08/06/2022
ក្រុមហ៊ុន ចំរើន ឧត្ដម មានជ័យ ឯ.ក មានកិត្តិយសសូមជម្រាបជូន សាធារណជនទាំងអស់ ឲ្យបានជ្រាបថាៈ
កាលពីថ្ងៃទី១០ ខែមីនា ឆ្នាំ២០២២ ក្រុមហ៊ុន បានបញ្ចប់កិច្ចព្រមព្រៀងសហការ រវៀងក្រុមហ៊ុន និងភាគីម្ចាស់ដីនៃការសហការប្រកបអាជីវកម្ម (ពុះដីឡុតិ៍លក់) លើផ្ទៃដីទំហំ ៣២ ៥០០ម២ ម៉ែត្រក្រឡា ដែលមានទីតាំងស្ថិតនៅចំណុចភូមិចំការស្វាយ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង ហើយភាគីម្ចាស់ដីក៏បានទទួលនឹងយល់ព្រមបញ្ចប់នូវកិច្ចព្រមព្រៀងនេះដែរ ប៉ុន្ដែផ្ទុយទៅវិញភាគីម្ចាស់ដីនៅតែធ្វើការបំពាននិងក្រុមហ៊ុន ដោយការលួចយកឈ្មោះរបស់ក្រុមហ៊ុនទៅធ្វើការផ្សព្វផ្សាយដើម្បីប្រកបអាជីវកម្មរបស់ខ្លួនទាំងដែលក្រុមហ៊ុនបានបញ្ចប់កិច្ចព្រមព្រៀងសហការជាមួយទៅហើយ ដែលជាហេតុនាំឲ្យប៉ះពាល់ខូចខាតដល់ផលប្រយោជន៍ កិត្តិយស និងកេរ្ដិ៍ឈ្មោះរបស់ក្រុមហ៊ុន។ ក្រុមហ៊ុន សុំឲ្យភាគីម្ចាស់ដីបញ្ឈប់សកម្មភាពនេះជាបន្ទាន់ បើមិនបញ្ឈប់ទេ ក្រុមហ៊ុននិងរៀបចំឯកសារដើម្បីចាត់ការទៅតាមនីតិវិធីច្បាប់ នៃព្រះរាជាណាចក្រកម្ពុជា ។
ករណីមានបញ្ហាផ្សេងៗ ពាក់ព័ន្ធនិងក្រុមហ៊ុនដែលភាគីម្ចាស់ដីបានធ្វើកន្លងមក ភាគីម្ចាស់ដីត្រូវទទួលខុសត្រូវចំពោះមុខច្បាប់ និងដោះស្រាយដោយខ្លួនឯង ក្រុមហ៊ុនមិនពាក់ព័ន្ធទទួលខុសត្រូវឡើយ។
អាស្រ័យដូចបានជម្រាបជូនខាងលើ សូម សាធារណជនទាំងអស់ ទទួលជ្រាបជាដំណឹង។
ដោយក្ដីគោរព ក្រុមហ៊ុន ចំរើន ឧត្ដម មានជ័យ ឯ.ក
