Lækjargata apartments Akureyri

15/06/2020

Tilboð sumar 2020 - Gisting 2 nætur-hvalaskoðun-heitir pottar og kvöldverður

Gisting í aldagömlu uppgerðu húsi við Lækjargötu 3 í innbænum á Akureyri í tvær nætur – á öðrum degi er farið í hvalaskoðunarferð frá Hauganesi (ca. 25 mínútna keyrsla frá Akureyri) og í framhaldi af henni farið í baðferð í heita potta og sjóinn á ströndinni við Hauganes og endað á máltíð í veitingahúsinu Baccalá bar á Hauganesi.

Um er að ræða þrjár íbúðir:

Lúxusíbúð með 4 svefnherbergjum, 2 setustofum, borðstofu, eldhúsi og baðherbergi.

Íbúð á jarðhæð með 2 svefnherbergjum, setustofu, eldhúsi og baðherbergi

Studíóíbúð með 1 svefnherbergi, setustofu með svefnsófa og eldhúskrók og baðherbergi

Íbúðirnar þrjár hafa aðgang að sameiginlegum heitum potti og útisturtu og eru ríkulega skreyttar með myndverkum eftir íslenska listamenn frá seinni hluta tuttugustu aldar.

Hvalaskoðunin á Hauganesi er elsta hvalaskoðun landsins. Notaðir eru tveir klassískir eikarbátar sem eru rómaðir fyrir að vera rúmgóðir og sérlega stöðugir í skjólsælum Eyjafirðinum. Hnúfubakarnir eru yfirleitt í ca. 20 mínútna fjarlægð frá Hauganesi. Innifalið í ferðinni sem tekur 2,5 til 3 tíma er sjóstangaveiði í lok ferðar þar sem stoppað er við þekkt fiskimið innan fjarðarins á leiðinni til baka. Aflinn er flakaður fyrir þá sem það vilja. Innifalið er hlýr heilgalli (sem einnig er flotgalli) kaffi, kakó, kleinur/snúðar. www.whales.is/ Whale Watching Hauganes

Veitingar á Baccalá Bar á Hauganesi, sem ber á borð meðal annars ferskan fisk og saltfisk „beint frá býli“ Staðurinn stendur við hlið húsnæðis Ektafisks sem er elsti saltfiskverkandi landsins. Á Baccalá Bar getur þú setið og snætt og notið útsýnis inn fallegan Eyjafjörðinn. Hægt er að fylgjast með Facebook síðunni Baccalá Bar - Ektafiskur og fá þar nánari upplýsingar um staðinn. Af matseðli er hægt að velja um nýjan fiskrétt eða saltfiskrétt. Heitu pottarnir eru staðsettir í fjörunni fyrir neðan veitingastaðinn.

Stúdíó f. 2 42.890
Stúdíó f. 4 61.380
Jarðhæð f. 2 46.880
Jarðhæð f. 4 64.980
Deluxe íbúð f. 4 76.980
Deluxe íbúð f. 6 95.470
Deluxe íbúð f. 8 117.960

Nánari upplýsingar í skilaboðum.

02/06/2020

Gengið er niður nokkrar tröppur í íbúðina sem er í aðalhúsinu þar sem eru 2 íbúðir. Komið er inn í litið hol og síðan inn í gang þar sem eru 2 svefnherbergi og við enda gangsins er alrými með setustofu, eldhúsi og baðherbergi. Eldavél, ofn, ísskápur og uppþvottavél er í eldhúsi og þvottavél á baðherbergi. Á bakvið húsið er heitur pottur og útisturta og hafa allar 3 íbúðirnar í Lækjargötu 3 aðgang að honum. Gengið á stétt í pottinn.

02/06/2020

Íbúðin er á 2 hæðum í tveggja íbúða húsi. Gengið er upp tröppur á enda hússins og á þeirri hæð er lítið hol, borðkrókur og eldhús, stofa og borðstofa og verönd sem gengið er út á frá borðkróknum í eldhúsinu og þar fyrir aftan er heitur pottur og útisturta sem allar 3 íbúðirnar hafa aðgang að. Á efri hæðinni er baðherbergi, setustofa með svölum fyrir utan og 4 góð svefnherbergi öll með 2 samliggjandi rúmum og smábarnarúm í einu herbergjanna.

02/06/2020

Íbúðin er í litlu húsi við hlið aðalhússins. Gengið er inn í alrými þar sem er borðkrókur, eldhús, með helluborði, örbylgjuofni og ísskáp og setustofa með svefnsófa. 1 svefnherbergi og gott baðherbergi er einnig í húsinu. Á bak við aðalhúsið er heitur pottur og útisturta sem íbúðirnar þrjár í Lækjargötu 3 hafa aðgang að. Gengið er á stétt í pottinn.

24/05/2020

20/05/2020