16/02/2022
សូមអនុមោទនាពិធីបុណ្យ មាឃបូជា!
ថ្ងៃ១៥កើត ពេញបូណ៌មី ខែមាឃ ព.ស. ២៥៦៥ ត្រូវនឹងថ្ងៃពុធ ទី១៦ ខែកុម្ភៈ ឆ្នាំ២០២២
អត្ថន័យទាំង ៥ ខ្លឹមសារមាឃបូជា ជាខ្លឹមនៃធម៌ ឱវាទបាតិមោក្ខ។
» ខ្លឹមសារសំខាន់ថ្ងៃមាឃបូជា ÷
១. ជាថ្ងៃប្រកាសចេញនូវឱវាទបាតិមោក្ខ ខ្លឹមនៃធម៌ បេះដូងនៃសាសនា (១.មិនប្រព្រឹត្តអំពើបាបទាំងពួង ២.ធ្វើកុសលឲ្យដល់ព្រម ៣.ធ្វើចិត្តឲ្យបរិសុទ្ធ)។
២. ជាថ្ងៃប្រជុំចតុរង្គសន្និបាតសង្ឃ ប្រកបដោយអង្គ ៤ (គឺ ១.ជាថ្ងៃពេញបូរមីខែមាឃ ២. សង្ឃនិមន្តមកជួបជុំគ្នា មានចំនួន ១.២៥០ អង្គ ដោយមិនបានព្រៀងទុក ៣.ភិក្ខុសង្ឃទាំងអស់ សុទ្ធតែជាព្រះអរហន្ត ៤. ភិក្ខុសង្ឃទាំងអស់សុទ្ធតែជាឯហិភិក្ខុ) ។
៣. ជាថ្ងៃដាក់ព្រះជន្មសង្ខារថា ៣ ខែខាងមុខ ព្រះតថាគតនឹងបរិនិព្វាន។
៤. ជាថ្ងៃប្រកាសតែងតាំងអគ្គសាវ័កស្តាំឆ្វេង (ព្រះសារីបុត្រនិងព្រះមោគ្គល្លាន)។
៥. ជាថ្ងៃដែលព្រះសារីបុត្របានសម្រេចជាព្រះអរហន្តលើលោក ជាមហាសាវ័កទី ១ ប្រសើរលើសភិក្ខុដទៃ ក្នុងចំណោមសាវ័កដែលមានបញ្ញាទាំងឡាយ។
