BTN News Realestate

30/03/2026

https://www.dbt-news.com/show/11436.html

16/06/2024

10/11/2023

សមគមគ្រឿងសម្អាង CCA បើកវគ្គបណ្តុះបណ្តាលនៅថ្ងៃទី ២៥ ខែវិឆ្ឆិកា ឆ្នាំ២០២៣ ដោយមានវាគ្មិនមកពីខាងស្ថាប័នអនុវត្តន៍ច្បាប់ កបប និង ស្ថាប័នអយ្យការ

រាជធានីភ្នំពេញ ៖ យោងតាមលិខិតលេខ ០២៣ សជណ ចុះថ្ងៃទី ៣០ ខែ តុលា ឆ្នាំ ២០២៣ បានអោយដឹងថា សមាគមមួយនេះបើកវគ្គបណ្តុះបណ្តាលពិសេសមួយក្រោមប្រធានបទ ការធ្វើប្រេនឌីងហាង និង ផ្លូវច្បាប់ ដោយមានវាគ្មិនពីស្ថាប័នអនុវត្តន៍ច្បាប់គឺ ស្ថាប័នអយ្យការ និង អង្គភាពការពារអ្នកប្រើប្រាស់ដែលគេស្គាល់ថា ក.ប.ប ដោយធ្វើឡើងរយៈពេល១ថ្ងៃពេញ និង នៅរាជបណ្ឌិត្យសភាកម្ពុជា។

នៅក្នុងវគ្គនេះគេឃើញមានបញ្ជាក់ថា អ្នកចូលរួមទទួលបាន យុទ្ធសាស្រ្តធ្វើប្រេនឌីងហាង ជួបជាមួយវាគ្មិនសម្ថកិច្ច ក.ប.ប និងវាគ្មិនស្ថាប័នអនុវត្តន៍ច្បាប់ដែលគេស្គាល់ថា ស្ថាប័នតុលាការ ដោយវគ្គនេះផ្តោលលើច្បាប់ និង ការធ្វើប្រេនឌីងហាងលក់គ្រឿងសម្អាងនានារបស់សមាជិក ដោយសមាជិកខ្លះបើកបាន១ហាង និង ខ្លះ២ ទៅ ៣ហាងឯណោះ ម្លោះហើយទើបសមាគមបើកវគ្គនេះដើម្បីចែករំលែកចំណេះដឹងនានាដល់ម្ចាស់ហាងផង ដល់សមាជិកផង និង អាជីវករ ពាណិជ្ជករនានាផងដែរ។
អ្វីដែលកាន់តែពិសេសនោះគឺក្រោយពីវាគ្មិនមកពីស្ថាប័នអនុវត្តន៍ច្បាប់ចែករំលែករួចរាល់គឺ សិក្ខាកាមចូលរួមអាចចោទជាសំនួរ ក្តីកង្វល់នានាទៅដល់វាគ្មិនយើងផងដែរ មានថតរូបអនុស្សវរីយ៍ និង ទទួលបានវិញ្ញាបនបត្រ័បញ្ជាក់ការសិក្សាផងដែរ។

ហេតុអ្វីបានជាសមាគមមួយនេះលើកយកវគ្គបណ្តុះបណ្តាលនេះមកចែករំលែក និង បណ្តុះបណ្តាល?

យោងតាមសំដីរបស់កញ្ញាតេង ស្រីអូន ប្រធានផែនកិច្ចការច្បាប់ និង ទទួលបណ្តឹងនៃសមាគមCCAបានអោយដឹងថា សមាគមCCAជាសមាគមមិនស្វែងរកប្រាក់ចំណេញ និង បើកវគ្គបណ្តុះបណ្តាលឡើងដោយផ្តោលលើគុណភាពខ្ពស់អោយសមទៅនិងតំលៃដែលសិក្ខាកាមបង់វិភាគទាន ដោយពុំស្វែងរកប្រាក់ចំណេញឡើយ ហើយអ្វីដែលជាមូលដ្ឋានគ្រឹះរបស់សមាគមនោះគឺ សមាគម ចង់ឃើញវិស័យគ្រឿងសម្អាងនៅកម្ពុជាមានគុណភាពស្របតាមស្តង់ដារអន្តរជាតិ មានការទទួលស្គាល់ពីមន្រ្តីជំនាញ និងស្ថាប័នពាក់ព័ន្ធរបស់ព្រះរាជាណាចក្រកម្ពុជា
ព្រមទាំងមានភាពរីកចម្រើនប្រកបដោយនិរន្តរភាព ឈានឆ្ពោះទៅទីផ្សារអន្តរជាតិ។

តើអ្វីទៅជាការធ្វើប្រេនឌីងហាង ? ហើយមានអ្វីខ្លះ?
ពិតណាស់ការធ្វើប្រេនឌីងជាទូទៅគេសង្កេតឃើញមាន៣គឺ ការធ្វើប្រេនឌីង ផលិតផល ការធ្វើប្រេនឌីង ម្ចាស់ផ្ទាល់ និង ការធ្វើប្រេនឌីង ហាង ឬ ក្រុមហ៊ុន។

ហើយម៉ាកខ្លះ ផលិតផលខ្លះគេធ្វើប្រេនឌីចាប់ពីម្ចាស់ហាងទៅ ទើបគេធ្វើប្រេនឌីដល់ផលិផល និង ខ្លះទៀតគេធ្វើប្រេនឌីងតែឈ្មោះក្រុមហ៊ុន និង ផលិតផលតែប៉ុណ្ណោះរីឯម្ចាស់វិញគឺគេកម្រដឹងថាជារបស់អ្នកណាណាស់យូៗជាង១០ទៅ២០ឆ្នាំក្រោយទើបគេដឹងថាម្ចាស់ផលិតផល ឬ ប្រេននោះជាអ្នកណាក៍មាន។

ការធ្វើប្រេនឌីងហាងគឺជាការធ្វើយ៉ាងណាដើម្បីអោយឈ្មោះហាងមួយនោះមានឈ្មោះល្បី មានស្តង់ដារ មានគុណភាព មានគុណវុធជាដើម ហើយគេអាចពង្វីសាខានានាគ្រប់កន្លែងដោយពុំចាំបាច់បញ្ជាក់ថា ត្រូវតែដាក់លក់ផលិតផលអ្វី លក់ប៉ុន្មានមុនទេ អោយតែឈ្មោះហាងហ្នឹងមានលើកនៅទីណាអតិថិជនដែលគេអាចហៅបានថា ជាហ្វេននោះទុកចិត្តនិង ទៅគាំទ្រហើយ។

ជាទូទៅ ការធ្វើប្រេនឌីងហាងមាន១០ជំហានគឺ

១ កំណត់អត្តសញ្ញាណ ចំណង់ចំណូលចិត្តរបស់អតិថិជនគោលដៅរបស់អ្នក ។

២ ស្គាល់ច្បាប់ អំពីគូប្រជែងរបស់អ្នក និង វិភាគទៅតាមស្ថានភាពនៃអាជីវកម្មរបស់លោក/អ្នក។

៣ កំណត់អោយច្បាស់នូវគោលបំណង របស់ម្ចាស់ហាង។

៤ ធ្វើអោយឈ្មោះហាងរបស់អ្នកគេស្គាល់គ្រប់ទឹសទី និង មានឈ្មោះ បោះសំលេង។

៥ បង្កើតអោយមានជាសាច់រឿងនិទានពិតនៃហាងរបស់អ្នក។

៦ ជ្រើសរើសឈ្មោះ ហាងអោយបានទាក់ទាញ និង មានចំណាប់អារម្មណ៍។

៧ បង្កើតពាក្យស្លោអោយមានភាពទាក់ទាញ និង ងាយចាំឈ្មោះ ហាងលោក/អ្នក។

៨ រចនាម៉ូដហាង អោយមានភាពទាក់ទាញបំផុត។

៩ បង្កើតឡូហ្គោអោយមានភាពទាក់ទាញ។

១០ ជ្រើសរើសទីតាំងដែលមានអំណោយផលដោយលោក/អ្នក និង មានភាពងាយស្រួលដល់អតិថិជន។

ក្រៅពីនោះគឺជាការចែករំលែកផ្លូវច្បាប់របស់ស្ថាប័នអនុវត្តន៍ច្បាប់ដូចជាស្ថាប័នតុលាការ ដោយព្រះរាជអជ្ញារងនៃអយ្យការអមសាលាដំបូង និង ស្ថាប័នកិច្ចការពារអ្នកប្រើប្រាស់ ដែលហៅកាត់ថា ក.ប.ប។

បញ្ជាក់ការចូលរួមគឺត្រូវបង់ប្រាក់វិភាគទាន និង ត្រូវចុះឈ្មោះតាម លីងរបស់សមាគមអោយបានមុនកាល់កំណត់យ៉ាងហោច ៣ថ្ងៃ ព្រោះកន្លែងចូលរួមមានកំណត់ ត្រឹមតែ៧០នាក់ប៉ុណ្ណោះ សូមទំនាក់ទំនងតាមរយៈលេខ 012 22 18 19 និង លេខ 016 320 320។

01/11/2023

យល់ដឹងផ្នែកច្បាប់៖ ឧបាទេសកម្មដោយអ្នកមានសិទ្ធិលើបំណុល
2021-10-24 02:32pm
(ភ្នំពេញ)៖ នៅពេលទំនាក់ទំនងគតិយុត្ត រវាងម្ចាស់បំណុល ជាមួយកូនបំណុលកើតឡើង ស្របពេលជាមួយគ្នានេះ សិទ្ធិ និងកាតព្វកិច្ចរបស់ម្ចាស់បំណុល និងកូនបំណុល ក៏ត្រូវកើតឡើងផងដែរ ដោយកូនបំណុលមានកាតព្វកិច្ចត្រូវសងជាប្រាក់ ឬវត្ថុ នូវចំនួន បរិមាណ ឬទំហំដែលខ្លួនបានទទួលពីម្ចាស់បំណុលទៅឱ្យម្ចាស់បំណុលវិញ ហើយម្ចាស់បំណុលមានកាតព្វកិច្ចទទួលការសងពីកូនបំណុលដោយផ្ទាល់។ ប៉ុន្តែ មានករណីមួយចំនួន ដែលម្ចាស់បំណុលមិនអាចអនុវត្តសិទ្ធិលើបំណុលជាមួយកូនបំណុលបាន មានន័យថា គាត់មិនអាចទទួលបានការសងដោយផ្ទាល់ពីកូនបំណុល ករណីនេះគាត់អាចមានសិទ្ធិអនុវត្តសិទ្ធិដែលកូនបំណុលមាន ជំនួសកូនបំណុលបាន ដែលច្បាប់បានកំណត់ថា «ឧបាទេសកម្មដោយអ្នកមានសិទ្ធិលើបំណុល»។

ដូចនេះតើអ្វីទៅជាឧបាទេសកម្មដោយអ្នកមានសិទ្ធិលើបំណុល? តើមានលក្ខខណ្ឌបែបណាខ្លះដែលម្ចាស់បំណុលអាចអនុវត្តសិទ្ធិឧបាទេសកម្មនេះបាន?

ដើម្បីឱ្យកាន់តែច្បាស់ សប្តាហ៍នេះ កម្មវិធីយល់ដឹងផ្នែកច្បាប់របស់អង្គភាពព័ត៌មាន Fresh News សហការជាមួយ ក្រុមមេធាវីកម្ពុជាសហប្រតិបត្តិការអន្តរជាតិ នឹងលើកយកប្រធានបទស្ដីពី ឧបាទេសកម្មដោយអ្នកមានសិទ្ធិលើបំណុល មកធ្វើការបង្ហាញជូនបងប្អូនប្រជាពលរដ្ឋ សិស្ស និស្សិតដូចខាងក្រោម៖

យោងតាមក្រមរដ្ឋប្បវេណី ឧបាទេសកម្មដោយអ្នកមានសិទ្ធិលើបំណុល គឺសិទ្ធិឧបាទេសកម្មរបស់ម្ចាស់បំណុល ដោយម្ចាស់បំណុលទទួលបានសិទ្ធិអំណាច ដើម្បីរក្សាការពារនូវសិទ្ធិលើបំណុលរបស់ខ្លួន ហើយម្ចាស់បំណុលត្រូវបានទទួលស្គាល់នូវសិទ្ធិធ្វើអន្តរាគមន៍លើសិទ្ធិគ្រប់គ្រងទ្រព្យសម្បត្តិរបស់កូនបំណុល ក្នុងទំហំចាំបាច់មួយ ប្រសិនបើស្ថិតក្នុងស្ថានភាពដែលកូនបំណុលពុំអាចមានធនធានហិរញ្ញវត្ថុ ដែលមិនអាចធ្វើការសងទៅម្ចាស់បំណុលបាន លើកលែងតែករណី ម្ចាស់បំណុលបានអនុវត្តសិទ្ធិលើបំណុលរបស់កូនបំណុល ហើយធ្វើការប្រមូលសិទ្ធិលើបំណុលនោះពីកូនបំណុលទី៣រួច។

មួយវិញទៀត ចំពោះករណីចាំបាច់ដើម្បីទទួលការបំពេញចំពោះសិទ្ធិលើបំណុលរបស់ខ្លួន ម្ចាស់បំណុលក៏អាចអនុវត្តសិទ្ធិលើបំណុល របស់កូនបំណុលដែលមានការទាក់ទងយ៉ាងខ្លាំងនឹងសិទ្ធិលើបំណុលរបស់ម្ចាស់បំណុលនោះ ដោយឧបាទេសកម្មបានដែរ។ ឧទាហរណ៍ ករណីគ្រោះថ្នាក់ចរាចរណ៍ ជនរងគ្រោះមានសិទ្ធិទាមទារសំណងការខូចខាតពីចារី (ជនបង្ក) ដោយជនរងគ្រោះមានបំណងធ្វើឧបាទេសកម្មនូវសិទ្ធិលើបំណុលរបស់ចារីនោះ ក្នុងការទាមទារបុព្វលាភពីក្រុមហ៊ុនធានារ៉ាប់រង ដោយច្បាប់ទទួលស្គាល់នូវសិទ្ធិឧបាទេសកម្មនេះ ហេតុនេះជនរងគ្រោះត្រូវក្លាយជាម្ចាស់បំណុល ហើយចារីក្លាយជាកូនបំណុល រីឯក្រុមហ៊ុនធានារ៉ាប់រងក្លាយជាកូនបំណុលទី៣។

និយាយរួម មានន័យថាម្ចាស់បំណុលមានសិទ្ធិអនុវត្តនូវសិទ្ធិដែលកូនបំណុលមាន ជំនួសកូនបំណុលបាន ហើយម្ចាស់បំណុលអាចអនុវត្តនូវសិទ្ធិឧបាទេសកម្មនេះបាន លុះត្រាតែកូនបំណុលមិនទាន់បានអនុវត្តនូវសិទ្ធិរបស់ខ្លួន ប៉ុន្ដែក្នុងករណីមួយចំនួនម្ចាស់បំណុលមិនអាចអនុវត្តនូវសិទ្ធិដែលកូនបំណុលមាន ជំនួសកូនបំណុលបានឡើយ ដូចជាករណី៖

* (១)៖ សិទ្ធិលើបំណុលជាសិទ្ធិផ្ដាច់មុខរបស់កូនបំណុល ដែលកូនបំណុលអាចសម្រេចដោយឆន្ទៈសេរីរបស់ខ្លួនថានឹងអនុវត្ត ឬមិនអនុវត្តសិទ្ធិលើបំណុលនោះ។ ឧទាហរណ៍៖ ការបែងចែកទ្រព្យសម្បត្តិរួមរបស់ប្ដីប្រពន្ធ ចំពោះករណីលែងលះ ជាអាទិ៍។

* (២)៖ កិច្ចសន្យាអញ្ញមញ្ញ ត្រូវតែមានសំណើ និងស្វីការ ស៉ីសង្វាក់គ្នា ដូច្នេះកូនបំណុលត្រូវផ្ដល់ស្វីការ (ការយល់ព្រម) ទៅនឹងសំណើនៃកិច្ចសន្យាថាយល់ព្រមទទួលយក ឬមិនទទួលយក នេះគឺជាសិទ្ធិរបស់កូនបំណុលក្នុងការសម្រេចចិត្តដោយផ្ទាល់។

* (៣)៖ សិទ្ធិហាមមិនឱ្យរឹបអូស ដូចជាសិទ្ធិទទួលបានប្រាក់បៀវត្ស (សិទ្ធិលើបំណុលចំពោះប្រាក់បៀវត្សមួយផ្នែកត្រូវបានហាមមិនឱ្យរឹបអូស យោងតាមមាត្រា៣៨២ នៃក្រមនីតិវិធីរដ្ឋប្បវេណី)។

ដើម្បីអនុវត្តសិទ្ធិឧបាទេសកម្មបាន លុះត្រាតែកូនបំណុលមិនទាន់បានអនុវត្តសិទ្ធិរបស់ខ្លួន ប៉ុន្ដែប្រសិនបើពេលកំណត់នៃសិទ្ធិលើបំណុលមិនទាន់មកដល់ទេ នោះម្ចាស់បំណុលមិនអាចអនុវត្តសិទ្ធិឧបាទេសកម្មបានឡើយ លើកលែងតែទទួលបានការអនុញ្ញាតពីតុលាការ។ ប៉ុន្ដែ សិទ្ធិឧបាទេសកម្មនេះក៏អាចអនុវត្តដោយពុំចាំបាច់មានការអនុញ្ញាតពីតុលាការបានដែរ ចំពោះសកម្មភាពរក្សាទុក ដូចជាការផ្អាកអាជ្ញាយុកាល ជាអាទិ៍ ដោយគ្រាន់តែទំហំនៃការធ្វើអន្តរាគមន៍ទៅលើទ្រព្យសម្បត្តិរបស់កូនបំណុលត្រូវមានកម្រិតទាប និងមានភាពបន្ទាន់ (ក្នុងករណីដែលកូនបំណុលពុំមានហិរញ្ញវត្ថុគ្រប់គ្រាន់ក្នុងការសង)។ ក្រោយពីម្ចាស់បំណុលបានជូនដំណឹងទៅកូនបំណុល បញ្ជាក់ថាខ្លួនបានអនុវត្តសិទ្ធិរបស់កូនបំណុលដោយឧបាទេសកម្មរួច នោះកូនបំណុលមិនអាចអនុវត្តសិទ្ធិចំពោះកូនបំណុលទី៣ដោយជាន់គ្នាបានឡើយ លើកលែងតែកូនបំណុលទទួលការសងដោយស្ម័គ្រចិត្តពីកូនបំណុលទី៣ ហើយការទទួលការសងនេះមិនធ្វើឱ្យមានផលប៉ះពាល់ ឬខូចខាតដល់សិទ្ធិឧបាទេសកម្មរបស់ម្ចាស់បំណុលឡើយ។

អានុភាពនៃសិទ្ធិឧបាទេសកម្មរបស់ម្ចាស់បំណុល នឹងមានដោយផ្ទាល់ជាមួយកូនបំណុល ក្នុងករណីម្ចាស់បំណុលបានទទួលការសងនូវវត្ថុដែលជាកម្មវត្ថុនៃកាតព្វកិច្ចពីកូនបំណុលទី៣ មានន័យថា កូនបំណុលទី៣ បានសងចំពោះម្ចាស់បំណុលទី២ (ត្រូវជាកូនបំណុលរបស់ម្ចាស់បំណុលទី១) របស់ខ្លួនដោយផ្ទាល់ ដូច្នេះ ក្រោយពីកូនបំណុលទី៣ បានសងទៅម្ចាស់បំណុលទី២រួច នោះកាតព្វកិច្ចរបស់កូនបំណុលទី៣ ត្រូវបានរលត់។ ប៉ុន្ដែ ក្នុងករណីកូនបំណុលមិនសហការក្នុងការទទួលតាវកាលិក ឬមានមូលហេតុផ្សេងដែលនាំឱ្យកូនបំណុលមិនទទួលយកតាវកាលិកពីកូនបំណុលទី៣ទេ នោះម្ចាស់បំណុលដែលអនុវត្តសិទ្ធិឧបាទេសកម្ម អាចទាមទារឱ្យកូនបំណុលទី៣ ផ្ដល់នូវតាវកាលិកនោះចំពោះខ្លួនដោយផ្ទាល់បាន។

ជាមួយគ្នានេះ កូនបំណុលទី៣ ក៏មានសិទ្ធិតវ៉ានឹងម្ចាស់បំណុលដែលធ្វើឧបាទេសកម្មបានដែរ ក្នុងករណីកូនបំណុលទី៣មានសិទ្ធិលើបំណុលតបចំពោះកូនបំណុល នោះកូនបំណុលទី៣អាចធ្វើការអះអាងការទូទាត់(ទូទាត់ជាមួយកូនបំណុល) ជាមួយម្ចាស់បំណុលដែលធ្វើឧបាទេសកម្មបាន។ យ៉ាងណាមិញ ចំពោះសិទ្ធិទាមទារឱ្យប្រគល់ខាងលើនេះ គឺមិនអាចធ្វើបានគ្រប់កម្មវត្ថុឡើយ ដោយម្ចាស់បំណុលអាចទាមទារ ឱ្យប្រគល់ចំពោះខ្លួនបានចំពោះតែប្រាក់ ឬចលនវត្ថុ តែប៉ុណ្ណោះ។ ចំណែកឯការទាមទារឱ្យប្រគល់នូវអចលនវត្ថុ ដូចជាការទាមទារឱ្យធ្វើការចុះបញ្ជីការផ្ទេរកម្មសិទ្ធិលើអចលនវត្ថុ គឺច្បាប់មិនអនុញ្ញាតឡើយ។

ចំពោះករណីដែលមានម្ចាស់បំណុលផ្សេងទៀត នោះម្ចាស់បំណុលដែលបានធ្វើឧបាទេសកម្មលើទ្រព្យសម្បត្តិកូនបំណុលពុំមានអាទិភាពណាមួយ ក្នុងការសម្រេចសិទ្ធិលើបំណុលរបស់ខ្លួនមុនម្ចាស់បំណុលផ្សេងទៀតបានឡើយ ដោយម្ចាស់បំណុលផ្សេងៗទៀត អាចទាមទារឱ្យចែកចំណែកនូវវត្ថុដែលម្ចាស់បំណុលដែលធ្វើឧបាទេសកម្មបានទទួលដោយផ្ទាល់ពីកូនបំណុលទី៣ មកខ្លួនបាន។ ដោយឡែក ម្ចាស់បំណុលដែលធ្វើឧបាទេសកម្មលើទ្រព្យសម្បត្តិរបស់កូនបំណុល មិនអនុញ្ញាតឱ្យធ្វើការទូទាត់នូវសិទ្ធិលើបំណុលដែលខ្លួនមានចំពោះកូនបំណុល ជាមួយកាតព្វកិច្ចដែលខ្លួនត្រូវសងទៅកូនបំណុលឡើយ។

សរុបរួមមក ឧបាទេសកម្មអ្នកមានសិទ្ធិលើបំណុល គឺជាសិទិ្ធអំណាចមួយដែលម្ចាស់បំណុលទទួលបាន ដោយអនុលោមតាមច្បាប់ ដើម្បីអនុវត្តសិទ្ធិលើបំណុលដែលកូនបំណុលមានជំនួសកូនបំណុល ក្នុងករណីកូនបំណុលមិនមានធនធានហិរញ្ញវត្ថុគ្រប់គ្រាន់ក្នុងការសង។ ជាពិសេស សិទ្ធិឧបាទេសកម្មនេះ អាចអនុវត្តបានក្រៅប្រព័ន្ធតុលាការ ដែលនេះជានីតិវិធីមួយផ្ដល់ភាពងាយស្រួលដល់ម្ចាស់បំណុលក្នុងការការពារសិទ្ធិលើបំណុលរបស់ខ្លួនបានទាន់ពេលវេលា និងឆាប់រហ័ស លើកលែងតែពេលកំណត់នៃសិទ្ធិលើបំណុលនោះមិនទាន់មកដល់ ដែលចាំបាច់ត្រូវមានការអនុញ្ញាតពីតុលាការ។
credit by FN

27/10/2023

សមាគមសម្ព័ន្ធអ្នកសារព័ត៍មានដើម្បីសេដ្ឋកិច្ចជាតិ (ស.ស.ស) ដោយមើលឃើញពីបញ្ហាអចលនទ្រព្យនៅកម្ពុជាជួបនូវបញ្ហាវិបតិ្តជាច្រើនដូចច្នេះ
សមាគមមានបើកវគ្គបណ្តុះបណ្តាលក្រោមប្រធានបទ " យល់ដឹងផ្លូវច្បាប់និងហានិភ័យលើវិស័យអចលនទ្រព្យ(សម្រាប់អ្នកអភិវឌ្ឍន៍ ឬ ម្ចាស់គំរោង)"។
🔴ចំពោះអត្ថប្រយោជន៍អ្នកចូលរួមមាន៖
🔸យល់អំពីដំណោះស្រាយក្នុងវិស័យអចលនទ្រព្យ
🔸យល់ដឹងអំពីបញ្ហាផ្លូវច្បាប់នានា
🔸យល់ដឹងអំពី ឯកសារផ្លូវច្បាប់ដែលត្រូវបំពេញ
🔸ស្គាល់អំពីហានិភ័យខាងក្នុងនិងខាងក្រៅរបស់ក្រុមហ៊ុន
🔸សំណួរ/ចម្លើយ
🔴ចំពោះកម្មវិធី៖
កាលបរិច្ឆេទ ៖ ថ្ងៃទី០៤ ខែ វិចិ្ឆកា ឆ្នាំ ២០២៣
ទីកន្លែង ៖ រាជបណ្ឌិត្យសភាកម្ពុជា
ពេលវេលា ៖ រយៈពេល១ថ្ងៃពេញ
វាគ្មិនចែករំលែក ៖ ចំនួន៤នាក់
អ្នកចូលរួម ៖ ចំនួន ៤០ ទៅ ៥០នាក់
✅នេះជាលីងសម្រាប់ចុះឈ្មោះ
👉​ https://forms.office.com/r/0gny3A6AaP?origin=lprLink
012 22 18 19
016 320 320

06/10/2023

9 Incredible Ancient Pyramids in sea

05/10/2023

https://fb.watch/ntY7GPIHIt/?mibextid=Iprqdp