21/04/2026
ការដែលតបស្នងសងគុណឪពុកម្តាយរបស់អ្នក គឺត្រូវធ្វើជាប្រចាំ កុំចាំតែដល់រដូវបុណ្យទាន ព្រោះតែឪពុកម្តាយរបស់យើងមើលថែរក្សាយើងតាំងតែពីយើងមកចាប់កំណើតក្នុងផ្ទៃរបស់គាត់ម៉្លេះឪពុកទោះបីជាគាត់មិនបានពពោះ ក៏គាត់ជាអ្នកស្វែងរកអាហារហូបចុកទំនុកបម្រុងយើងរហូតមកដែរ សូមមើលថែរក្សាទាន់មានឱកាស ព្រះរស់របស់យើងគ្រប់គ្នា ឪពុកម្តាយរបស់យើងមិនដែលនិយាយថាទេ បើយើងសូមពីគាត់ បើគាត់មានលទ្ធភាពហើយក៏មិនដែលស្អប់យើងទាំងយើងជាកូននាំទុក្ខឱ្យគាត់រាប់ភ្លេចដង កុំចោលគាត់ឱ្យនៅម្នាក់ឯងគ្មានទីពឹងយើងជាកូនគឺជាឈើច្រត់របស់ឪពុកម្តាយ។
ខ្ញុំតែងតែជួបកូនប្រុសស្រីមួយចំនួនរអ៊ូរទាំនិយាយធ្ងន់ស្រាលដាក់អ្នកមានគុណរបស់ខ្លួនលុះ ឪពុកម្តាយរបស់កូនស្រីប្រុសនោះចែកឋានទៅ ក៏ទួញសោកស្តាយ តែអ្វីៗហួសពេលមិនអាចត្រលប់ក្រោយឡើយ កុំស្ដាយអីព្រោះកាលគាត់នៅមានជីវិតយើងមិនបានស្រណោះគាត់។
កូនប្រុសស្រីជាបេះដូងជាកែវភ្នែកជាគ្រាប់ពេជ្ររបស់ឪពុកម្តាយ ចុះកូនវិញបានតបស្នងសងគុណឪពុកម្តាយវិញបានកម្រិតណាដែរ។
