03/08/2026
पोडकास्ट चलाएर के हुन्छ र, काम छैन भन्ने धेरै महानुभावहरू भेटिन्छन्। तर हामीले पोडकास्ट सुरु गरेदेखि कम्तीमा एक जनाको जीवनमा भए पनि सानो परिवर्तन ल्याउन सकेका छौं भन्ने महसुस आज झन् बलियो भएको छ।
केही हप्ता अघि हाम्रो लक्ष्मण पाठक पोडकास्ट मा रूपा भट्ट बहिनी आउनुभएको थियो। उहाँमा गायन क्षेत्रप्रति ठूलो लगाव थियो, तर आफूलाई देखाउने उपयुक्त अवसर पाउनुभएको थिएन। पोडकास्टपछि हामीले गायक सूर्य खड्का ज्यूसँग उहाँको बारेमा कुरा गर्यौं र उहाँको प्रतिभाबारे जानकारी साझा गर्यौं। आज रूपा बहिनी तीज गीतको फ्रन्ट क्यामेरामा देखिनुभएको छ र आफ्नो स्वर पनि दिनुभएको छ।
हुन त प्रतिभाशाली धेरै चेलीबहिनीहरू हुनुहुन्छ। तर कसैले नचिनेकी रूपा भट्टलाई आज धेरैले चिन्ने अवसर पाउनुभएको छ। उहाँको यो सफलताले हामीलाई पनि निकै खुसी बनाएको छ। यदि हाम्रो सानो प्रयासले एक जनाको जीवनमा भए पनि सकारात्मक परिवर्तन ल्याउन सकेको छ भने, त्यो हाम्रो लागि ठूलो उपलब्धि हो।
मलाई थाहा छ, बजारमा राम्रो कुरा बिक्न गाह्रो हुन्छ। यो पोस्ट सायद २०० भन्दा धेरै लाइक पनि नजाला। तर त्यसले हाम्रो यात्रालाई रोक्दैन। हामी यस्तै प्रतिभा खोज्ने, अवसरसँग जोड्ने र सकारात्मक कथा सुनाउने काम निरन्तर गरिरहनेछौं।
अब आउने दिनमा लक्ष्मण पाठक पोडकास्ट मा म एक्लै होस्ट हुने छैन। नयाँ अनुहारहरू पनि होस्टका रूपमा देख्नुहुनेछ।
अन्त्यमा, रूपा भट्ट बहिनीले अवसर पाएको पहिलो तीज गीत हेर्न नभुल्नुहोस्। उहाँलाई धेरैभन्दा धेरै माया, साथ र शुभकामना दिनुहोस्। 🌸
