Satiya Cool Villas

22/05/2021

ចូលរួមត្រេកអរផង!!! ត្រូវប៉ាន់ហើយ អ្នកមានដីនៅកំពង់ស្ពឺ ក្រុមហ៊ុនជាច្រើន នៅប្រទេសភូមា នឹងរើមកកម្ពុជាវិញ ដោយសារតែ….ក្រុមហ៊ុនធំៗជាច្រើនបាន និងកំពុង ចាប់ផ្តើមបង្វែរទិសដៅ វិនិយោគ និងការបញ្ជា ទិញផ្សេងៗ ពីមីយ៉ាន់យ៉ា មកកាន់កម្ពុជា បន្ទាប់ពីវិបត្តិរដ្ឋប្រ.ហារយោធា ដែលបានកើតឡើង កាលពីខែកុម្ភៈ ឆ្នាំ២០២១កន្លងមកនេះ។

21/05/2021

លោកឧកញ៉ាលីហួរ ៖​សេដ្ឋីអចលនទ្រព្យបង្ហើយឱ្យដឹងថា ចុងឆ្នាំ២០២១ ទីផ្សារសំណាង់លំនៅដ្ឋាននឹងកើនឡើងខ្ពស់

ភ្នំពេញ៖ ជាមួយ នឹងសុទិដ្ឋិនិយមពីសំណាក់បណ្តាអ្នកជំនាញ ក៏ដូចជាអ្នកវិនិយោគ និងអភិវឌ្ឍន៍ក្នុងវិស័យអចលនទ្រព្យ នៅត្រឹមចុងឆ្នាំ២០២១ខាងមុខនេះទីផ្សារលំនៅដ្ឋានកម្រិតមធ្យមនឹងមានការកើនឡើងខ្ពស់។ នេះបើតាមការអះអាងរបស់អ្នកឧកញ៉ាលី ហួរ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា និងជាប្រធានក្រុមប្រឹក្សាភិបាលក្រុមហ៊ុនលី ហួរគ្រុប។
អ្នកឧកញ៉ា លី ហួរ បានមានប្រសាសន៍នៅរសៀលថ្ងៃទី២១ ខែមករា ឆ្នាំ២០២១ ថា នៅដើមឆ្នាំ២០២១គឺជាពេលវេលាដ៏ល្អសម្រាប់អ្នកវិនិយោគ និងអភិវឌ្ឍលំនៅដ្ឋានប្រភេទកម្រិតមធ្យមសម្រាប់ដាក់លក់នៅលើទីផ្សារនាចុងឆ្នាំ២០២១ខាងមុខនេះខណៈពេលដែលតម្រូវការទីផ្សារលំនៅដ្ឋានចាប់ផ្តើមឡើងខ្ពស់វិញ។

- ពត៏មាននេះ អ្នកវិនិយោគត្រូវតែចេះចាប់ឱកាសលើវិស័យអចលនទ្រព្យ ដីធ្លី និងសំណង់
- អ្នកមានដីនឹងត្រូវប៉ានខ្លាំង ងាយស្រួលក្នុងការវិនិយោគ និងឱកាសចំណេញ
- ឯកឧត្តម ជាសុផារ៉ា​មានប្រសាសន៍ថា ៖ បើចង់មាន គួរតែទិញដីទុក

09/05/2021

ប្រភេទទាំង​ ៤នៃអចលនទ្រព្យ!

១-អចលនទ្រព្យលំនៅដ្ឋាន ឬ Residential Real Estate
សំណៅដល់សំណង់សាងសង់ថ្មី និងផ្ទះលក់ឡើងវិញ ភាគច្រើនគឺជាគេហដ្ឋានជាលក្ខខណៈគ្រួសា។ ក្រៅពីនោះមានដូចជា ខុនដូ កន្លែងរស់នៅរួម ទីប្រជុំជន ផ្ទះសម្រាប់វិស្សមកាលជាដើម។
២-អចលនទ្រព្យពាណិជ្ជកម្ម ឬ Commercial Real Estate
អចលនទ្រព្យពាណិជ្ជកម្ម សំដៅដល់មជ្ឈមណ្ឌលផ្សារទំនើប (shopping centers) និងផ្សារទំនើប អាគារ (strip malls ) អគារវេជ្ជសាស្ត្រ និងអប់រំ សណ្ឋាគារ និងការិយាល័យជាដើម។ អគារផ្ទះល្វែង ជារឿយៗត្រូវបានគេចាត់ទុកថាជាពាណិជ្ជកម្មទោះបីជាវាត្រូវបានប្រើសម្រាប់ការស្នាក់នៅក៏ដោយ នេះក៏ព្រោះតែគេប្រើវាជាកម្មសិទ្ធិដើម្បីផលិតប្រាក់ចំណូល។
៣-អចលនទ្រព្យឧស្សាហកម្ម ឬ Industrial Real Estate
អគាររោងចក្រ ឧស្សាហកម្ម កន្លែងផលិតកម្ម និងឃ្លាំងនានា ត្រូវបានគេចាត់ទុកថាជាអចលនទ្រព្យឧស្សាហកម្ម។ អគារទាំងនេះអាចត្រូវបានប្រើសម្រាប់ការស្រាវជ្រាវ ផ្នែកផលិតកម្ម ជាកន្លែងផ្ទុកនិងចែកចាយទំនិញ។ គេត្រូវធ្វើការបែងចែកវាឲ្យបានច្បាស់រវាងកន្លែងនីមួយៗដែលបានរៀបរាប់ខាងលើ ព្រោះគោលបំណងនៃការបែងចែក គឺត្រូវកំណត់ឲ្យដាច់ដោយឡែកពីគ្នានូវតំបន់ (Zone) លក្ខខណ្ឌនៃការសាងសង់ ក៏ដូចជាការលក់។
៤-ដីធ្លី ឬ Land
រាប់បញ្ចូលទាំងដីទំនេរ ដីស្រែចំការ និងកសិដ្ឋានដែលត្រូវការប្រើប្រាស់ដីធ្លីធំៗ វាក៏ត្រូវបានគេរាប់ផងដែរនូវ ដីទំនេរ (ទាំងមានការអភិវឌ្ឍ មិនទាន់អភិវឌ្ឍ) ការប្រើឡើងវិញ និងផ្សេងៗទៀត។
ប្រភព៖ Biz Khmer

08/05/2021

យល់ដឹងពីប្លង់កម្មសិទ្ធអចលនទ្រព្យ ៖
ប្លង់បែងចែកជា២ គឺប្លង់ទន់ និង ប្លង់រឹង
ដូចម្តេចដែលហៅថាប្លង់ទន់?
*ប្លង់ទន់ គឺជាប្រភេទប្លង់កម្មសិទ្ធិ ដែលមិនទាន់ស្របច្បាប់ ១០០% ទេជាកម្មសិទ្ធិបែបភោគៈ មានន័យថា អ្នករស់នៅ និងអាស្រ័យផល មិនទាន់បានចុះបញ្ជីនៅរដ្ឋបាលសុរិយោដីនៅឡើយ ប៉ុន្តែអ្នកកាន់កាប់ដីនោះ អាចនឹងមានឯកសារ បញ្ជាក់ដូចជា៖ ពាក្យស្នើសុំកាន់កាប់ដីធ្លី និងផ្ទះសម្បែង លិខិតផ្ទេរសិទ្ធិប្រើប្រាស់ដីធ្លី និងផ្ទះសម្បែង លិខិតផ្ទេរសិទ្ធិកាន់កាប់ និងប្រើប្រាស់ដីធ្លី ឬចុងសន្លឹក ឬឯកសារផ្សេងទៀត ។
សំគាល់: ឯកសារប្រភេទនេះ ត្រូវបានចេញ និងបញ្ជាក់ដោយអាជ្ញាធរមូលដ្ឋាន មានដូចជា មេភូមិ មេឃុំ/ចៅសង្កាត់ អភិបាលស្រុក-ខណ្ឌ ដាច់ដោយឡែក ឬរួមគ្នា ។

ដូចម្តេចដែលហៅថាប្លង់រឹង?
*ប្លង់រឹង គឺជាប្រភេទប្លង់កម្មសិទ្ធិដែលចេញដោយអាជ្ញាធរ ឬរដ្ឋបាលសុរិយោដីថ្នាក់ខេត្ត -ក្រុង-រាជធានី
ហើយប្លង់រឹងនេះ មាន២ប្រភេទ ដូចជា ៖

1.វិញ្ញាបនប័ត្រសម្គាល់សិទ្ធិកាន់កាប់អចលនវត្ថុ: ជាប្រភេទប្លង់រឹង ប្លង់ប្រភេទ ឬជំនាន់ទីពីរ ដែលចេញដោយរដ្ឋបាលសុរិយោដីថ្នាក់ខេត្ត-ក្រុង-រាជធានី ហើយប្លង់ប្រភេទនេះ ជាប្លង់គំរូថ្មី ដែលបង្កើតឡើងក្នុងន័យបំបាត់ចោលនូវប្លង់ប្រភេទ ឬជំនាន់ទីមួយ គឺ “ប័ណ្ណសំគាល់ សិទ្ធិកាន់កាប់ប្រើប្រាស់ដីធ្លី” ។
2.វិញ្ញាបនប័ត្រសម្គាល់ម្ចាស់អចលនវត្ថុ: ជាប្រភេទប្លង់រឹងស្របច្បាប់ ១០០% និងចុងក្រោយបង្អស់ដែលកំពុងអនុវត្ត និងប្រើប្រាស់ក្នុងប្រទេសកម្ពុជា ។ វាជាប្រភេទប្លង់កម្មសិទ្ធិដែលបញ្ជាក់ពីភាពជាម្ចាស់ស្របច្បាប់ ១០០% នៃដីដែលអ្នកកំពុងតែកាន់កាប់ និងអាស្រ័យផល ។ យើងអាចហៅម្យ៉ាងទៀតថា ជា “ប្លង់ LMAP” ឬ “ប្លង់ប្រព័ន្ធ” ដោយប្លង់នេះនាពេលបច្ចុប្បន្នមានប្រព័ន្ធកូដ​ QR Code ៕

05/05/2021

01/05/2021

02/03/2021

គោលការណ៍អភិវឌ្ឍន៍ដី

01/03/2021

ចំណេះដឹងទាក់ទាងដីធ្លីនៅកម្ពុជា
(credit: bank specialist)