25/09/2025
គម្រោងសាងសង់ស្ពានមិត្តភាពកម្ពុជា-កូរ៉េ ក្នុងឆ្នាំ២០២៦ តម្លៃ ២៤៥លាន!
…..
គម្រោងសាងសង់ស្ពានមិត្តភាពកម្ពុជា-កូរ៉េ តម្លៃ ២៤៥លានដុល្លារ តភ្ជាប់ពីចំណុច (ផ្សាររាត្រី-ជ្រោយចង្វារ,ជ្រោយចង្វារ-អរិយក្សត្រ) ត្រើយខាងលិចទន្លេសាបគ្រោងនិងបើកការដ្ឋានសាងសង់នៅអំឡុងពេលឆមាសទី១ ឆ្នាំ២០២៦ នាពេលខាងមុខនេះ ខណៈបច្ចុប្បន្នបានឈានដល់ដំណាក់កាលត្រៀមរៀបចំកិច្ចលទ្ធកម្មជ្រើសរើសក្រុមហ៊ុនម៉ៅការសាងសង់ 🇰🇷🇰🇭
សូមជម្រាបជូនថា ស្ពានមិត្តភាពកម្ពុជា-កូរ៉េ គឺជាខ្សែផ្លូវក្រវ៉ាត់ក្រុងទី២ រត់កាត់តាមចំណុចប្រសព្វរវាងស្ពានបេតុងខ្សែកាបតភ្ជាប់ពីតំបន់ផ្លូវជាតិលេខ១ ឆ្លងកាត់ទន្លេមេគង្គឆ្ពោះទៅតំបន់អរិយក្សត្រ (ស្ពានក្ដីតាកុយ-អរិយក្សត្រ) និងជាតម្រាយខ្សែផ្លូវបុកឆ្ពោះទៅស្ពាន ដីឥដ្ឋ-ថ្មគរ នឹងឆ្ពោះទៅកាន់ផ្លូវល្បឿនលឿនភ្នំពេញ-បាវិត និងទៅស្ពានព្រែកតាមាក់។
គម្រោងសាងសង់ស្ពានមិត្តភាពកម្ពុជា-កូរ៉េ (ផ្សាររាត្រី-ជ្រោយចង្វារ,ជ្រោយចង្វារ-អរិយក្សត្រ) គឺជាស្ពានប្រភេទស្ពានបេតុងខ្សែកាបយោងខ្ពស់ សាងសង់ជា៤គន្លងប្រភេទ A/C ទទឹងស្ពានមានប្រវែងសរុប២៧,៥ម៉ែត្រ និងទទឹងផ្លូវប្រវែង២២,៥ម៉ែត្រ ដែលមានមេដ្យាន៣ម៉ែត្រ និងចិញ្ចើមផ្លូវ៣ម៉ែត្រ, ល្បឿនអតិបរមា៨០ គ.ម/ម៉ោង។
ស្ពានមិត្តភាពកម្ពុជា-កូរ៉េ នឹងសាងសង់ឆ្លងកាត់ទន្លេសាប ស្ពានទី១៖ (ចំណុចចាប់ផ្តើមពីម្តុំសួនផ្សាររាត្រី (ផ្សារចាស់) ឆ្លងកាត់ទៅត្រើយម្ខាងជ្រោយចង្វារ (ក្បែរសណ្ឋាគារសុខា) មានប្រវែង១,១៩គ.ម និងស្ពានទី២៖ ឆ្លងកាត់ទន្លេមេគង្គ ចាប់ផ្តើមពីចំណុចត្រើយម្ខាងជ្រោយចង្វារ (ក្បែរសណ្ឋាគារសុខា) ឆ្ពោះទៅប្រសព្វនឹងផ្លូវលេខ៣៨០ ឃុំអរិយក្សត្រ (ក្រុងល្វាឯម/ខេត្តកណ្តាល) មានប្រវែង១,១៨គ.ម និងផ្លូវតភ្ជាប់ទៅផ្លូវប្រសព្វនឹងផ្លូវលេខ៣៨០ មានប្រវែង ១,១៧គ.ម។ គម្រោងនេះ មានរយៈពេលអនុវត្តចំនួន ៥ឆ្នាំ ២ខែ(៦២ខែ)និងរយៈពេលសាងសង់ចំនួន ៣ឆ្នាំ ៩ខែ(៤៧ខែ)៕
