02/02/2026
ب ئامادەبوونا بەرێز عومەر ئۆرەیی, بەرپرسێ لقێ ٨ ڕێز ل خەباتا ٤٢ رێکخراوێن جەماوەری و پێشەیێ و پەیمانگەهێن زاخۆ گرت
ئەڤرۆ رۆژا دووشەمبی، ٢ی شوباتا ٢٠٢٦ ب مەبەستا نرخاندنا کار و خزمەتا تەخێن جودا یێن جڤاکی، بەشێ ڕێکخراوێن جەماوەری و پیشەیی یێ لقێ ٨ یێ پارتی دیموکراتی کوردستان، د ڕێوڕەسمەکا بەرفرهە دا رێز ل ماندووبوونا هەمی پێکهاتەیێن پیشەیی و جەماوەری ل سنوورێ ئیدارا سەربەخۆیا زاخۆ گرت.
د رێورەسەمەکێ ب ئامادەبوونا بەرێز (عومەر ئۆرەیی) بەرپرسێ لقێ ٨ و بەرێز (حەکیم پیرۆ) کارگێڕێ لقێ و بەرپرسێ بەشێ جەماوەری و پیشەیی هاتە ئەنجامدان.
تێدا ب فەرمی سوپاسنامە و خەلاتێن ڕێزلێنانێ پێشکێشی ٤٢ و رێکخراوێن پؽشەیێ و جەماوەری و پەیمانگەهان هاتنە کرن، کو پێکهاتبوون ژ:
• ٣٤ سەندیکایێن پیشەیی.
• ٣ رێکخراوێن قوتابیان و لاوان و ئافرەتان
• ٥ پەیمانگەهێن ئەهلی و حکومی.
د مەراسیمێ دا، بەرێز عومەر ئۆرەیی، بەرپرسێ لقێ ٨ پەیڤەک پێشکێش کر و تێدا دەستخۆشی ل رۆڵێ گرنگ یێ رێکخراوێن پیشەیێ و جەماوەرێ و پەیمانگەهان کر و ڕایگەهاند: هوین ستوونێن ئاڤەدانکرن و پێشخستنا جڤاکی نە.
چ وەک سەندیکا د بوارێن پیشەیی دا، یان رێکخراوێن قوتابی و لاوان و ئافرەتان د پەروەردەکرنا نەوەیەکێ دڵسۆز دا و ئاڤاکرن و پێشئێخستنا جڤاکی هەر دیسان پەیمانگەهـ د پەرەپێدانا زانست و کارامەییان دا؛ هەمی پێکڤە هێما و پالنەرێ پێشکەفتنا کوردستانێ نە." هەروەسا زێدەتر گۆت: پارتی ب شانازی ڤە ل خزمەتا وە دنێریت و ئەڤ سوپاسنامە کێمترین نرخاندنە بۆ وێ دڵسۆزیا هوین د خزمەتکرنا خەلکێ زاخۆ دا نیشان ددەن.
ل دویماهیێ، نوێنەرێن لایەنێن ئامادەبوو سوپاسیا لقێ ٨ و بەشێ جەماوەری کر بۆ ڤێ پشتەڤانیا بەردەوام، کو دبیتە پالنەرەکێ ب هێز دا کو ب جۆش و خڕۆشەکا مەزنتر بەردەوامیێ ب کاروانێ خزمەتێ بدەن.
راگەهاندنا لقێ ٨ ێ
پارتی دیموکراتی کوردستان
٢ی شوباتا ٢٠٢٦
