Húseigendafélagið

18/06/2026

Leigubremsur og leiguþök eru oft kynnt sem leið til að vernda leigjendur og halda aftur af hækkandi leiguverði. En hvað segir reynslan frá öðrum löndum?

Í nýrri samantekt Húseigendafélagsins er farið yfir rannsóknir og reynslu frá meðal annars San Francisco, Berlín og Minnesota. Niðurstöðurnar benda til þess að þótt leigutakmarkanir geti veitt ákveðna vernd til skemmri tíma geti þær einnig dregið úr framboði leiguhúsnæðis, haft áhrif á fjárfestingar og jafnvel stuðlað að hærra leiguverði til lengri tíma litið.

Í samantektinni er jafnframt fjallað um sérstöðu íslenska leigumarkaðarins, þar sem einstaklingar eiga stóran hluta þess húsnæðis sem leigt er út. Það gerir markaðinn viðkvæmari fyrir breytingum á regluverki en víða annars staðar.

Hvernig er best að tryggja húsnæðisöryggi leigjenda án þess að draga úr framboði húsnæðis? Það er meðal þeirra spurninga sem samantektin varpar ljósi á.

Lesið samantektina hér 👇

Inngangur Hækkandi leiguverð er fyrir mörgum mikið áhyggjuefni og hafa stjórnvöld víða gripið til takmarkana á heimildum leigusala til að hækka leiguverð, t ...

16/06/2026

Hver ber ábyrgð ef heimlögn neysluvatns bilar?

Margir fasteignaeigendur gera ráð fyrir að þeir beri sjálfir ábyrgð á heimlögn sinni. Í mörgum tilvikum er það hins vegar vatnsveitan sem á lögnina og ber ábyrgð á viðhaldi hennar og endurnýjun. Fyrir eldri heimlagnir geta þó gilt aðrar reglur, sérstaklega ef þær hafa ekki verið endurnýjaðar.

Munurinn getur skipt miklu máli, bæði þegar kemur að kostnaði vegna viðgerða og ábyrgð á tjóni. Í greininni er farið yfir helstu reglur um eignarhald heimlagna, undantekningar vegna eldri lagna og nýlegan dóm Landsréttar sem varpar ljósi á ábyrgð vegna leka úr heimlögn.

Við hvetjum fasteignaeigendur til að kynna sér stöðu sinna heimlagna og hvaða réttindi og skyldur kunna að fylgja þeim.

Sjá grein á vefsíðu Húseigendafélagsins hér að neðan:

https://huso.is/heimlagnir-neysluvatns-abyrgd-eignarhald-og-alitaefni/?fbclid=IwY2xjawSeKCVleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe4z8b6ebq_CIgX_i_4wCfBF1GrUQhLjVQ2vjBbhGZ_QrcUEWK1XzlrQe-2w0_aem_uekHsZfPzDFoSW4DMAV8ng

Á undanförnum árum hefur orðið æ algengara að heimlagnir fyrir neysluvatn bili eða gefi sig vegna aldurs og slits. Margir fasteignaeigendur ganga út frá því ...

12/06/2026

Aðildarumsókn Húseigendafélagsins að UIPI (International Union of Property Owners) var samþykkt í síðustu viku.

Þetta markar mikilvægan áfanga í starfi félagsins og eykur tengsl þess við systursamtök húseigenda víða um Evrópu.
Sjá frétt á heimasíðu Húseigendafélgasins.

Aðildarumsókn Húseigendafélagsins að UIPI (International Union of Property Owners) var samþykkt í síðustu viku. UIPI eru regnhlífasamtök húseigendafélaga og ...

01/06/2026

Morgunblaðið fjallar um greiningu Húseigendafélagsins á nýjum húsnæðispakka ríkisstjórnarinnar. Félagið telur að sumar aðgerðir geti stutt við aukið húsnæðisframboð til lengri tíma, en varar jafnframt við mögulegum áhrifum á leigumarkað og húsnæðiskostnað almennings.

Húseigendafélagið telur að það þurfi að stíga varlega til jarðar við beitingu leigubremsu sem miðar að því að gera mánaðarlega vísitölutengingu húsaleigu óheimila, eins og áform eru um að lögfesta í húsaleigulögum

28/05/2026

Húseigendafélagið hefur staðið vörð um hagsmuni fasteignaeigenda í 103 ár og heldur þeirri vegferð áfram af fullum krafti. Mikilvægt er að eiga í góðum samskiptum við stjórnvöld og kynna þeim sjónarmið félagsins um stöðu fasteignaeigenda á Íslandi.

Húseigendafélagið er hagsmunafélag fasteignaeigenda á Íslandi og hefur barist fyrir hagsmunum þeirra í rúm 103 ár. Félagið telur afar mikilvægt að eiga gott ...

21/05/2026

Jónína Karsldóttir, lögmaður Húseigendafélagsins, hélt erindi um hlutverk stjórna og ákvarðanatöku húsfélaga á vorfundi Eignaumsjónar fyrir stjórnendur hús- og rekstrarfélaga.

19/05/2026

🏠 Húseigendafélagið fagnar áherslu ríkisstjórnarinnar á húsnæðismál og telur mikilvægt að byggja upp heilbrigðan leigumarkað með skýrum og sanngjörnum leikreglum fyrir bæði leigjendur og leigusala.

Félagið styður aukna fjármögnun kærunefndar húsamála, skýrari húsaleigulög og betri fræðslu um réttindi og skyldur á leigumarkaði.

Jafnframt varar Húseigendafélagið við of íþyngjandi leigubremsum og bendir á að reynsla erlendis sýni að slíkar aðgerðir geti dregið úr framboði leiguhúsnæðis og haft neikvæð áhrif á markaðinn til lengri tíma.

Sjá grein að neðan.

Nýlega voru kynntar aðgerðir ríkisstjórnarinnar í húsnæðismálum. Húseigendafélagið fagnar áherslu á húsnæðismál enda eru mikilvægustu hagsmunir einstaklinga ...

24/04/2026

Húseigendafélagið hefur gert samstarssamning við Eignaumsjón.

„Aukin áhersla hefur verið lögð á hagsmunamál hjá Húseigendafélaginu undanfarin misseri. Það er því ánægjulegt að gera samning um samvinnu í hagsmunamálum “. Hildur Ýr Viðarsdóttir, formaður Húseigendafélagins.

Hægt er að lesa nánar um samstarfið hér:

Húseigendafélagið og Eignaumsjón hafa gert með sér samstarfssamkomulag sem miðar að því að efla þjónustu og hagsmunagæslu fyrir eigendur fasteigna. Samkomul ...

24/04/2026

Við minnum á að aðalfundur Húseigendafélagsins verður haldinn mánudaginn 27. apríl næstkomandi og hefst klukkan 17:00.

Fundurinn verður haldinn í Esju-fundarsal Eignaumsjónar að Suðurlandsbraut 30, Reykjavík (2. hæð í bakhúsi).

Hægt er að nálgast frekari upplýsinga um fundinn á heimasíðu Húseigendafélagsins.

https://huso.is/adalfundur2026/

10/04/2026

Kom upp ágreiningur í húsfélaginu þínu? Húseigendafélagið getur hjálpað. Félagið hefur sérþekkingu á málefnum húsfélaga og býður upp á faglega fundarstjórn á húsfundum, sem tryggir skýra umræðu og faglega niðurstöðu. Einnig veitir félagið ráðgjöf í álitamálum sem tengjast rekstri og samskiptum innan húsfélaga.

Skráðu þig í félagið hér að neðan.