Golden Tower

30/07/2026

30/07/2026

ការរួមចំណែកបង្កើតបរិស្ថានសិក្សាដ៏ល្អសម្រាប់កុមារ និងសិស្សានុសិស្ស គឺជាការវិនិយោគលើអនាគតដ៏ពិតប្រាកដ។

រូបភាពខ្លះៗនៃសកម្មភាព ការបើកការដ្ឋានសាងសង់អគារសិក្សាសប្បុរសធម៌ទី ៧ ដែលបានចាប់ផ្តើមជាផ្លូវការកាលពីថ្ងៃទី២៤ ខែកក្កដា ឆ្នាំ២០២៦!

សកម្មភាពសាងសង់កំពុងតែដំណើរការយ៉ាងសកម្ម ប៉ុន្តែការរៃអង្គាសថវិការបស់យើងនៅតែបន្ត។ យើងនៅតែបន្តខិតខំប្រឹងប្រែងយ៉ាងពេញទំហឹង ដើម្បីឆ្ពោះទៅរកគោលដៅបញ្ចប់គម្រោងដ៏មានន័យមួយនេះ ឲ្យលេចរូបរាងឡើងជាស្ថាពរ។

💡 ស្នាមញញឹម និងអនាគតដ៏ភ្លឺស្វាងរបស់កុមារៗ គឺជាកម្លាំងចិត្តដ៏ធំធេងរបស់យើងទាំងអស់គ្នា!

#គម្រោងសាងសង់អគារសិក្សាសប្បុរសធម៌ទី៧ #សប្បុរសធម៌ #ដើម្បីអនាគតកុមារកម្ពុជា #រតនគិរី #អគារសិក្សា

08/07/2026

សូមក្រាបបង្គំទូលថ្វាយ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត🙏

នៅក្នុងឱកាសដ៏មហានក្ខត្តឫក្សនៃ ព្រះរាជពិធីបុណ្យចម្រើនព្រះជន្មវស្សា គម្រប់ ៩០ យាងចូល ៩១ ព្រះវស្សា របស់សម្ដេចព្រះមហាក្សត្រី ព្រះវររាជមាតាជាតិខ្មែរ❤

ទូលព្រះបង្គំយើងខ្ញុំទាំងអស់គ្នាជាថ្នាក់ដឹកនាំ និងសហការីនៃ អង្គការសប្បុរសធម៌ហ្គោលដិន (Golden Charity Organization) សូមព្រះបរមរាជានុញ្ញាតលំឱនកាយវាចាចិត្ត ក្រាបបង្គំទូលថ្វាយនូវព្រះសព្ទសាធុការពរជ័យ បវរសួស្តី និងមហាប្រសើរគ្រប់ប្រការ ថ្វាយចំពោះ សម្តេចព្រះវររាជមាតាជាតិខ្មែរ❤🙏។

សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាស្រមោលដ៏ត្រជាក់ត្រជុំ ដល់ប្រជារាស្ត្រជាកូនចៅទូទាំងព្រះរាជាណាចក្រកម្ពុជាជានិច្ចនិរន្តរ៍❤🙏។

អង្គការ សប្បុរសធម៌ ហ្គោលដិន🙏

08/07/2026

មូលនិធិសាងសង់អគារសិក្សាសប្បុរសធម៌ទី៧❤️

សូមគោរពជូនចំពោះ សប្បុរសជនគ្រប់មជ្ឈដ្ឋាន
អង្គការសប្បុរសធម៌ ហ្គោលដិន (GCO) និង សមាគមសភាពាណិជ្ជកម្មយុវជនកម្ពុជាចិន (ACCYC) បានសហការគ្នាដើម្បីសាងសង់អគារសិក្សាថ្មីមួយខ្នងជូនដល់កុមារៗនៅសាលាបឋមសិក្សាតាំងលោម ដែលមានទីតាំងស្ថិតនៅ ភូមិតាំងលោម ឃុំញ៉ាង ស្រុកអណ្តូងមាស ខេត្តរតនគិរី ដែលមានចំងាយ៦១៥គម ពីទីក្រុងភ្នំពេញ❤️🙏។

បច្ចុប្បន្ន សាលារៀននេះមានសិស្សានុសិស្សចំនួន ១៥៦ នាក់ កំពុងសិក្សាក្នុងអគារឈើចាស់ទ្រុឌទ្រោម ដែលមានត្រឹមតែ ៣ បន្ទប់រៀន ប៉ុន្តែត្រូវចែករំលែកការបង្រៀនរហូតដល់ ៦ កម្រិតថ្នាក់ (ថ្នាក់ទី១ ដល់ ទី៦) ធ្វើឱ្យមានភាពចង្អៀតណែន និងពិបាកក្នុងការសិក្សាយ៉ាងខ្លាំង។
ដើម្បីផ្តល់បរិស្ថានសិក្សាដែលមានសុវត្ថិភាព និងសមរម្យសម្រាប់អនាគតរបស់កុមារៗ យើងខ្ញុំសូមអំពាវនាវដល់សប្បុរសជនទាំងអស់ចូលរួមចំណែកក្នុងការសាងសងនូវអគារថ្មីមួយនេះ❤️🙏។

ចូលរួមបរិច្ចាគថវិកាតាមសទ្ធា៖
ព័ត៌មានបរិច្ចាគ / Donation Information:
• ABA Bank
• Account Number: 001 439 149
• Account Name: GOLDEN CHARITY ORGANIZATION
• Contact: 📞 015 731 666

ការចូលរួមរបស់លោកអ្នក ទោះតិចឬច្រើន គឺជាក្តីសង្ឃឹមដ៏ធំធេង និងជាការរួមចំណែកកសាងអនាគតសម្រាប់កុមារនៅតំបន់ដាច់ស្រយាល❤️។
សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់លោកអ្នក🙏!

ដោយក្តីគោរព🙏
អង្គការ សប្បុរសធម៌ ហ្គោលដិន❤️

#អគារសិក្សា #ការអប់រំ #សប្បុរសធម៌ #រតនគិរី

08/07/2026

«មិនមែនត្រឹមតែជាសាលារៀនមួយខ្នង តែជាជម្រកនៃក្តីស្រឡាញ់ និងក្តីស្រមៃ» របស់កុមារៗនៅតំបន់ដាច់ស្រយាល។
រាល់ការបរិច្ចាគរបស់លោកអ្នក គឺជានិមិត្តរូបនៃក្តីសង្ឃឹម និងការលើកកម្ពស់ការសិក្សារបស់កុមារកម្ពុជា។

#គម្រោងសាងសង់អគារសិក្សាសប្បុរសធម៌ទី៧ #ដើម្បីអនាគតកុមារកម្ពុជា #សប្បុរសធម៌

21/06/2026

លោកឳពុកគ្រប់រូប តែងតែផ្ដល់ភាពកក់ក្តៅ
និង សុវត្ថិភាពដល់កូនៗជានិច្ច❤️
Happy Father's Day❤️

18/06/2026

សូមក្រាបបង្គំទូលថ្វាយ🙏✨
សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។

នៅក្នុងឱកាសដ៏មហានក្ខត្តឫក្សឧត្តុង្គឧត្តម នៃព្រះរាជពិធីបុណ្យចម្រើនព្រះជន្ម​ គម្រប់៩០ ព្រះវស្សា របស់ សម្តេចព្រះមហាក្សត្រី ព្រះវររាជមាតាជាតិខ្មែរ ទូលព្រះបង្គំយើងខ្ញុំទាំងអស់គ្នា សូមព្រះបរមរាជានុញ្ញាតលំឱនកាយវាចាចិត្ត ក្រាបបង្គំទូលថ្វាយនូវព្រះសព្ទសាធុការពរជ័យ បវរសួស្តី ស្រីមង្គល វិបុលសុខ មហាប្រសើរគ្រប់ប្រការ ថ្វាយ សម្តេចម៉ែ ជាអម្ចាស់។

សូមព្រះរតនត្រ័យគុណបុណ្យបារមីវត្ថុស័ក្តិសិទ្ធិទាំងឡាយក្នុងលោក ទេវតាថែរក្សាព្រះមហាស្វេតច្ឆត្រ និងព្រះបារមីនៃព្រះមហាក្សត្រ-មហាក្សត្រិយានីខ្មែរគ្រប់ព្រះអង្គ សូមជួយបីបាច់ថែរក្សា ការពារ និងប្រោះព្រំសព្ទសាធុការពរជ័យថ្វាយ សម្តេចព្រះវររាជមាតាជាតិខ្មែរ សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាស្រមោលដ៏ត្រជាក់ត្រជុំ ដល់កូនចៅ ចៅទួត របស់ព្រះអង្គជានិច្ចនិរន្តរ៍តរៀងទៅ។

ក្រាបបង្គំទូលថ្វាយដោយសេចក្តីគោរពសក្ការៈដ៏ខ្ពង់ខ្ពស់បំផុត🙏🙏🙏

14/05/2026

[English Below]
ក្រុមហ៊ុន ហ្គោលដិនថាវវើរ សូមក្រាបបង្គំ និងថ្វាយព្រះពរ🙏🙏🙏
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងព្រះរាជពិធីបុណ្យចម្រើនព្រះជន្មគម្រប់ ៧៣ យាងចូល ៧៤ ព្រះវស្សា🎉✨។​
----x----
Golden Tower would like to humbly extend our best wishes to His Majesty, King NORODOM SIHAMONI on the occasion of his 73rd to 74th birthday.

​

09/05/2026

រីករាយទិវា​អ្នក​ម្តាយ (Mother's Day)🌷🌷🌷

05/05/2026

អបអរសាទរ ព្រះរាជពិធីច្រត់ព្រះនង្គ័ល​🎊🎉✨
សូមបួងសួងដល់ វត្ថុស័ក្តិសិទ្ធិជួយឱ្យអាកាសធាតុអំណោយផលបានល្អ ភោគផលកសិកម្មទទួលបានទិន្នផលខ្ពស់ និងសូមឱ្យបងប្អូនកសិករខ្មែរមានសេចក្តីសុខ សេចក្តីចម្រើនគ្រប់ៗគ្នា។

សូមឱ្យឆ្នាំនេះជា ឆ្នាំនៃភាពសម្បូរសប្បាយ ត្រជាក់ត្រជុំ និងរុងរឿងដល់វិស័យកសិកម្មនៃប្រទេសកម្ពុជាយើង។

Happy Royal Ploughing Ceremony 🎊🎉✨
Please pray to the gods for favorable weather, high agricultural yields, and happiness and prosperity for all Cambodian farmers.

May this year be a year of prosperity, coolness, and prosperity for the agricultural sector of Cambodia.

​​