22/10/2025
ក្រុមហ៊ុន ជីប ម៉ុង បើកការដ្ឋានសាងសង់ផ្សារថ្មី១ទៀត នៅទីតាំងសំខាន់មួយនេះ
——————————————-
ដើម្បីបំពេញតម្រូវការប្រើប្រាស់របស់អតិថិជន ក្រុមហ៊ុន ជីប ម៉ុង រីថែល ដែលជាបុត្រសម្ព័ន្ធរបស់ក្រុមហ៊ុន ជីប ម៉ុង គ្រុប កាលពីថ្ងៃទី១៩ ខែតុលា ឆ្នាំ២០២៥ បានបើកការដ្ឋានដំណើរការសាងសង់ផ្សារទំនើបថ្មីមួយទៀតដែលមានឈ្មោះថា “ ផ្សារជីប ម៉ុង ៥០ ម៉ែត្រ” ។ ខណៈផ្សារថ្មីនេះ គឺមានទីតាំងស្ថិតនៅតំបន់ចំការដូងក្នុងគម្រោង ផាក លែន ៥០ ម៉ែត្រ របស់ក្រុមហ៊ុន ជីប ម៉ុង លែន។
តាមការបញ្ជាក់ពីក្រុមហ៊ុន ជីប ម៉ុង រីថែល មកកាន់ Business Cambodia បានឲ្យដឹងថា ផ្សារជីប ម៉ុង ៥០ ម៉ែត្រនេះ គឺមានរចនាបទទំនើបស៊ីវិល័យ ផ្សារភ្ជាប់ជាមួយធម្មជាតិ និងការកម្សាន្ត។ ជាក់ស្ដែងហាងល្បីៗទាំងក្នុងនិងក្រៅស្រុកសរុបប្រហែល៤០ នឹងមានវត្ដមាននៅក្នុងផ្សារមួយនេះ។ ដោយក្នុងនោះរួមមាន៖ ផ្សារទំនើប ជីប ម៉ុង Supermarket ធនាគារ ជីប ម៉ុង ហាងទំនិញ ហាងអាហារ ហាងកាហ្វេល្បីៗ ហាងលក់សម្ភារៈប្រើប្រាស់ក្នុងផ្ទះ កន្លែងលេងកម្សាន ទីលានលេងកីឡា Pickleball និងសេវាកម្មផ្សេងៗទៀត។
នៅពេលបើកដំណើរការ ផ្សារទំនើបនេះនឹងផ្ដល់នូវសហគមន៍រស់នៅដ៏ពិតប្រាកដមួយដែលបង្កើតនូវភាពរីករាយ និងភាពងាយស្រួល សម្រាប់ពលរដ្ឋដែលនៅភាគខាងត្បូងរាជធានីភ្នំពេញ។ លើសពីនេះ វាក៏ជាកន្លែងដែលមនុស្សអាចរីករាយជាមួយពេលវេលារបស់ពួកគេជាមួយមនុស្សជាទីស្រលាញ់នៅក្នុងបរិយាកាសធម្មជាតិផងដែរ។
អ្វីដែលពិសេសផ្សារ ជីប ម៉ុង ម៉ុង ៥០ ម៉ែត្រ ក៏ស្ថិតនៅចំទីតាំងយុទ្ធសាស្ត្រដ៏ល្អឥតខ្ចោះ ស្ថិតលើផ្លូវរដ្ឋ ៣០ម៉ែត្រ ឬផ្លូវព្រៃស ដែលហ៊ុំព័ទ្ធទៅដោយបណ្តុំពាណិជ្ជកម្មចម្រុះជាច្រើន សាលាអន្តរជាតិ មន្ទីរពេទ្យ ធនាគារ និងជាពិសេសធ្វើដំណើរត្រឹម ១៥ នាទីជាងទៅកាន់អាកាសយាន្តដ្ឋានអន្តរជាតិតេជោ ដែលជាអាកាសយានដ្ឋានដ៏ទំនើប និងធំជាងគេនៅកម្ពុជា។
ដូច្នេះសម្រាប់ម្ចាស់អាជីវកម្មគ្រប់ប្រភេទ ដែលចង់បានទីតាំងបើកអាជីវកម្មរបស់ខ្លួននៅក្នុងផ្សារ ជីប ម៉ុង ៥០ ម៉ែត្រ ថ្មីនេះ អាចធ្វើការទាក់ទងជួលទីតាំងបានតាមរយៈលេខទូរស័ព្ទ៖ 093 922 888 ៕
