06/10/2023
🤔តើអ្នកដឹងទេ ប្លង់ឬវិញ្ញាបនបត្រនៅប្រទេសកម្ពុជាយើងមានប៉ុន្មានប្រភេទ?
📌ប្លង់ទន់៖
-ប្លង់ទន់ត្រូវបានផ្ដល់ជូនដោយការិយាល័យសង្កាត់ឬស្រុក និងមិនត្រូវបានចុះឈ្មោះនៅថ្នាក់ជាតិនោះទេ ប៉ុន្តែនៅតែត្រូវបានគេចាត់ទុកជាឯកសារម្ចាស់កម្មសិទ្ធិពេញសិទ្ធិ។
-តំបន់មិនទាន់កំណត់អំពីព្រំប្រទល់ក្បែរខាង ចំណីផ្លូវ ឬ ដីសាធារណៈរបស់រដ្ឋ គឺរដ្ឋមិនចេញប្លង់រឹងឲ្យនោះទេចំពោះតំបន់ទាំងនេះ គឺចេញត្រឹមប្លង់ទន់។
-អចលនវត្ថុដែលមានប្លង់ទន់អាចប្រឈមមុខនឹងហានិភ័យមួយចំនួនដូចជា ការទាមទារពីសំណាក់ភាគីផ្សេង និងរដ្ឋផងដែរ ដោយសារតែមូលហេតុមួយចំនួនដូចជា ការកាន់កាប់លើដីរបស់រដ្ឋ ដីមានព្រំមិនច្បាស់លាស់ដែលនាំឱ្យមានជំលោះដណ្ដើមដីជាដើម។
📌ប្លង់រឹង៖
-ប្លង់រឹង គឺបង្ហាញពីភាពជាម្ចាស់កម្មសិទ្ធិសំខាន់ជាងគេ និងជាប្លង់ដីមួយដ៏ល្អជាងគេនៅកម្ពុជា ដែលចេញដោយការិយាល័យរៀបចំដែនដី។
-ប្លង់រឹងអាចធ្វើទៅបានតាមដំណើរការ 2ផ្សេងគ្នា គឺប្លង់រឹងចុះបញ្ជីដាច់ដោយដុំ និងប្លង់រឹងចុះបញ្ជីជាប្រព័ន្ធ។
-ការធ្វើប្លង់រឹងត្រូវបង់ពន្ធចូលរដ្ឋ ៤ ភាគរយ។
-ប្លង់រឹងកាលពី 10 ឆ្នាំមុននៅមានភាពមិនច្បាស់លាស់អំពីផែនទីប្លង់ ដែលក្រោយមកគម្រោងថ្មីគឺគេធ្វើប្លង់ LMAP ដែលមានភាពច្បាស់កាន់តែខ្លាំង។
📌ប្លង់ LMAP៖
-ប្លង់រឹង និង ប្លង់ LMAP គឺមានលក្ខណៈស្រដៀងគ្នា ខុសត្រង់តែប្លង់ប្រភេទនេះ បានសរសេរច្បាស់លាស់អំពីផែនទី និង មានគុណការ៉េច្បាស់លាស់ (លម្អិតជាងប្លង់រឹងកាលពីមុន) តែក៏មិនបានន័យថា ប្លង់រឹងមុនមិនមានភាពស្របច្បាប់ទេ គឺស្របច្បាប់ដូចគ្នា (អាចថាខុសត្រង់ជំនាន់មុនក្រោយ) ហើយ LMAP ផ្ដល់សុវត្ថិភាពដល់ម្ចាស់អចលនទ្រព្យ និងធនាគារចង់បានបំផុត។
📌ប្លង់ម្ចាស់កម្មសិទ្ធិឯកជន៖
- អគារសហកម្មសិទ្ធិត្រូវបានគេឱ្យនិយមន័យថាជាអាគារ ឬការសាងសង់ដែលមានម្ចាស់ច្រើនគ្នា ដែលមានផ្នែកខ្លះជាកម្មសិទ្ធិដាច់ដោយឡែករបស់ម្ចាស់ម្នាក់ៗ (ជាន់ឯកជន) និងផ្នែកខ្លះទៀតគឺជាកន្លែងប្រើរួមដែលម្ចាស់ទាំងអស់អាចប្រើប្រាស់បាន (កន្លែងប្រើរួមទូទៅ)។
------
ដៃគូអចលនទ្រព្យដ៏ទុកចិត្តរបស់អ្នក
Your Trusted Real Estate Partner
𝐏𝐨𝐢𝐧𝐭𝐞𝐫 𝐏𝐫𝐨𝐩𝐞𝐫𝐭𝐲 𝐂𝐨𝐧𝐭𝐚𝐜𝐭
010 291 020 / 089 499 206
