26/03/2021
■កំណត់គោលដៅជីវិតដោយរបៀបណាដើម្បីកុំឲ្យខុស!
ដោយ ថ្មីៗមានមនុស្សមិនតិចទេ ដែលមានក្តីស្រមៃជាច្រើនថា ខ្លួនចង់សម្រេចបាននេះ ចង់សម្រេចបាននោះ តែក្តីស្រមៃ ឬអ្វីដែលពួកគេចង់សម្រេចនៅក្នុងជីវិតនោះ គឺមិនអាចទទួលបានជោគជ័យឡើយ ពីព្រោះពួកគេមិនបានកំណត់គោលដៅមួយឲ្យបានជាក់លាក់ មិនបានរៀបចំផែនការយុទ្ធសាស្ត្រ និងមិនស្គាល់ខ្លួនឯងច្បាស់..។
- តើគួរធ្វើយ៉ាងដូចម្តេច ទើបអាចកំណត់គោលដៅជីវិតមួយបានល្អ??
1. ដឹងពីចំណង់ចំណូលចិត្ត៖ អ្នកត្រូវប្រើការស្រមៃ និងគិតក្នុងចិត្តថា អ្វីខ្លះដែលអ្នកចង់បាន ចូលចិត្ត ត្រូវការ និងអ្វីដែលអ្នកស្រឡាញ់ពេញមួយជីវិត
2. ទេព្យកោសល្យ៖ គឺជាអ្វីដែលមាននៅក្នុងខ្លួន ឬហៅថាជាដុងពីកំណើត។ ដើម្បីដឹងពីទេព្យកោសល្យខ្លួនឯង អ្នកត្រូវគិតថា អ្វីខ្លះដែសអ្នកចូលចិត្តធ្វើវា ហើយធ្វើបានយ៉ាងល្អទៀតផង ឧទាហរណ៍ដូចជាៈ អ្នកពូកែទំនាក់ទំនងជាមួយអ្នកដទៃ អ្នកពូកែដឹកនាំអ្នកដទៃជាដើម
3. ដឹងពីចំណុចខ្លាំង និងចំណុចខ្សោយៈ ការដឹងពីចំណុចខ្លាំងនិងខ្សោយរបស់ខ្លួន នឹងធ្វើឲ្យអ្នកកំណត់គោលដៅជីវិត មិនលើសពីសមត្ថភាពខ្លួនឯងខ្លាំងពេកឡើយ។ ដើម្បីដឹងថាចំណុចណាខ្លះជាចំណុចខ្លាំងឬខ្សោយ គឺអ្នកត្រូវសង្កេតមើលដោយខ្លួនឯងថា អ្វីខ្លះដែលខ្លួនឯងធ្វើបានល្អ ហើយមានអ្នកដទៃសរសើរថា ត្រង់ចំណុចហ្នឹងអ្នកពិតជាធ្វើបានល្អមែន។ រីឯ ចំណុចខ្សោយវិញ គឺត្រូវគិតដូចគ្នា ប្រសិនជាអ្នកដឹងពីចំណុចខ្សោយហើយ អ្នកត្រូវចាប់ផ្តើមកែលំអរ និងព្យាយាមពង្រឹងវាឲ្យក្លាយជាចំណុចខ្លាំងរបស់អ្នកវិញ
4. កំណត់គោលដៅជីវិតៈ បន្ទាប់ពីអ្នកបានដឹងទាំងបីចំណុចខាងលើរបស់ខ្លួនហើយ អ្នកត្រូវកំណត់គោលដៅជីវិតរបស់អ្នកទៅតាមចំណង់ចំណូលចិត្ត ទេព្យសល្យ និងចំណុចខ្លាំងរបស់អ្នក។ បន្ថែមពីនេះ ដើម្បីឲ្យគោលដៅជីវិតរបស់អ្នកកាន់តែមានអត្ថន័យ អ្នកត្រូវ
-ដឹងពីអ្វីដែលអ្នកចង់ធ្វើ
-ធ្វើវាដោយរបៀបណា? ធ្វើវាដើម្បីអ្វី?
5. រៀបចំផែនការសកម្មភាពៈ បន្ទាប់ពីកំណត់គោលដៅជីវិតរួចហើយ អ្នកត្រូវរៀបចំផែនការសកម្មភាព រួចយកមកអនុវត្តន៍អោយចេញជាលទ្ធផល និងអាចសម្រេចតាមគោលដៅជីវិតរបស់អ្នក។ ដើម្បីរៀបចំផែនការបានល្អ អ្នកត្រូវគិតថាសកម្មភាពណាគួរធ្វើមុននិងក្រោយ ហើយត្រូវសួរខ្លួនឯងថា តើរយៈពេល១ឆ្នាំអាចសម្រេចបានអ្វីខ្លះ? រយៈពេល២ឆ្នាំ និង៣ឆ្នាំទៀត អាចសម្រេចបានអ្វីខ្លះទៀត💪
#រូបភាពFB
