19/06/2024
គោរម្យងារឧកញ៉ាជំនាន់ដើម
ងារជាឧកញ៉ាកាលពីជំនាន់ដើមមានរាស្ត្រគោរពស្រឡាញ់ខ្លាំងណាស់ ព្រោះគាត់ប្រកបទៅដោយចំណេះវិជ្ជាជ្រៅជ្រះ គុណធម៌ សីលធម៌ និងវិជ្ជាជីវៈខ្ពស់ណាស់។
ដើម្បីបានងារឧកញ៉ានេះ គាត់មានសមត្ថភាពពិសេសច្រើនណាស់ មិនមែនត្រឹមតែមានទ្រព្យសម្បត្តិម្យ៉ាងនោះទេ គាត់អាចសរសេរជាអត្ថបទ ពាក្យកាព្យ ឬនិពន្ធជាសៀវភៅអប់រំដល់រាស្ត្រទូទាំងនគរខ្មែរ ឬប្រទេសកម្ពុជា។
អស់លោកអ្នកដែលចូលចិត្តអក្សរសាស្ត្រ ពាក្យកាព្យ ប្រាកដជាស្គាល់ឧកញ៉ា សុត្តន្តប្រីជាឥន្ទជាមិនខាន ។ យើងពិតជាចាប់ចិត្តនូវស្នាដៃរបស់គាត់ខ្លាំងណាស់ ជាពិសេសគឺសៀវភៅ «គតិលោក» សៀវភៅនេះមានអត្ថន័យពោរពេញទៅដោយគំនិតត្រិះរិះពិចារណាជ្រៅជ្រះណាស់ កាលណាបើពលរដ្ឋខ្មែរណាមួយបានអាន និងបានឈ្វេងយល់នូវខ្លឹមសារក្នុងសៀវភៅនេះ ប្រាកដជាមិនងាយនឹងចាញ់បោកកលល្បិចសត្រូវ ឬជនបោកប្រាស់ណាម្នាក់ឡើយ ។ហើយមានឧកញ៉ាច្រើនទៀតដែលបានជួយនិងការពារជាតិកន្លងទៅរួមមាន៖
ឧកញ៉ា ឃ្លាំងមឿង
ឧកញ៉ា ក្រឡាហោមគង់
ឧកញ៉ា សឺន គុយ ជាដើម។
ប្រទេសយើងបច្ចុប្បន្នកំពុងកើតមាន «អតិផរណាឧកញ៉ា» ឧកញ៉ាខ្លះយើងស្ទើរតែមិនធ្លាប់លឺឈ្មោះ មិនដឹងគាត់ប្រកបរបរអ្វី មានស្នាដៃអ្វីកសាងជាតិខ្លះ បន្សល់ទុកនូវគតិអប់រំអ្វីដល់កូនខ្មែរ? និយាយជារួម គឺមានច្រើនតែចំនួន យើងមិនដឹងថា គុណភាពយ៉ាងម៉េចនោះទេ ។និយាយបែបនេះ មិនមែនផ្តោតន័យចំទៅលើឧកញ៉ាទាំងអស់នោះទេ ឧកញ៉ាខ្លះក៏គេមានស្នាដៃនិងសមត្ថភាពអស្ចារ្យច្រើនរាប់មិនអស់ដែរ ។
ប៉ុន្តែ អ្វីដែលយើងចង់បាន គឺចង់ឃើញឧកញ៉ា ដែលមានចំនួនច្រើនលើសលុបនោះងាកមកជួយបង្កើតការងារណាដែលផ្តល់ស្ថិរភាពការងារ Sustainable Job or Income Flow បង្កើនប្រាក់ចំណូលដល់ជាតិនិងប្រជាជន ។ បង្កើតរោងចក្រកែច្នៃអាហារដើម្បីផ្តត់ផ្គង់តម្រូវការក្នុងស្រុក ទិញផលិតផលកសិកម្មពីកសិករក្រីក្រ ដើម្បីយកមកកែច្នៃ ។ ប៉ុន្តែ បច្ចុប្បន្ន តែអំបិល ប៊ីចេង ស្ករ ខ្ទឹមស និងឈើចាក់ធ្មេញក៏យើងនាំចូលពីប្រទេសជិតខាងដែរ ។ ដើម្បីចូលរួមកសាងជាតិមួយឱ្យខ្លាំងក្លាទៅបាន លុះត្រាតែចាប់ផ្តើមពីអ្នកមានលុយ មានគំនិតរកសុីអ្វីដែលផ្តល់ផលប្រយោជន៍វែងឆ្ងាយ ធ្វើឱ្យសេដ្ឋកិច្ចក្នុងស្រុកយើងដើរដោយរលូន កុំឱ្យគេបិទព្រំដែន ស្រាប់តែ បន្លែ ត្រីសាច់ តាមផ្សារបែរជាឡើងថ្លៃ ដែលធ្វើឱ្យគ្មានស្ថិរភាពសេដ្ឋកិច្ចក្នុងស្រុកទៅវិញ។
នាំមកអានដោយ វត្តប្រាសាទស្រះកណ្តាល ខ្ចាស់ ខេត្តបន្ទាយមានជ័យ
![ខុនដូ ១បន្ទប់គេង [សម្រាប់ជួល] | Condo 1 bedroom [for Rent]ទីតាំងនៅ The Bridge សង្កាត់ទន្លេបាសាក់.Location: The Bridge S...](https://img4.estateagents1.com/569/853/274839605698536.jpg)
![[English Below]👇👇2បន្ទប់គេង - ធីខេ ផាកលេន ខុនដូ [ទួលគោក] សម្រាប់ជួល • តម្លៃ៖ ៦០០ដុល្លារ/ខែ (អាចចរចាបាន) • បន្ទប់គេង2 • ...](https://img3.estateagents1.com/914/857/273672519148578.jpg)
