گوندی میراوا
بە ڕازیبوون بە فەرمانی پەروەردگار، هەواڵی کۆچی دوایی هاوڵاتی ( محمد عوسمان حسین میراوایی) باوکی شەهید بەختیار و دلێر و وەستا ئاسۆو ئاکۆ ڕادەگەیەنین. ئەمڕۆ چوارشەممە 21 / 1 / 2026 یەکەم ڕۆژی پرسەکەیەتی لە مزگەوتی (کوردستان) لە کوردسات.
انا لله وانا الیه راجعون

20/01/2026

پرسەی گوندی میراوا
بە ڕازیبوون بە فەرمانی پەروەردگار، هەواڵی کۆچی دوایی هاوڵاتی ( فاتمە محێدین عزیز میراوایی) هاوسەری کاک تۆفیقی مام قادر میراوایی، دایکی کاک فاروق و تاریق و و نامیق و فایەق و فرمان، خوشکی کاک عوسمان و خوالێخۆشبووان کاک جلال و عزیز ڕادەگەیەنین. سبەی چوارشەممە 21 / 1 / 2026 یەکەم ڕۆژی پرسەکەیەتی لە مزگەوتی کوردستان لە کوردسات.
انا لله وانا الیه راجعون

08/12/2025

پرسەی گوندی میراوا
هاوڵاتی (نازدار محەمەد حەسەن) میراوایی کۆچی دوایی کردووە، خێزانی کۆچکردوو عەزیزی حاجی محێدین میراوا، دایکی وەستا فەرەیدون و فایەق، خوشکی کۆچکردووان حاجی سدیق و کاک عبداللە، و کاک عەزیز و ئەحمەد و ساڵح و قادر، پرسەکەی لە مزگەوتی شێخ عەبدولقادری چوێسەیەو سبەی 9-12-2025 یەکەم ڕۆژی پرسەکەیەتی

23/11/2025

لە ساڵیادی کۆچی دوایی کاک محەمەدی حاجی مەلا ئەحمەدی میراوایی، مامۆستای بەڕێز و بە وەفا مامۆستا هەمزە قادر ژاژڵەیی، لە نوسینێکیدا کە بە سوپاسەوە بۆ پەیجی گوندی میراوای ناردووە، زۆر بە تاسە و لە شێوەی لاواندنەوەدا نوسیویەتی:
(( وێڵی دیدارتم))
دوای سێ ساڵ لە دوا کۆچی ، پێشکەش بە ڕوحی کاک محمدی حاجی مەلا ئەحمەدی میراوایی.
کە ڕۆژ دەبێتەوەو بەیان دادێ چاوەڕوانی هەڵاتنی خۆرین کە شەویش بەسەرداهات چاو بۆ مانگ و تریفەکەی دەگێڕین، کاتێک بەڕێگادا دەڕۆین یان لەبەر ڕۆچکەیەک دادەنیشین بۆ ئاسۆ دەڕوانین کاتێکیش لەمەجلیسی دیواخان دادەنیشین شەهامەت و قسەی هەق و ڕاست سەرنجمان ڕادەکێشێ نەک زۆر بڵێ ی و درۆ و خۆ هەڵکێشان،
گەر بتەوێ بەراوردێک لە نێوان ناسیاوو دۆستەکانت بکەیت بەدوای خەسڵەتی جوان و مرۆڤانەدا دەگەڕێیت نەک ڕوخساری جوان و پارەی زۆر و ....
لەکوردستان و لەناو خەڵکدا خەسڵەتی جوان و ئاکاری بەرز کەم نین بەڵام ئەوانەی هەمویان یان زۆرێکیانی تێدا بێت زۆر کەمن ، لەوانەیە هەریەک لەئێمە یەک دوو شتی باشمان تێدابێ بەڵام هەمویان نا،
ئەوەی مەبەستمە لە هەواری کۆنی میرانی بابان لە بەهەشتی سروشت لەناو زێدی حاجی محێ الدین و مام عبداللە و حمە حسن و ئەحمەد خانم و مەلاسڵێمان و کوێخاتۆفیق و دەروێش حەمەد و حاجی عوسمان و زۆری تریش محمدی مەلا ئەحمەد هەڵکەوت کە زۆربەی خەسڵەتە جوانەکانی تێدابوو هەمومان وەک سۆمای چاو خۆشمان دەویست و دوای سێ ساڵ لە وەفاتی وەک تیشکی خۆر بۆی دەڕوانین.
سێ ساڵە چاوی بۆ دەگێڕم ، سێ ساڵە بەدوای هەواڵێکیدا وێڵم، وەلێ بێ وەڵامم، ئاخر ئەو پیاوە هێمنە ڕوخۆشە بە ویقارو هەڵسوڕاوو برا گەورەیە بە وەفاداری و هەڵس وکەوتی جوانی هەموانی کردبووە خۆشەویستی خۆی. ئەو لە سورە قەڵات و کارێزە وشک و گەڕەکەکانی سەروی سلێمانی ناسراوو دیار و ڕێزلێگیراو بوو، هەمیشە قسەی خێری دەکرد و مەجلیسی خۆش بوو ، لە پرسەکانی سنوری شارباژێر لەگەڵ کوێخا عزیز و مامۆستا مەلا عبداللە و کاک همزەی برایی و دکتۆر هیوا بەشداریان دەکرد ، بۆ لای نەخۆش و مەراسیمە کۆمەڵایەتیەکان بەتەنگ خەڵکەوە بوون،
ئەو هەمیشە ئامۆژگاری و ڕێنمایی کوڕو کچ و خزمەکانی دەکرد لەگەڵ هەقبن و لەکاری چاک و خزمەتکردن و وەفاداری سارد مەبنەوە.
پێم وابێ کاک محمد یەکێکە لەوانەی لەدوای مەرگی مێژوەکەی دەستپێدەکات،
خوای گەورە لێتخۆش بێت و یادت بەخێر،
پیاوی خۆشەویست و ناسراوی سنوری ماوەت و شارباژێر .(محمدی مەلا ئەحمەدی میراوایی) لە 23-11-2022 لە سلێمانی کۆچی دوایی کرد

22/11/2025

بە ناوی خوای گەورە و میهرەبان
خۆشەویستان و خزمان لە گوندەکانی ئامادەین و میراواو سەراو و چناران، لەبەرئەوەی کۆمپانیای جێبەجێکاری ڕێگاکە، سەرقاڵی کارکردنە، داواتان لێدەکەین کە ڕێگاکە دادەخرێت و بەکارنایەت بۆ ئاگاداریتان و لەگەڵ ڕێزی بێ پایان.

03/10/2025

‎ دوای سوپاس و ستایشی بێ پایان بۆ خوای گەورە، هاوکات سوپاس و دەستخۆشی بۆ هەموو ئەو بەڕێزانەی کە لە پلەو پۆستە کارگێڕییەکانی حکومەت و ڕیش سپی و پیاوماقوڵان ڕۆڵیان لە گەیاندنی پڕۆژەی قیرکردنی ڕێگای ئامادەین چناران - میراوا - سەراو هەبووە، کۆمپانیای تایبەتمەند پڕۆژەکەی خستووەتە بواری جێبەجێکردنەوە.
لەبەر ئەوە خۆشەویستان و خزمانمان ئاگادار دەکەین کە ئەو ڕێگایە بەکارنە هێنن، بەهۆی دروستکردنی چەند پردێک بۆ ماوەیەک ڕێگاکە دادەخرێت، باشترە ڕێگاکانی دیکەی چناران و کوڕەداوێ بەکاربهێنن.
هاوکاری و بەدەمەوە هاتنتان کارئاسانی بۆ پرۆژەکە دەکات، لەگەڵ ڕێزدا. لەبەرواری ٤/١٠/٢٠٢٥ هەتا کاتێکی نادیار خۆمان ئاگادارتان ئەکەینەوە

30/07/2025

(محمد ی مەلا ئەحمەد....تاڵێک لە تیشکی خۆر )
نوسینی: مامۆستا هەمزە قادر ژاژڵەیی (ڕێزو سوپاسی بێپایان بۆ جەنابی مامۆستا و وتە شیرین و پڕ بەهاکانی)
پێشکەش بە ڕوحی پاکی پیاوی هەڵکەوتو کاک محمدی مەلا ئەحمەد دوای نزیکەی ساڵ و نیوێک لە دوای چاو لێکنانی )
ورد ورد ڕێگات دەبڕی ، هێواش هێواش دەدوای، وتەت چەشنی شەکر لەزارتدا دەتوایەوە،سەرو سیمات هەیبەتی کەسێکی باش و بەوەفای دەنواند،
باڵات مەیلەو بەرزو هەستت پاک و دەرونت ڕوناک ، خۆشەویستی خەڵک و دەوروبەر لە کردار و هەڵس و کەوتتدا دیاریدەدا، تۆ پەروەردەی خاک و ئاوو هەوای میراوا بوی، لە پیاوەتی و سەخاوەت و نان و خواندا وێنەو نمونەت کەم بوو، هەستی کوردایەتی و خۆشەویستی نیشتمان و تێکۆشان بۆ ئازادی و سەربەستی لەباوان و گەورەکانەوە وەرگرتبوو، شەهید بون و گۆڕ گوم بوونی کاک حەسەن ی برات بەگەنجی و تافی لاوی شاهید و بەڵگەو گەواهیدەر بوو.
لەماڵ بەماڵی میراواو سورەقەڵات و کارێزە وشک و سنوری ماوەت ناسراوو خاوەن پێگە و برا گەورەو خاوەن قسە و ڕێزلێگیراوو خۆشەویستبوی، بەخەم و ئازاری خەڵکەوە بوی ، لەنەهاتی و نەخۆشیدا سەردانکەرو هەواڵپرس و یارمەتیدەریان بووی، لە کارەسات و کۆستکەوتن و پرسەکاندالەماڵ و مزگەوت و سەرقەبراندا بێ ماندوبون بە پێوە بوی، بۆ بەشداری پرسەو مەراسیمە کۆمەڵایەتی و رۆشنبیری و سیاسی و خێزانیەکان بەردەوام لەگەڵ کوێخا عزیز و مامۆستا مەلا عبداللە و کاک همزەی برات و وەستا کریم و دکتۆر هیوا لە ڕیزی پێشەوە بوون، ئاخر یەک پرسەی سنوری شارباژێر نەبووە ئێوە بەشدار نەبوبن، ئێوە خاوەن پێگە و شوێنتان دیار بوو، تۆ پیاوێکی بەمشورو هەڵسوڕاو بووی، لەمیراوا جوتیارێکی شارەزاو دەست گەرم وچالاک بووی لە ناوشار برا گەورەی خزم و دۆست و ناسیاوەکان بوی، لەمەجلیسی گەورە پیاوانی وەک حاجی محی الدین و حاجی ئەحمەد و کوێخا تۆفیق و مەلاسڵێمان و ئەحمەد خانم و مستەفا جۆڵا دا گوێ لێگیراوو خاوەن قسە بوی،
تۆ هاوسەرێکی نەرم و نیان و خاوەن ویژدان وبیر فراوان بووی، هەرگیز قسەی نەشیاوو جوێن و توندوتیژیت نەدەزانی، بۆ کوڕو کچەکانت باوکێکی میهرەبان و بەسۆز و خەمخۆر بووی، بۆ خوشک و براو کەس و کارت دڵسۆز و پیاوی ڕۆژی تەنگانە بووی، لەناو دڵی خەڵکی شارباژێر و ماوەت شوێنت دیار و خۆشەویست بوی،
ڕۆژی مەرگ و دوا کۆچت لە مەراسیمی سەرقەبران و ماڵ و مزگەوتەوە دیار بوو، ئەوەندە قەرەباڵغ و پڕ خرۆش بوو، هەموو دڵپڕ خەم وچاو بەگریان بوون، شوێنی دانیشتن نەمابوو، قسەو سوعبەت و پێکەنین و یادگاری و پیاوەتی و هەڵس و کەوتی شیرینت باسی مەجلیس و وێردی سەر زمانیان بوو،تۆ هەڵکەوتویەکی گەلی کورد و تاڵێک لە تیشکی خۆری دەم کەلی گوندە ئەزیز و پڕ لە یادەوەریەکەی میراوا و بناری گمۆ بووی، دابڕان و دوا کۆچت خەم هێنەرو پڕ ژان و بە سوێ بوو، سارێژ بوون و لەبیر کردنت زەحمەتە و ئیرادەی بەهێز و کاتی زۆری دەوێ،
ڕوحت شاد و ماڵی گۆڕت چراخان بێت و یادت بەخێر پیاوە دەگمەن و ناوازەکە.

02/03/2025