06/09/2026
កម្មវិធីផ្ដល់ឈាម KNN GROUP «១,០០០ ឈាម ១,០០០ សង្ឃឹម» មានន័យថាផ្ដល់ឈាម ១,០០០នាក់ ក្រោមការផ្តួចផ្តើម និងការចូលរួមដ៏ខ្ពង់ខ្ពស់ពីសំណាក់ អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល នៃក្រុមហ៊ុន KNN GROUP និង លោកជំទាវ ហេង ចិន្តា ត្រូវបានរៀបចំឡើងដោយជោគជ័យ និងបញ្ចប់ទៅយ៉ាងរលូនដោយមានអ្នកចូលរួមជាង ១,០០០នាក់ នាថ្ងៃទី០៥ ខែកញ្ញា ឆ្នាំ២០២៦ នៅទីតាំងគម្រោង «មេគង្គ ស៊ីធី»
នៃ បុរី មេគង្គ លែន ដែលស្ថិតលើផ្លូវជាតិ ៦A។
អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល នៃក្រុមហ៊ុន KNN GROUP បានថ្លែងអំណរគុណយ៉ាងជ្រាលជ្រៅចំពោះគ្រប់ភាគីពាក់ព័ន្ធ ក្រុមគ្រូពេទ្យ និងជាពិសេសបងប្អូនសប្បុរសជនទាំងអស់ដែលបានចំណាយពេលវេលា និងបរិច្ចាគឈាមផ្ទាល់ខ្លួន៖ «រាល់ដំណក់ឈាមដែលបងប្អូនបានបរិច្ចាគក្នុងថ្ងៃនេះ មិនត្រឹមតែជាក្តីសង្ឃឹមប៉ុណ្ណោះទេ ប៉ុន្តែគឺជាការសង្គ្រោះជីវិតប្រជាជនកម្ពុជាយើងដោយផ្ទាល់។ ក្រុមហ៊ុន KNN GROUP ពិតជាមានមោទនភាពយ៉ាងខ្លាំងដែលបានក្លាយជាផ្នែកមួយនៃការផ្តល់ឱកាស និងសេចក្តីសង្ឃឹមថ្មីដល់អ្នកជំងឺដែលកំពុងត្រូវការឈាមជាចាំបាច់»។
ក្រុមហ៊ុន KNN GROUP សូមថ្លែងអំណរគុណយ៉ាងជ្រាលជ្រៅម្តងទៀតចំពោះទឹកចិត្តសប្បុរសធម៌ និងការចូលរួមយ៉ាងសកម្មពីសំណាក់សាធារណជនទាំងអស់ ដែលបានធ្វើឱ្យយុទ្ធនាការ «១,០០០ ឈាម ១,០០០ សង្ឃឹម» ទទួលបានជោគជ័យយ៉ាងត្រចះត្រចង់។ 🙏❤
