SC Real Estate, Phnom Penh (2026)

03/02/2022

វាមិន យុត្តិធម៌បេីទៅៗ ទាំងពីរ 😂😂

01/11/2021

🇰🇭ប្លង់គោលឆ្នាំ២០៣០របស់រាជធានីភ្នំពេញនិយាយពីអ្វី និងវិវត្តន៍បែបណានៅឆ្នាំ២០៣០ខណៈចំនួនមនុស្សរស់នៅទីក្រុងនេះនឹងកើនដល់៥លាននាក់

ភ្នំពេញៈ រាជធានីភ្នំពេញនឹងរីកកាន់តែធំ ចំនួនប្រជាពលរដ្ឋនឹងកើនឡើងស្របតាមនិន្នាការសកល ដែលប្រជាជនពីទីជនបទនឹងចូលមករស់នៅតាមទីក្រុង កាន់តែច្រើន ដែលតាមការព្យាករណ៍ទីក្រុងនេះ នឹងមានមនុស្សរស់នៅកើនដល់៥លាននាក់នៅឆ្នាំ២០៣០ខាងមុខ។

កំនើនប្រជាសាស្រ្តនេះ នឹងធ្វើឲ្យរាជធានីនេះជោរជន់ដោយមនុស្ស ហើយបែបផែន និងបរិបទជីវិតនឹងផ្លាស់ប្តូរ ដោយសារកំនើនប្រជាពលរដ្ឋ ការកកស្ទះចរាចរណ៍ ការកើនឡើងនូវតម្លៃអចលនទ្រព្យ និងការរីកចម្រើននៃបច្ចេកវិទ្យា។

យោងតាមសេចក្តីព្រាងប្លង់គោលរាជធានីភ្នំពេញ ដែល propertyarea.asia បានលើកយកមកបង្ហាញជាថ្មីបានបង្ហាញថា រដ្ឋាភិបាលបានកំណត់លក្ខណៈវិនិច្ឆ័យលើ១៤ចំណុច ដូចជា ទី១ ទម្រង់សេដ្ឋកិច្ចរាជធានីភ្នំពេញ ទី២ការដឹកជញ្ជូន ទី៣ ទីផ្សារអចលនវត្ថុ ទី៤ ទីផ្សារអចលនទ្រព្យ ទី៥ សង្កាត់មិនរៀបរយ ទី៦ ការកកើតនិងការរីកចំរើនរបស់ទីក្រុងពីឆ្នាំ១៨៥០ ដល់ឆ្នាំ១៩៩៣ ទី៧ លក្ខណៈសម្បត្តិរូបសាស្រ្តនិងតួនាទីលំហក្រុង ទី៨ សន្ទុះនិងបុគ្គលិកលក្ខណៈភ្នំពេ ញ ទី៩ ទេសភាព និងសមាសភាគទីក្រុង ទី១០ កសិកម្មនិងនគរូបនីយកម្ម ទី១១ ហេដ្ឋារចនាសម្ព័ន្ឋទីក្រុង ទី១២ មធ្យោបាយនិងសេវាសាធារណៈ ទី១៣ និន្នាការនិងទស្សនវិស័យនៃនគរូបនីយកម្មភ្នំពេញ និងទី១៤ ទស្សនវិស័យសេដ្ឋកិច្ចសង្គមនិងលំហ។

ប្លង់គោលរាជធានីភ្នំពេញ ត្រូវបានអនុម័តកាលពីឆ្នាំ២០១៥ តាមរយៈអនុក្រិតស្តីពី “ការដាក់ឲ្យអនុវត្តប្លង់គោល ប្រើប្រាស់ដីរាជធានីភ្នំពេញឆ្នាំ២០៣៥”។ យោងតាមមាត្រា២ នៃអនុក្រិតលេខ៧៧ អនបប្រក ចុះថ្ងៃទី៧ មិថុនាឆ្នាំ២០១២ បានកំណត់ថា ប្លង់គោលប្រើប្រាស់ដីថ្នាក់រាជធានី ខេត្ត ក្រុង ស្រុក ខ័ណ្ឌជាផែនការកំណត់ចក្ខុវិស័យនិងយុទ្ឋសាស្រ្តរួម សម្រាប់ការអភិវឌ្ឈផ្នែករូបវ័ន្តហេដ្ឋារចនាសម្ព័ន្ឋ និងគមនាគមន៍សំខាន់ៗ និងធ្វើសមាហរណកម្មថ្នាក់រាជធានី ថ្នាក់ស្រុក ថ្នាក់ខ័ណ្ឌទៅនឹងតំបន់និងថ្នាក់ជាតិ។

ថ្នាក់ដឹកនាំរដ្ឋបាលរាជធានីភ្នំពេញបានឲ្យដឹងថា គោលដៅប្រើប្រាស់ដីរាជធានីភ្នំពេញឆ្នាំ២០៣៥ ជាឯកសារយុទ្ឋសាស្រ្តបំរើឲ្យមហិច្ឆតារបស់រាជរដ្ឋាភិបាល ក៏ដូចជាសាលារាជធានីភ្នំពេញមានគោលដៅ និងទស្សនវិស័យដល់ឆ្នាំ២០៣៥ ក្នុងការគ្រប់គ្រង និងតំរង់ទិសការអភិវឌ្ឈសេដ្ឋកិច្ច ក្នុងព្រំប្រទល់រដ្ឋបាលរាជធានី និងតំបន់ប្រជុំជនពាក់ព័ន្ឋទាំងទ្បាយនៅជាប់ជុំវិញ ឆ្លើយតបបាននឹងកំនើននៃការវិនិយោគឯកជន និងចំនួនប្រជាជនក្នុងរាជធានី តាមរយៈការតំរង់ទិស និងជំរុញការវិនិយោគសាធារណៈស្របតាមរបបសេដ្ឋកិច្ចទីផ្សារសេរី និងអភិវឌ្ឈន៍តាមបែបប្រជាធិបតេយ្យថ្នាក់ក្រោមជាតិ”។

នៅឆ្នាំ២០១៣ ប្រជាជនសរុបនៅរាជធានីភ្នំពេញ មានចំនួន១.៦៨៨.០៤៤នាក់ (តាមការធ្វើអង្កេតប្រជាសាស្រ្តកម្ពុជាឆ្នាំ២០១៣នៃក្រសួងផែនការ) ហើយអាចកើនដល់៣លាននាក់នៅឆ្នាំ២០២០។ កំនើននគរូបនីយកម្ម និងកំណើនសាងសង់សំណង់ធំថ្មីៗ លើសពី៥ជាន់មានប្រមាណ៦២៨អាគារ និងសំណង់បុរីចំនួន១១០ទីតាំង ពង្រាយនៅទាំងខ័ណ្ឌក្នុងក្រុង និងជាយក្រុងនិងបានជំរុញការរីកទីក្រុងទៅតំបន់ខាងក្រៅ ចេញពីខ័ណ្ឌកណ្តាលក្រុងស្ទើរតែហួសពីតំបន់រដ្ឋបាលរបស់ខ្លួន។

លោកម៉េង ប៊ុណ្ណារិទ្ឋមន្រ្តីជាន់ខ្ពស់ក្រសួងរៀបចំដែនដី នគរូបនីយកម្មនិងសំណង់ធ្លាប់បានថ្លែងថា ក្នុងប្លង់គោលនេះបានរៀបចំរាជធានីភ្នំពេញ ប្រមាណ១៥តំបន់ខុសៗគ្នា ដូចជាតំបន់ពាណិជ្ជកម្ម តំបន់លំនៅដ្ឋាន តំបន់ឧស្សាហកម្ម តំបន់កសិកម្មតំបន់ដែលត្រូវអភិរ័ក្សជាដើម ប៉ុន្តែនៅពេលប្លង់គោលនេះត្រូវសិក្សាលំអិត តំបន់និមួយៗអាចនឹងមានច្រើនជាងនេះ អាស្រ័យលើស្ថានភាពជាក់ស្តែង។

លោកបានថ្លែងថា “នៅពេលនយោបាយកម្ពុជានៅតែមានស្ថិរភាព សេដ្ឋកិច្ចកម្ពុជាបន្តកើនទ្បើង និងមានកំណើននៃការអភិវឌ្ឈ ការពង្រីកក្រុងអាចត្រូវ ពិនិត្យតាមស្ថានភាពជាក់ស្តែងរៀងរាល់៥ឆ្នាំម្តង”។ លោកបន្ថែមថា“ប្លង់របស់យើងអាចមានការលំអៀង ដូច្នេះការពង្រីកទីក្រុងនឹងត្រូវសិក្សាទ្បើងវិញ តាមស្ថានភាពជាក់ស្តែងនៃការរីកចំរើននគរូបនីយកម្មនិងកំណើនប្រជាសាស្រ្ត”។

ទោះជាយ៉ាងណាអ្នកជំនាញបានព្រមានថា ការអភិវឌ្ឍរាជធានីភ្នំពេញនាពេលបច្ចុប្បន្ននេះ មិនមានផែនការនិងកំណត់តំបន់ប្រើប្រាស់ដី ឲ្យបានច្បាស់លាស់នៅឡើយទេ ពិសេសមិនទាន់មានការបែងចែកតំបន់ណា ត្រូវប្រើប្រាស់បែបណានៅឡើយទេ។

អ្នកស្រីអាន សុធីតាអ្នកជំនាញអចលនទ្រព្យអន្តរជាតិ និងជាអតីតនាយិកាប្រចាំប្រ ទេសនៃក្រុមហ៊ុន PropNex Cambodia បានមានប្រសាសន៍ថា ដោយសារមិនទាន់មានការបែងចែកច្បាស់លាស់ បានធ្វើឲ្យសកម្មភាពសាងសង់អាគារខ្ពស់ៗ នៅរាជធានីភ្នំពេញ មិនមានសណ្តាប់ធ្នាប់របៀបរៀបរយ និងរក្សាបាននូវគុណភាពអាគារទាំងបរិស្ថាន គម្លាត និងខ្យល់អាកាសចេញចូលបានគ្រប់គ្រាន់នោះទេ។

អ្នកស្រីបន្តថា “ការណ៍នេះនឹងធ្វើឲ្យប៉ះពាល់ដល់ សុខមាលភាពនៃការរស់នៅ ប៉ះពាល់ដល់គុណភាពជីវិត និងប៉ះពាល់ដល់អ្នកអភិវឌ្ឈន៍នាពេលអនាគតផងដែរ”។ អ្នកស្រីបន្តថា “ក្នុងចំណោមអាគារខ្ពស់ៗ រាប់រយនៅរាជធានីភ្នំពេញ មានតែអាគារប្រមាណ២០ប៉ុណ្ណោះ ដែលបានអនុវត្តន៍ និងគោរពតាមគោលការណ៍អភិវឌ្ឍន៍បែបបៃតង”៕

28/10/2021

📔នីតិវិធីក្នុងការសុំប័ណ្ណកាន់កាប់ដីធ្លី

ការកាន់កាប់ដីធ្លី ដោយមិនមានប័ណ្ណកាន់កាប់ត្រឹមត្រូវ អាចនឹងបង្កឲ្យមានវិវាទ បើទោះជាការកាន់កាប់នោះ ជាការកាន់កាប់ដោយស្របច្បាប់ក៏ដោយ។ ប័ណ្ណកាន់កាប់ដីធ្លី គឺជាឯកសារច្បាប់ដ៏សំខាន់ ដែលភស្តុតាង បញ្ជាក់អំពីកម្មសិទ្ធិ ឬការកាន់កាប់ ដោយស្របច្បាប់។ ក៏ប៉ុន្តែ សំណួរសួរថា ដើម្បីឲ្យមានតម្លៃត្រឹមត្រូវតាមផ្លូវច្បាប់ តើប័ណ្ណនេះត្រូវចេញដោយអាជ្ញាធរថ្នាក់ណា? ដើម្បីបានប័ណ្ណនេះ អ្នកសុំត្រូវគោរពតាមនីតិវិធីអ្វីខ្លះ?

ដូចដែលលោក-អ្នកស្តាប់ បានជ្រាបរួចមកហើយ នៅក្នុងកម្មវិធីយល់ដឹងអំពីច្បាប់ លើកមុន ថា ការកាន់កាប់ដីធ្លី ឬការកាន់កាប់អចលនវត្ថុជាទូទៅ អាចមានទ្រង់ទ្រាយពីរ៖ ជាការកាន់កាប់ក្នុងឋានៈជាភោគី ឬការកាន់កាប់ក្នុងឋានៈជាម្ចាស់ដី (ឬកម្មសិទ្ធិករ)។

អ្នកកាន់កាប់ដីធ្លី ទោះជាក្នុងរូបភាពណាមួយក៏ដោយ ជាម្ចាស់កម្មសិទ្ធិក៏ដោយ គ្រាន់តែជាភោគីក៏ដោយ សុទ្ធតែមានសិទ្ធិសុំប័ណ្ណកាន់កាប់ ដើម្បីទុកជាភស្តុតាងផ្លូវច្បាប់ បញ្ជាក់អំពីសិទ្ធិរបស់ខ្លួន លើដីនេះ។

ដោយការកាន់កាប់ដីធ្លី អាចធ្វើឡើង ក្នុងរូបភាពពីរ ប័ណ្ណកាន់កាប់ក៏មានពីរប្រភេទដែរ៖ គឺប័ណ្ណភោគៈ និងប័ណ្ណកម្មសិទ្ធិ។

ដើម្បី ទទួលបានប័ណ្ណនេះ ម្ចាស់ដីត្រូវដាក់ពាក្យសុំទៅការិយាល័យភូមិបាលស្រុក/ខ័ណ្ឌ តាមរយៈមេឃុំ/ចៅសង្កាត់ ដែលដីនោះតាំងនៅ។

នៅក្នុងជំហានដំបូង មេឃុំ/ចៅសង្កាត់ ត្រូវធ្វើការបញ្ជាក់លើចំណុចពីរ៖ ទី១ បញ្ជាក់អំពីអត្តសញ្ញាណ ស្ថានភាព និងប្រវត្តិដី (កាលបរិច្ឆេទនៃការចូលកាន់កាប់) និងទី២ គឺបញ្ជាក់អំពីអត្តសញ្ញាណរបស់ម្ចាស់ដី (ឈ្មោះ អត្រានុកូលដ្ឋាន ទីលំនៅ ជាដើម)។

នៅក្នុងករណី ដែលម្ចាស់ដី មានទីលំនៅ នៅឃុំ/សង្កាត់ផ្សេង ពីឃុំ/សង្កាត់ ដែលដីតាំងនៅ ការបញ្ជាក់ត្រូវធ្វើឡើងដោយឃុំ/សង្កាត់ពីរ៖ គឺឃុំ/សង្កាត់ ដែលដីតាំងនៅ ជាអ្នកបញ្ជាក់អំពីអត្តសញ្ញាណ និងស្ថានភាពដី ចំណែកឃុំ/សង្កាត់ ដែលជាលំនៅរបស់ម្ចាស់ដី គឺជាអ្នកបញ្ជាក់អំពីអត្តសញ្ញាណរបស់ម្ចាស់ដី។

បន្ទាប់ពីបាន ទទួលការបញ្ជាក់ពីពីមេឃុំ ឬចៅសង្កាត់រួចរាល់ហើយ ដំណាក់កាលបន្ទាប់មកទៀត គឺសុំទៅសាលាស្រុក/ខ័ណ្ឌ ដែលដីតាំងនៅ ដើម្បីចាត់ចែងឲ្យមន្រ្តីសុរិយោដីស្រុកចុះវាស់វែងកំណត់ព្រំដី។ នៅក្នុងការវាស់វែងនេះ ម្ចាស់ដី គឺជាចង្អុលបង្ហាញអំពីព្រំដី ចំណែកមន្រ្តីសុរិយោដី គ្រាន់តែជាអ្នកវាស់ប៉ុណ្ណោះ។ បន្ទាប់ពីបានវាស់វែងហើយ មន្រ្តីសុរិយោដីស្រុកនឹងរៀបចំគូសប្លង់ក្បាលដី។

គួរបញ្ជាក់ថា នៅក្នុងការកសាងប្លង់សុរិយោដីនេះ សាលាស្រុកត្រូវធ្វើការផ្សព្វផ្សាយជាសាធារណៈ ដើម្បីទុកឱកាសឲ្យបុគ្គលពាក់ព័ន្ធធ្វើការតវ៉ា។ នៅមុនពេលចុះវាស់វែង ក៏មានការជូនដំណឹងជាសាធារណៈ (១៤ថ្ងៃមុនពេលចុះវាស់)។ នៅក្រោយពេលគូសប្លង់សុរិយោដីរួចហើយ ក៏មានការផ្សព្វផ្សាយជាសាធារណៈជាថ្មីម្តង់ទៀត អំពីប្លង់ដី និងអត្តសញ្ញាណម្ចាស់ដី។

៣០ថ្ងៃក្រោយការប្រកាសផ្សាយនេះ ប្រសិនបើគ្មានការតវ៉ាណាមួយទេនោះ អាជ្ញាធរស្រុក/ខ័ណ្ឌ នឹងបញ្ជូនសំណុំរឿងទៅឲ្យអាជ្ញាធរសុរិយោដីថ្នាក់ខេត្ត/ក្រុង ជាអ្នកពិនិត្យសម្រេចជាចុងក្រោយ ក្នុងការចេញប័ណ្ណជូនដល់ម្ចាស់សាម៉ី ដែលជាអ្នកសុំ៕

ប្រភព= សេង ឌីណា វិទ្យុបារាំង RFI

27/10/2021

🏠 ប្រធានបទថ្មីពាក់ព័ន្ធនិង(ស្វែងយល់ពីការស្នើសុំលិខិតអនុញ្ញាតសាងសង់់)

បច្ចុប្បន្ននេះវិស័យសំណង់ និងអចលនទ្រព្យកម្ពុជាកំពុងមានការរីកចម្រើនយ៉ាងខ្លាំងក្លា ដែលធ្វើឲ្យមានកំណើននៃការសាងសង់យ៉ាងមាមារញឹកនៅគ្រប់ទីកន្លែង ជាពិសេសនៅតាមតំបន់សក្តានុពលសំខាន់ៗ ទីក្រុងធំៗ និងតំបន់រីកចម្រើនថ្មី រាប់ចាប់ពីទីប្រជុំជនដល់ទីក្រុង។

ទទឹមនឹងពេលរីកចម្រើន ភាពសកម្មនៃមួយចំនួនក៏បានកំពុងកើតឡើងនៅក្នុងដំណើរផ្លូវច្បាប់ ពាក់ព័ន្ធនឹងការស្នើសុំការអនុញ្ញាតសាងសង់ពីអជ្ញាធរ។ នេះមានន័យថាសំណង់មួយចំនួនត្រូវបានសាងសង់ឡើងដោយគ្មានច្បាប់អនុញ្ញាតត្រឹមត្រូវ។

ដើម្បីទទួលបានច្បាប់អនុញ្ញាត ម្ចាស់គម្រោង ឬអ្នកតំណាងស្របច្បាប់របស់ម្ចាស់គម្រោងត្រូវដាក់ស្នើសុំសិទ្ធិសាងសង់ ឬលិខិតអនុញ្ញាតសាងសង់ពីពីអជ្ញាធរមូលដ្ឋាន ឬក្រសួងពាក់ព័ន្ធ។

ខាងក្រោមនេះជាការណែនាំមួយចំនួនពាក់ព័ន្ធនឹងការស្នើសុំលិខិតអនុញ្ញាតសាងសង់នៅកម្ពុជា។

តើសំណង់បែបណាខ្លះ ដែលត្រូវសុំការអនុញ្ញាតសាងសង់?

យោងតាមអនុក្រឹត្យលេខ ៨៦ អនក្រ.បក ស្ដីពីលិខិតអនុញ្ញាតសាងសង់ របស់រាជរដ្ឋាភិបាលនៃព្រះ រាជាណាចក្រកម្ពុជា ចុះថ្ងៃទី១៩ ខែធ្នូ ឆ្នាំ១៩៩៧ សំណង់ដែលតម្រូវឱ្យមានលិខិតអនុញ្ញាតសាងសង់ ជាមុនគឺរាល់ការសាងសង់ថ្មី ឬសាងសង់ឡើងវិញលើអគារដែលមានស្រាប់នៅក្នុងទីក្រុង និងទីប្រជុំជន។

ឯកសារចាំបាច់សម្រាប់ការស្នើសុំការអនុញ្ញាតសាងសង់

យោងតាមមាត្រា៩ នៃអនុក្រឹត្យ ស្ដីពីលិខិតអនុញ្ញាតសាងសង់ ដើម្បីអាចស្នើសុំការអនុញ្ញាតបាន ម្ចាស់អចលនទ្រព្យត្រូវភ្ជា់ប់មកជាមួយនឹងឯកសារដូចខាងក្រោម៖
វិញ្ញាបនបត្រសម្គាល់ម្ចាស់អចលនវត្ថុ ឬប័ណ្ណសម្គាល់សិទ្ធិកាន់កាប់ប្រើប្រាស់អចលនវត្ថុ ឬលិខិតកាន់កាប់ដីជាបណ្ដោះអាសន្ន

. សលាកបត្រដីឡូតិ៍ និងប្លង់ទីតាំងអគារនៅក្នុងដីឡូតិ៍
អត្តសញ្ញាណប័ណ្ណសម្គាល់ជាជនជាតិខ្មែររបស់អ្នកស្នើសុំ

. ពាក្យសុំលិខិតអនុញ្ញាតសាងសង់ដោយមានហត្ថលេខារបស់ម្ចាស់ដី និងអ្នកធ្វើគម្រោង។ (សំណុំលិខិតពាក្យសុំលិខិតអនុញ្ញាតសាងសង់ទាំងអស់ត្រូវធ្វើឡើងជាភាសាខ្មែរ ហើយអត្ថបទជាភាសាអង់គ្លេស និងភាសាបារាំងអាចផ្ដល់ភ្ជាប់ជាមួយនឹងលិខិតនេះបាន)។

តើលិខិតអនុញ្ញាតសាងសង់មានប៉ុន្មានប្រភេទ?

លិខិតអនុញ្ញាតសាងសង់ត្រូវបានកំណត់ចំនួន ៣ ថ្នាក់ផ្សេងគ្នា ទៅតាមទំហំនៃការសាងសង់ គម្រោងនីមួយៗ។

. ទី១ គឺថ្នាក់ក្រុង ស្រុក ខណ្ឌ ចំពោះសំណង់ដែលមានផ្ទៃក្រឡាកម្រាលសំណង់សរុបតូចជាង ឬស្មើ ៥០០ ម៉ែត្រការ៉េ។
ទី២ គឺថ្នាក់រាជធានី ខេត្ត ចំពោះសំណង់ដែលមានផ្ទៃក្រឡាកម្រាលសំណង់ធំជាង ៥០០ ម៉ែត្រការ៉េ ដល់ ៣,០០០ ម៉ែត្រការ៉េ។
ទី៣ គឺគម្រោងសាងសង់ណាដែលមានផ្ទៃក្រឡាកម្រាលសំណង់ធំជាង ៣,០០០ ម៉ែត្រការ៉េ ត្រូវមកសុំការអនុញ្ញាតសាងសង់នៅក្រសួងរៀបចំដែនដី នគរូបនីយកម្ម និងសំណង់ផ្ទាល់តែម្តង។

រយៈពេលនៃការស្នើសុំ

បើយោងតាមអនុក្រឹត្យខាងលើនេះដដែល រយៈពេលសម្រាប់ពិនិត្យសំណុំលិខិតអនុញ្ញាតសាងសង់ ត្រូវបានកំណត់ត្រឹម ៤៥ ថ្ងៃធ្វើការ។ រយៈពេលនេះគិតចាប់ពីថ្ងៃ ដែលរាល់លិខិតស្នាម ភ្ជាប់ជាមួយនឹងពាក្យសុំលិខិត អនុញ្ញាតសាងសង់បានបំពេញសព្វគ្រប់។

នៅចុងរយៈពេលកំណត់នេះ អ្នកស្នើសុំនឹងទទួលបានដំណឹងអំពីសេចក្ដីសម្រេចជាលាយលក្ខអក្សរ ស្ដីពីការអនុញ្ញាត ការមិនអនុញ្ញាត ឬការអនុញ្ញាតដែរ តែស្នើសុំឱ្យកែសម្រួលបន្ថែម។

យោងទៅតាមប្រកាសអន្តរក្រសួងរវាង ក្រសួងសេដ្ឋកិច្ច និងហិរញ្ញវត្ថុ និងក្រសួងរៀបចំ ដែនដី នគរូបនីយកម្ម និងសំណង់លេខ ០៣៣ ស.ហ.វ. ប្រ.ក ថ្ងៃទី១២ ខែមករា ២០០៦។

តើត្រូវចំណាយថ្លៃសេវាកម្មប៉ុន្មាន?

ការបង់ថ្លៃក្នុងការស្នើសុំគឺគិតទៅលើទំហំផ្ទៃក្រឡា និងប្រភេទគម្រោងសាងសង់នោះ។

ឧទាហរណ៍៖ សម្រាប់គម្រោងសំណង់លំនៅដ្ឋាន ដែលមានផ្ទៃក្រឡាសាងសង់ទំហំ ៥០០ ម៉ែត្រការ៉េ តម្លៃសោហ៊ុយសេវាគឺប្រែប្រួលទៅតាមប្រភេទផ្ទះដូចជា ភូមិគ្រឹះត្រូវបង់សេវាចន្លោះពី ៦ សែនរៀល ដល់ ១.៨ លានរៀល។ សម្រាប់ផ្ទះល្វែង ថ្លៃសេវាចន្លោះពី ៤ សែនរៀល ដល់ ១,២ លានរៀល និងសម្រាប់ផ្ទះថ្មក្រោមឈើលើមានតម្លៃចន្លោះពី ១៤ ម៉ឺនរៀល ទៅ ២២ម៉ឺនរៀល។

តើមានបញ្ហាអ្វីកើតឡើង បើសាងសង់ដោយមិនសុំការអនុញ្ញាត?

រាល់សំណង់ដែលសាងសង់ដោយគ្មានលិខិតអនុញ្ញាត សំណង់នោះនឹងនឹងត្រូវចាត់ទុកជាសំណង់ ខុសច្បាប់ (បទល្មើស) ហើយការដ្ឋានសាងសង់នឹងត្រូវបានបញ្ឈប់ជាបន្ទាន់។

លើសពីនេះ បុគ្គលរំលោភច្បាប់ប្រឈមមុខនឹងផ្លូវច្បាប់ ហើយឧបករណ៍ទាំងអស់នៅក្នុង ការដ្ឋាននឹងត្រូវបានរឹបអូស។ នេះបើយោងតាមមាត្រា២៤ នៃអនុក្រឹត្យលេខ ៨៦ អនក្រ.បក ស្ដីពីលិខិតអនុញ្ញាតសាងសង់ ចុះថ្ងៃទី១៩ ខែធ្នូ ឆ្នាំ១៩៩៧ និងយោងតាម ប្រកាសអន្តរក្រសួងស្ដីពី នីតិវិធីនិងបែបបទនៃការធ្វើអធិការកិច្ចសំណង់លេខ ១១៨ប្រក/ដ.ន.ស.កយ ចុះថ្ងៃទី០២ ខែសីហា ឆ្នាំ២០១៩។

តើក្នុងលក្ខខណ្ឌណាខ្លះ ដែលពុំចាំបាច់ស្នើសុំលិខិតសាងសង់ដែរទេ?

ពិតណាស់គឺមាន! សំណង់លំនៅដ្ឋានរបស់ប្រជាពលរដ្ឋ ដែលស្ថិតនៅទីជនបទ ឬតំបន់ឆ្ងាយពីផ្លូវជាតិ ឆ្ងាយពីផ្លូវដែក និងឆ្ងាយពីតំបន់រមណីយដ្ឋានទេសចរណ៍ តំបន់បេតិកភណ្ឌជាតិ ឬតំបន់អភិរក្សជាដើម គឺមិនតម្រូវឲ្យមានលិខិតអនុញ្ញាតសាងសង់នោះឡើយ៕

ប្រភព Fresh News

ស្វែងយល់ពីច្បាប់ក្នុងវិស័យអចលនទ្រព្យ ឬចង់ទិញអចលនទ្រព្យសម្រាប់លក់នៅកំពង់ស្ពឺសូមទំនាក់ទំនងមកកាន់ផេកនេះដោយផ្ទាល់ឬលេខទូរសព្ទ
016341793/0978708699/099244705

25/10/2021

🥰ជាការស្រាវជ្រាវរបស់ខ្ញុំបាទផ្ទាល់ដើម្បីជាក្នុងការចែករំលែកទេបាទ

ប្រសិនបើមានសំណួរឬ ចំងល់ផ្សេងៗអាចខលមកលេខទូរសព្ទខាង
016341793/0978708699/099244705

ប្រជាពលរដ្ឋជាជាច្រើន នៅមិនទាន់យល់ច្បាស់ពីអ្វីទៅដែលហៅថា ប្លឹងរឹង? អ្វីទៅដែលហៅថាប្លង់ទន់? និងអ្វីទៅជាប័ណ្ណកម្មសិទ្ធិរួម? ជាទូទៅប្រជាពលរដ្ឋតែងតែយល់ច្រឡំពីប័ណ្ណកម្មសិទ្ធិរួម ដែលគេច្រើនប្រើប្រាស់លើការលក់ខុនដូឬអាគារផ្សេងៗជាប្រភេទអចលនទ្រព្យសហកម្មសិទ្ធិរួម ថាមានរយៈពេលយ៉ាងច្រើន ៥០ឆ្នាំ ឬ៧០ឆ្នាំ ឬ៩៩ឆ្នាំ ជាដើម។ ប៉ុន្តែនោះជាការយល់ខុសនោះទេ អគារសហកម្មសិទ្ធិ សំដៅដល់អគារ ឬសំណង់ដែលមានកម្មសិទ្ធិករច្រើននាក់រស់នៅ។ អគារសហកម្មសិទ្ធិ មានចំណែកខ្លះជាកម្មសិទ្ធិផ្តាច់មុខរបស់សហកម្មសិទ្ធិករនីមួយៗ ហៅថា “ចំណែកឯកជន” និងមានចំណែកខ្លះជាលំហរួម សម្រាប់ប្រើប្រាស់រួមរបស់សហកម្មសិទ្ធិករទាំងអស់ហៅថា “ចំណែករួម”។ ចំណែកឯកជន សំដៅដល់ចំណែកនៃអគារសហកម្មសិទ្ធិដែលស្ថិតក្រោមការកាន់កាប់ និងប្រើប្រាស់ជាឯកជនផ្តាច់មុខ។ ដោយឧទាហរណ៍ បន្ទប់ ១ យូនីត។ ចំណែករួម សំដៅដល់រាល់ចំណែកនៃអគារសហកម្មសិទ្ធិដែលត្រូវចាត់ជាកម្មវត្ថុសម្រាប់ការប្រើប្រាស់ ឬ ជាប្រយោជន៍នៃសហកម្មសិទ្ធិករទាំងអស់ មានជាអាទិ៍ ដី ទីធ្លា ជណ្តើរ ដំបូល ឧទ្យាន សួនច្បារ ផ្លូវ ច្រកចេញចូល ជញ្ជាំងអឌ្ឍសិទ្ធិ និងទីកន្លែងនៃសេវាកម្មរួម។

ច្បាប់ភូមិបាល ឆ្នាំ២០០១ បានបង្កើតប្រព័ន្ធបញ្ជី ឈ្មោះ ដីធ្លី ឲ្យមានប័ណ្ណកម្មសិទ្ធិដីធ្លី នៅប្រទេសកម្ពុជានាពេលបច្ចុប្បន្ននេះ ។ ចាប់តាំងពីពេលនោះមក ប័ណ្ណកម្មសិទ្ធិ ដីធ្លីនៅកម្ពុជាច្រើនជាងពីរលានកម្មសិទ្ធិត្រូវបានផ្តល់ឲ្យប្រជាជនកម្ពុជា។ ការកាន់កាប់អចលនទ្រព្យបច្ចុប្បន្នត្រូវបានធានាសុវត្ថិភាពដោយប័ណ្ណមួយក្នុងចំណោម៣នៃទម្រង់របស់ប័ណ្ណកម្មសិទ្ធិក្នុងប្រទេសកម្ពុជាមានដូចជា៖ ប្លង់រឹង ប្លង់ទន់ និងប័ណ្ណកម្មសិទ្ធិរួមឯកជនក្នុងអគារសហកម្មសិទ្ធិ ឬត្រូវបានគេស្គាល់ថាប័ណ្ណកម្មសិទ្ធិរួម។

ឥឡូវនេះ កម្មសិទ្ធិនៃអចលនទ្រព្យ ត្រូវបានធានាសុវត្ថិភាព ដោយទម្រង់ទាំងបីនៃប័ណ្ណកម្មសិទ្ធិ ដីធ្លី នៅប្រទេសកម្ពុជា ប្លង់រឹង ប្លង់ ទន់ និងកម្មសិទ្ធិឯកជន នៅក្នុងអគារសហកម្មសិទ្ធិ ដែលគេស្គាល់ថាជាវិញ្ញាបនបត្រ សម្គាល់ម្ចាស់កម្មសិទ្ធិ ។ លើសពីនេះទៀតប្លង់ LMAP ក៏ត្រូវបានគេទទួលស្គាល់ផងដែរ ។

១. ប្លង់រឹង (Hard Title)

-ប្លង់រឹង គឺទម្រង់បង្ហាញពីភាពជាម្ចាស់កម្មសិទ្ធិសំខាន់ជាងគេ និងជាប្លង់ដីដ៏ល្អជាងគេនៅកម្ពុជា ។
-ប្លង់រឹង គឺជាវិញ្ញាបនបត្រ ម្ចាស់កម្មសិទ្ធិមួយសន្លឹក ដែលចេញដោយការិយាល័យរៀបចំ ដែនដី ។
-ប្លង់រឹង មានព័ត៌មានលម្អិត ដែលត្រូវបានទទួលស្គាល់ និងបញ្ជាក់ក្នុងកម្រិតជាតិពីការិយាល័យសុរិយោដី និងក្រសួងរៀបចំដែនដី ។
-ការធ្វើ ប្លង់រឹងត្រូវបង់ពន្ធចូលរដ្ឋ ៤ភាគរយ ។

២. ប្លង់ទន់ (Soft Title)

– ប្លង់ទន់ គឺជាទម្រង់បង្ហាញពីភាពជាម្ចាស់ ដែលគេប្រើជាទូទៅ និងជាប្លង់ ដីធ្លី ជាទូទៅបំផុតនៅក្នុងប្រទេសកម្ពុជា ។
– វាជាប័ណ្ណកម្មសិទ្ធិ ដីធ្លី នៅ កម្ពុជា ដែល ត្រូវបាន ទទួលស្គាល់ ពី រដ្ឋា ភិបាល ក្នុងស្រុក ។
– ប្លង់ទន់ ត្រូវបានផ្ដល់ជូនដោយការិយាល័យ សង្កាត់ ឬ ស្រុក និងមិនត្រូវបានចុះឈ្មោះនៅថ្នាក់ជាតិនោះទេ ប៉ុន្តែនៅតែត្រូវបានគេចាត់ទុកជាឯកសារ ម្ចាស់កម្មសិទ្ធិពេញសិទ្ធិ ។
-ភាគច្រើន នៃការផ្ទេរអចលនទ្រព្យត្រូវបានគេធ្វើឡើងជា ប្លង់ទន់ ដើម្បីចៀសវាងការបង់ពន្ធ និងតម្លៃ សេវាទៅកាន់រដ្ឋ ។
-ទោះយ៉ាងណាក៏ដោយ គម្រោងអភិវឌ្ឍន៍ថ្មីធំៗ ភាគច្រើនមានបញ្ជាក់កម្មសិទ្ធិជាប្លង់រឹង ដោយសារប្លង់ទាំងនោះ គឺជាប័ណ្ណ បញ្ជាក់កម្មសិទ្ធិ ដីធ្លី នៅកម្ពុជា ដែលមានរយៈពេលយូរបំផុត ។

៣. សហកម្មសិទ្ធិឯកជន (LMAP)
-កម្មសិទ្ធិឯកជន នៅក្នុងអគារ សហកម្មសិទ្ធិគឺជាទម្រង់ថ្មីបំផុត នៃភាពជាម្ចាស់កម្មសិទ្ធិ និងអនុញ្ញាតឱ្យជនបរទេសអាចមាន អចលនទ្រព្យដោយ ខ្លួនឯង ស្របច្បាប់នៅប្រទេសកម្ពុជា ។

-ប្លង់នេះ ត្រូវបានគេស្គាល់ថាជាវិញ្ញាបនបត្រសម្គាល់ម្ចាស់អចលនទ្រព្យ ។
-វិញ្ញាបនបត្រ សំគាល់ម្ចាស់អចលនទ្រព្យ គឺជាប្លង់ ដែលមិនសូវពេញនិយមនោះទេ នៅប្រទេសកម្ពុជា ប៉ុន្តែចំនួនកំពុងតែមានការកើនឡើង ។
-ច្បាប់ស្តីពីភាពជា “ កម្មសិទ្ធិរបស់ជនបរទេស ” ត្រូវបានប្រកាសឱ្យចេញជាផ្លូវការនៅថ្ងៃទី ២០ ខែឧសភា ឆ្នាំ ២០១០ ។
-ច្បាប់នេះ កំណត់ភាពជាម្ចាស់ នៃជនបរទេសក្នុងអគារសហកម្មសិទ្ធិ ។
-អគារសហកម្មសិទ្ធិ ត្រូវបានគេឱ្យនិយមន័យថាជាអាគារ ឬការសាងសង់ ដែលមានម្ចាស់ច្រើនគ្នា ដែលមានផ្នែកខ្លះ ជាកម្មសិទ្ធិដាច់ដោយឡែក របស់ ម្ចាស់ម្នាក់ៗ ( ជាន់ឯកជន ) និងផ្នែកខ្លះទៀត គឺជាកន្លែងប្រើរួម ដែលម្ចាស់ទាំងអស់ អាចប្រើប្រាស់បាន ( កន្លែងប្រើរួមទូទៅ ) ។

21/10/2021

💸តើគួរវិនិយោគអចលនទ្រព្យប្រភេទណាដើម្បីទទួលបានប្រាក់ចំណេញក្នុងអំឡុងវិបត្តិកូវីដ១៩

ភ្នំពេញៈ នៅក្នុងវិបត្តិកូវីដ១៩នេះ វិស័យជាច្រើនបានរងផលប៉ះពាល់ពីវិបត្តិនេះ ក្នុងនោះដែរវិស័យអចលនទ្រព្យ ក៏បានរងផលប៉ះពាល់ពីកូវីដ១៩ដែរ ប៉ុន្តែវិនិយោគិនជាច្រើននៅតែបន្តដាក់ទុនវិនិយោគ ជាបន្តបន្ទាប់ទៅលើអចលនទ្រព្យ ដោយខ្លះក៏ជោគជ័យនិងខ្លះទៀតក៏នៅគាំង។
តើនៅក្នុងវិបត្តិកូវីដ១៩នេះ អ្នកវិនិយោគគួរតែជ្រើសរើសយក អចលនទ្រព្យប្រភេទណាដើម្បីទទួលបានប្រាក់ចំណេញ?។

លោកស្រី Grace Rachny Fong អគ្គនាយិកាក្រុមហ៊ុនអចលនទ្រព្យ Century 21 Cambodia បានមានប្រសាសន៍ថា សម្រាប់អ្នកដែលមានដៃគូ ដែលសំដៅដល់គូស្វាមីភរិយា ដែលមានប្រាក់ចំណូលពី៥០០ដុល្លារ ទៅ៧០០ដុល្លារក្នុងម្នាក់ៗ គួរវិនិយោគផ្ទះជាលក្ខណៈបុរី ។

លោកស្រីក៏បានផ្ដល់ជាគន្លឹះមួយចំនួន ដល់អ្នកវិនិយោគដំបូងទៅលើបុរី ដោយគិតទៅលើ៣ចំនុចៗ ក្នុងនោះរួមមាន ទី១ ពិនិត្យទៅមើលអ្នកអភិវឌ្ឍន៍បុរីនោះជាអ្នកណា មានកេរ្តិ៍ឈ្មោះប៉ុណ្ណា មានបទពិសោធន៍ប៉ុណ្ណា នៅក្នុងការសាងសង់បុរីលក់នៅក្នុងទីផ្សារ ។ទី២ មុននឹងសម្រេចចិត្តទិញផ្ទះនៅក្នុងបុរី ក៏ត្រូវគិតជាមុនថា តើទីតាំងនៅមានបរិយាកាសរស់នៅយ៉ាងម៉េចដែរ អាចធ្វើការប្រកបរបររកស៊ីបានដែរទេ ឬជួលបានដែរឬទេ និងទី៣ អ្នកទិញផ្ទះត្រូវសួររកប្លង់កម្មសិទ្ធិច្បាស់លាស់ ។

លោកស្រីថា “ហានិភ័យនឹងកើតមានកើតឡើងខ្ពស់ បើសិនជាអ្នកវិនិយោគថ្មីថ្មោងមិនបានគិតពីចំណុចនេះជាមុន ហើយធ្វើការវិនិយោគលឿនៗ និងមិនមានការគិតទុកជាមុន”។

លោកស្រី Grace Rachny Fong ក៏បានចែករំលែកបទពិសោធន៍ សម្រាប់ការវិនិយោគដំបូងរបស់លោកស្រីផងដែរ គឺវិនិយោគទៅលើលំនៅឋានតូចមួយ និងបានទាក់ទងទៅស្ថាប័នធនាគារ ដើម្បីយកកម្ចីមកប្រើប្រាស់ ក្នុងការវិនិយោគទិញលំនៅឋាននៅ ។តាមរយៈកិច្ចការនេះដែរ លោកស្រីក៏ចាប់ផ្ដើមមានទំនាក់ទំនង ជាមួយខាងធនាគារដើម្បី បន្តធ្វើជាដៃគូក្នុងការរកស៊ីជាបន្តបន្ទាប់ផងដែរ ។

សម្រាប់លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏បានលើកឡើងផងដែរថា មុននឹងសម្រេចចិត្តវិនិយោគអ្វីមួយ ត្រូវសួរខ្លួនឯងថាចង់ឬអត់ហើយចូលចិត្តឬអត់ ។ ការវិនិយោគអ្វីមួយ គឺអាស្រ័យលើចំណូលចិត្តនិងជំនាញរបស់វិនិយោគិនដើម្បីទទួលបានជោគជ័យក្នុងការវិនិយោគនោះ ៕

ចំពោះរាល់សំណួរឬមតិយោបល់ផ្សេងៗ លោក/លោក ស្រីអាច ទំនាក់ទនងលេខទូរសព្ទខាងក្រោមបាន
016341793/0978708699/099244705

19/10/2021

🏠💸តើអ្វីជាអំពីនីតិវិធីទាំង៥សម្រាប់ការផ្ទេរកម្មសិទ្ធិអចលនវត្ថុ?

ភ្នំពេញៈ ការផ្ទេរសកម្មសិទ្ឋអចលនទ្រព្យ មានច្រើនបែបនិងទម្រង់អាស្រ័យលើ់ប្រភេទអចលនទ្រព្យនិមួយៗ ហេតុនេះលោក អ្នកគួរសិក្សាលើជំហ៊ាននិតិវិធីសំខាន់ៗចំនួន៥ខាងក្រោមនេះ ដើម្បីប្រើប្រាស់ជាព៌តមាននិងប្រភចំណេះដឹងរបស់លោក អ្នក។

១. បំពេញឯកសារនៅការិយាល័យភូមិបាល

ភាគីទាំងសងខាង ឬអ្នកទទួលបានសិទ្ធិ ត្រូវមកការិយាល័យរៀបចំដែនដី នគរូបនីយកម្ម សំណង់ និងភូមិបាលក្រុង ស្រុក ខណ្ឌ (ដែលជាទូទៅគេហៅថា ការិយាល័យភូមិបាល) ដែលអចលនទ្រព្យនោះស្ថិតនៅ ដើម្បីបំពេញឯកសារនានា នៅមុខមន្ត្រីភូមិបាល ដោយមានសាក្សីមកជាមួយផង។

គូភាគី ត្រូវភ្ជាប់មកជាមួយនូវឯកសារចាំបាច់មួយចំនួនដូចជា៖

កិច្ចសន្យាទិញ-លក់ (លិខិតលក់ផ្តាច់ សម្រាប់ការផ្ទេរកម្មសិទ្ធិក្នុងករណីទិញ-លក់)
លិខិតធ្វើអំណោយផ្តាច់ (ក្នុងករណីដីនោះ ត្រូវបានធ្វើអំណោយដល់នរណាម្នាក់)
អត្តសញ្ញាណប័ណ្ណ (មានបញ្ជាក់ពីសាលាក្រុង ស្រុក/ ខណ្ឌ)
សេចក្តីចម្លងសំបុត្រអាពាហ៍ពិពាហ៍ (ប្រសិនបើជាទ្រព្យប្តីប្រពន្ធ)
ឯកសារបញ្ជាក់អត្តសញ្ញាណ (នៅលីវ រៀបការ និង លែងលះ….)
និងឯកសារផ្សេងៗទៀត ទៅតាមតម្រូវការជាក់ស្តែងនៃអចលនទ្រព្យនោះ។

២. ប្រថាប់ត្រាដោយអាជ្ញាធរឃុំ-សង្កាត់

បន្ទាប់ពីបំពេញឯកសារ នៅការិយាល័យភូមិបាលរួចរាល់ ម្ចាស់ដី ត្រូវយកឯកសារ ទៅឱ្យអាជ្ញាធរឃុំ-សង្កាត់ ដែលអចលនទ្រព្យនោះស្ថិតនៅ ដើម្បីត្រួតពិនិត្យនូវភាពស្របច្បាប់ និងប្រថាប់ត្រាលើឯកសារទាំងអស់នោះ។

៣.កសាងសាលកបត្រក្បាលដី និងពិនិត្យទីតាំង

បន្ទាប់ពីប្រថាប់ត្រារួចហើយ ម្ចាស់ដី ត្រូវបន្តយកឯកសារនោះទៅការិយាល័យភូមិបាលវិញ ដើម្បីមន្ត្រីអនុវត្តនីតិវិធីបន្ត។ មន្ត្រីភូមិបាល នឹងធ្វើការងារផ្ទេរសិទ្ធិអចលនទ្រព្យនោះ ដោយចុះទៅពិនិត្យទីតាំង កសាងសាលកបត្រក្បាលដី សម្រង់ពត៌មានក្បាលដី កសាងកំណត់ហេតុចុះវាស់វែង និងកសាងឯកសាររណបផ្សេងៗទៀតដែលពាក់ព័ន្ធ។

៤. សុំការអនុម័តមន្ទីរសុរិយោដី និងបង់ពន្ធ

សេចក្តីសម្រេចលេខ០៤ សសរ ចុះថ្ងៃទី ១០ ខែ មករា ឆ្នាំ២០១៦។ មានការផ្ទេរសិទ្ធិខ្លះគឺមិនជាប់ពន្ធនោះទេដូចជាការផ្ទេរអចលនទ្រព្យជាសំណង់ ឬ/និងដី។

ចំពោះដីដែលចុះបញ្ជីរួច (ប្លង់រឹង) ម្ចាស់ដីត្រូវយកឯកសារទាំងអស់នោះ ទៅច្រកចេញចូលតែមួយនៅមន្ទីររៀបចំដែនដី នគរូបនីយកម្ម សំណង់ និងសុរិយោដី (ឬហៅថាមន្ទីរសុរិយោដី) ដែលអចលនទ្រព្យនោះស្ថិតនៅ។ មន្ត្រីសុរិយោដីនៅទីនោះ នឹងធ្វើការត្រួតពិនិត្យឯកសារទាំងនោះ។ ក្នុងករណីដែលឯកសារគ្រប់គ្រាន់តាមច្បាប់ហើយនោះ មន្ត្រីនឹងហៅម្ចាស់មកបង់សេវាសុរិយោដី និងយកឯកសារទៅបង់ពន្ធនៅសាខាពន្ធដារដែលអចលនទ្រព្យនោះស្ថិតនៅ។

ប៉ុន្តែចំពោះដីដែលមិនទាន់ចុះបញ្ជី (ប្លង់ទន់) ក្រោយពីមន្ត្រីចុះវាស់វែង និងធ្វើកំណត់ហេតុរួចរាល់ហើយ (ដំណាក់កាលទី ៣) ការិយាល័យភូមិបាល នឹងរៀបចំឯកសារ ដើម្បីឱ្យអ្នកស្នើសុំយកឯកសារទៅបង់ពន្ធប្រថាប់ត្រា៤%។ យោងតាមសេចក្តីណែនាំលេខ ៨៧២៦ របស់អគ្គនាយកដ្ឋានពន្ធដារ ចុះថ្ងៃទី១៤ ខែមិថុនា ឆ្នាំ២០១៦ ការផ្ទេរសិទ្ធិអចលនទ្រព្យ ត្រូវជាប់ពន្ធ ៤% ទាំងប្លង់រឹង និងប្លង់ទន់។ ដីដែលពុំទាន់បានចុះបញ្ជី អ្នកទទួលសិទ្ធិមានកាតព្វកិច្ចត្រូវបង់ពន្ធប្រថាប់ត្រា៤% ដូចដីដែលបានចុះបញ្ជីដែរ។

រវាងឪពុក-ម្តាយបង្កើត និងកូនបង្កើត
រវាងប្តី និងប្រពន្ធ
រវាងយាយ-តាបង្កើតនិងចៅបង្កើត

៥. ចារឹកឈ្មោះលើប្លង់ដី

កិច្ចបង្ហើយ បន្ទាប់ពីបង់ពន្ធរួច សម្រាប់ដីដែលបានចុះបញ្ជីរួច (ប្លង់រឹង) ម្ចាស់ដី ត្រូវយកឯកសារទាំងអស់ មកមន្ទីរសុរិយោដីម្តងទៀត ដើម្បីមន្ត្រីធ្វើបច្ចុប្បន្នភាពអំពីម្ចាស់ដី នៅក្នុងកុំព្យូទ័រ និងធ្វើលេខាចារឹកលើប្លង់ដី។ ម្ចាស់ដីថ្មី នឹងទទួលបានប្លង់កម្មសិទ្ធិ នៅពេលនីតិវិធីទាំងអស់បានបញ្ចប់។

ចំណែកដីដែលមិនទាន់ចុះបញ្ជី (ប្លង់ទន់) ក្រោយពី បានបង់ពន្ធរួចរាល់ហើយ អ្នកស្នើសុំត្រូវយកបង្កាន់ដៃបង់ពន្ធរួចរាល់ ទៅការិយាល័យភូមិបាលវិញ ដើម្បីមន្ត្រីពិនិត្យ និងសម្រេច ដើម្បីបញ្ចប់ការផ្ទេរសិទ្ធិកាន់កាប់ អចលនទ្រព្យ ជូនម្ចាស់ថ្មី ត្រឹមថ្នាក់ស្រុកខណ្ឌ។ លោកអ្នកនឹងទទួលសំណុំ ឯកសារនៃការផ្ទេរសិទ្ធិអចលនទ្រព្យ ដែលបានផ្ទេរសិទ្ធិត្រឹមត្រូវឱ្យទៅឈ្មោះម្ចាស់ថ្មី៕

បញ្ជាក់បន្តិចបាទ! ប្រសិនបើមានសំណួរផ្សេងៗពាក់ព័ន្ធនិងផ្លូវច្បាប់ដែលទាក់ទងនិងអចលនទ្រព្យអាចទំនាក់ទំនងលេខ ទូរសព្ទខាងក្រោមបាន
016341793/0978708699/099244705

18/10/2021

ក្រុមហ៊ុនថ្មីមួយគ្រោងបោះទុនជាង៤លានដុល្លារបង្កើតរោងចក្រកាត់ដេរសម្លៀកបំពាក់នៅខេត្តកំពង់ស្ពឺ

ខេត្តកំពង់ស្ពឺៈ ដោយមើលឃើញឱ្យកាសវិនិយោគនៅក្នុងប្រទេសកម្ពុជា មានក្រុមហ៊ុនជាច្រើន បានមកដាក់ពាក្យស្នើសុំធ្វើការវិនិយោគ នៅក្នុងប្រទេសកម្ពុជាជាបន្តបន្ទាប់។ ហើយថ្មីៗនេះ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីជាស្ថាពរជូនដល់ក្រុមហ៊ុន LASTINGWINNER GARMENT (CAMBODIA) CO., LTD ដើម្បីបង្កើតរោងចក្រកាត់ដេរសម្លៀកបំពាក់នៅកម្ពុជា។

យោងតាមក្រុមប្រឹក្សាអភិវឌ្ឍន៍កម្ពុជា(CDC)បានឱ្យដឹងថា តាមសំណើរវិនិយោគលើគម្រោងបង្កើតរោងចក្រ កាត់ដេរសម្លៀកបំពាក់របស់ក្រុមហ៊ុន LASTINGWINNER GARMENT (CAMBODIA) CO., LTD គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនខាងលើនេះ ដែលមានទីតាំងវិនិយោគ ស្ថិតនៅតាមបណ្តោយផ្លូវជាតិលេខ៣ នៅក្នុងភូមិល្វា ឃុំអង្គពពេល ស្រុកគងពិសី ខេត្តកំពង់ស្ពឺ ដែលមានទុនវិនិយោគប្រមាណជា ៤,២លានដុល្លារអាមេរិក និងអាចបង្កើតការងារជូនពលរដ្ឋធ្វើបានចំនួន ១.៣១៤កន្លែង។

វិស័យកាត់ដេរសម្លៀកបំពាក់ និងស្បែកជើងបានដើរតួនាទីយ៉ាងសំខាន់ក្នុងការអភិវឌ្ឍន៍សេដ្ឋកិច្ចកម្ពុជា។

បើយោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា កម្ពុជាបាននាំចេញផលិតផលសម្លៀកបំពាក់ ស្បែកជើង ផលិតផលធ្វើដំណើរ និងផលិតផលវាយនភណ្ឌផ្សេងទៀតក្នុងតម្លៃជាង៤,៧ពាន់លានដុល្លារ កាលពីឆមាសទី១ ឆ្នាំ ២០២១គឺមានការកើនឡើងតិចតួច បើធៀបនឹងរយៈពេលដូចគ្នាកាលឆ្នាំមុន៕

28/09/2021

ប្រធាន CVEAបង្ហើបពីហេតុផលមួយចំនួនគួរវិនិយោគដីនៅតំបន់ជាយក្រុង
ភ្នំពេញ: ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) លោក ច្រឹក សុខនីម បានលើកឡើងនូវហេតុផលមួយចំនួន ដល់អ្នកចង់រកស៊ីវិស័យដីធ្លីនៅក្នុងប្រទេសកម្ពុជាថា បើចង់ទិញដីធ្លីវិនិយោគបន្តគឺទិញនៅតាមជាយក្រុងភ្នំពេញ។

លោកបានមានប្រសាសន៍ឲ្យដឹងកាលពីពេលថ្មីៗនេះថា នៅតាមតំបន់ជាយរាជធានីភ្នំពេញទំាងមូល គ្រប់ទិសកំពុងតែមានការរីកចម្រើនខ្លាំង លើវិស័យអចលនទ្រព្យ ជាពិសេសដីធ្លីនៅតំបន់ភ្នំប្រសិទ្ឋ ផ្លូវជាតិលេខ៤១ ផ្លូវជាតិលេខ៥១ ផ្លូវជាតិលេខ៤៤ជាដើម។

លោកបន្តថា “ការរីកចម្រើននៃតំបន់ទាំងនោះ ព្រោះដោយសារតំបន់នោះមានហេដ្ឋារចនាសម្ព័ន្ធល្អ ស្ថិតក្នុងផែនការអភិវឌ្ឍន៍របស់រដ្ឋាភិបាល ហើយប្រជាពលរដ្ឋនៅទីនោះ កំពុងទទួលបាលផលចំណេញពីការលក់ដីធ្លី”។ លោកបន្តថា “តំបន់ជាយក្រុងនាពេលបច្ចុចប្បន្ននេះ កំពុងមានការអភិវឌ្ឍន៍ទាំងហេដ្ឋាចរនាសម្ព័ន្ធ និងអគារផ្សេងៗដោយគ្រាន់តែទុកពេលមួយរយៈពេលខ្លីប៉ុណ្ណោះ នឹងទទួលបានផលចំណេញ”។

លោកច្រឹក សុខនីមបានលើកជាឧទាហរណ៍ថា កន្លងមកដូចជា តំបន់ក្រាំងធ្នង់ សែនសុខ តំបន់អន្លង់ក្ងាន ដែលពីមុនមិនមានអ្នកចង់ទៅរស់នៅ តែបច្ចុប្បន្នបានក្លាយជា តំបន់រីកចម្រើនខ្លំាង ដូចតំបន់ភ្នំពេញថ្មីដូច្នេះដែរ ដែលកាលពីមុនតំបន់នេះគ្មានការរីកចម្រើន មានតែដីស្រែ តែនាពេលបច្ចុប្បន្នតំបន់នេះ មានការរីកចម្រើនខ្លាំងដែលមិននឹកស្មានដល់។

លោកបានព្យាករណ៍ថា តំបន់ទិសទាំង៤ នៃជាយក្រុងភ្នំពេញ ក្នុងរយៈពេល៥ទៅ ១០ខាងមុខទៀត នឹងមានការរីកចម្រើនខ្លាំង ហើយវាជាឪកាសសម្រាប់អ្នកចង់ទិញដីវិនិយោគ ដើម្បីទទួលបានផលចំណេញច្រើន ព្រោះការរីចម្រើនក្នុងវិស័យអចលនទ្រព្យនៅក្នុងប្រទេសកម្ពុជា គឺការរីកចម្រើនប្រកបដោយភាពជឿជាក់ និងប្រកបដោយចីរភាព៕

SC Real Estate

03/02/2022

01/11/2021

28/10/2021

27/10/2021

25/10/2021

21/10/2021

19/10/2021

18/10/2021

28/09/2021

Address

Telephone

Website

Alerts

Shortcuts

Share

Category

Listing takedown request