BID Real Estate

01/12/2022

ជំរាបសួរអតិថិជនទាំអស់គ្នា🙏🏽ថ្ងៃនេះមានរូបភាពខ្លះៗUpdate ជូនអតិថិជនទាំងអស់គ្នា​។ 🥰🥰សម្រាប់អតិថិជនដែលទិញហើយខ្ញុំសង្ឃឹមថានឹងសប្បាយចិត្ត ហើយសម្រាប់អតិថិជនដែលមានចំណាប់អារម្មណ៍ចង់បាន អាចទាក់ទងមកខ្ញុំបាន

06/09/2021

Property Area is the best property and real estate hot news in Phnom Penh and Sihanoukville | Cambodia Real Estate

19/08/2021

27/04/2021

ក្បួនតំណមខ្មែរ ក្នុងការ រើស «ថ្ងៃ & ខែ» សម្រាប់រៀបចំពីធីសាងសង់ផ្ទះ ៖

ផ្ទះ/លំនៅឋាន គឺជាទីជម្រកស្នាក់នៅរបស់មនុស្ស ឬ សត្វ ។ សត្វតែងតែមាន ការជ្រើសរើសទីតាំងសម្រាប់សាងសង់លំនៅឋានទៅតាមសភាវគតិរបស់ពួកវា ឬ តាមទម្លាប់ តៗគ្នារៀងមក រីឯមនុស្សវិញ មានសម្បញ្ជនៈចេះគិតគូរពិចារណាទៅលើការជ្រើសរើសទីតាំងសម្រាប់សាងសង់លំនៅឋានរបស់ពួកគេ ដើម្បីធានាការរស់នៅទទួលបាននូវសេចក្ដីសុខសាន្ត និង មានវឌ្ឍនភាព។

ជនជាតិខ្មែរ បានយកជំនឿផ្សេងៗ មកកំណត់ក្នុងការសាងសង់លំនៅឋានរបស់ពួកគេ។ ហើយជំនឿទៅតាមក្បួនតំណមនោះមានសារៈសំខាន់ណាស់ សម្រាប់ការរស់នៅរបស់ពួកគេ ព្រោះថាការរស់នៅត្រូវតែប្រកប ដោយភាពសុខដមរម្យនា និង ភាពចម្រុងចម្រើនយូរអង្វែងតកូនតចៅ។

តាមការយកចិត្តទុកដាក់អង្កេតរបស់បុព្វបុរសតាំងពីបុរាណកាលមក ឃើញថា «ថ្ងៃ ខែ ឆ្នាំកំណើត» ជានិស្ស័យរបស់មនុស្សទាំងអស់ ដែលបាន ចាប់កំណើតនៅលើផែនដីយើងនេះ ហើយក៏ត្រូវបានធម្មជាតិ (អាទិទេព) ជាអ្នកកំណត់វាសនា អោយមានជីវិតរបស់មនុស្សម្នាក់ៗ ទៅតាមលេខថ្ងៃខែឆ្នាំកំណើតដែរ។ ម្លោះហើយទើបបុរាណាចារ្យបានចងក្រងនូវក្បួនខ្នាត សម្រាប់ទុកឱ្យកូនចៅជំនាន់ក្រោយប្រើប្រាស់ ដើម្បីផ្តល់សុភមង្គលរៀងៗខ្លួនតាមក្ដីប្រាថ្នាដោយប្រើប្រាស់ការគណនាតាម ថ្ងៃ ខែ ឆ្នាំកំណើតរបស់មនុស្សម្នាក់ៗ ។

ការជ្រើសរើស «ថ្ងៃ» សម្រាប់រៀបពិធីសង់ផ្ទះ ៖
១- សង់ផ្ទះក្នុងថ្ងៃអាទិត្យ៖ ទុកមេ្នញនៅក្នុងចិត្ដ ឧត្បាតចង្រៃកើតមានមិនសូវសុខឡើយ
២- សង់ផ្ទះក្នុងថ្ងៃច័ន្ទ ៖ មានលាភមានជ័យ ត្រជាក់ត្រជុំក្នុងគ្រួសារ (លាភហូរចូលបន្ទាប់ពីធ្វើពិធីបាន២ខែឡើងទៅ)
៣- សង់ក្នុងថ្ងៃអង្គារ ៖ មានជំងឺឈឺស្កាត់ រឺ ភ្លើងនឹងឆេះផ្ទះ
៤- សង់ផ្ទះក្នុងថ្ងៃពុធ ៖ មានលាភដ៏ជាទីគាប់ចិត្ដ និងមានអ្នកធំជួយជ្រោមជ្រែង អាណិតស្រលាញ់
៥- សង់ផ្ទះក្នុងថ្ងៃព្រហស្បត្ដិ៍ ៖ បានសេចក្ដីសុខចម្រើន នឹងមានលាភមាំមួន (ចាប់ពីបាន៥ខែឡើងទៅ)
៦- សង់ផ្ទះក្នុងថ្ងៃសុក្រ ៖ មានសុខនិងទុក្ខមានស្មើរគ្នា រៀបពីធីបានពីរខែនឹងបានលាភចូលបន្ដិចបន្ដួច
៧- សង់ផ្ទះក្នុងថ្ងៃសៅរ៍ ៖ នឹងកើតរោគបណ្ដាលឱ្យឈាមហូរចេញពីខ្លួន ធ្វើហើយបាន៤ខែនឹងកើតទុក្ខលំបាក (កុំយកថ្ងៃសៅធ្វើពិធីសង់ផ្ទះមិនល្អឡើយ)

តាមតំណមសម្រាប់រៀបចំពីធីឡើងផ្ទះ មានតែថ្ងៃ «ចន្ទ័ ពុធ និងព្រហស្បត្តិ» ទេដែលល្អជាងគេ ។

ការជ្រើសរើស«ខែ» សម្រាប់រៀបពិធីសង់ផ្ទះ ៖
១/.សង់ផ្ទះក្នុងខែ១ ៖ ទ្រព្យសេដ្ឋី សិរីភោគ គ្មានខ្វះខាតអ្វីឡើយ (ត្រូវរៀបព្រះគ្រូនៅក្នុងផ្ទះជាជំនួយ)
២/.សង់ផ្ទះក្នុងខែ២ ៖ បើខ្សត់ទ្រព្យនិងកើនផលល្អឡើងវិញ មានសត្រូវប៉ុនប៉ងយាយីតែក្លាយចិត្ដជាមេត្រីមិត្តភាពវិញ
៣/.សង់ផ្ទះក្នុងខែ ៣ ៖ នឹងមានភ័យតាមជាប់មិនដាច់ ការមិនល្មមនឹងកើតភ័យក៏គង់តែកើតបាន
៤/.សង់ផ្ទះក្នុងខែ៤ ៖ រមែងមានសេចក្ដីសុខរឿយៗ ភោគទ្រព្យរកបានទុកគង្សមិនអន្ដរាយដោយប្រការអ្វីមួយឡើយ។ (យើងយកមិកសិរ ជាខែទី១)
៥/.សង់ផ្ទះក្នុងខែ៥ ៖ ទុក្ខធំពីជើងមេឃរហូតធ្លាក់មកដល់ខ្លួន ខែ៥នេះមិនមានផលល្អឡើយ អន្ដរាយនឹងធ្លាក់ត្រូវខ្លួនឯង
៦/.សង់ផ្ទះក្នុងខែ៦ ៖ ឆ្អែតឆ្អន់ដោយភោគទ្រព្យ សម្បូរញាតិមិត្តរាប់អានពីទីជិត និងឆ្ងាយ
៧/.សង់ផ្ទះក្នុងខែ៧ ៖ ចម្រើនកើនទ្រព្យមធ្យម ប្រយ័ត្នទ្រព្យធនដែលរកបាន មានអ្នកឈ្នានីសប៉ុនប៉ងចង់បាន
៨/.សង់ផ្ទះក្នុងខែ ៨ ៖ បណ្ដាលឱ្យក្ដៅរោលរាលក្នុងចិត្ដ ទ្រព្យធនរបស់រកបានរក្សាទុកមិនគង់ឡើយ
៩/.សង់ផ្ទះក្នុងខែ ៩៖ បានឡើងបុណ្យស័ក្ដិដោយការអាណិតស្រលាញ់ពីចៅហ្វាយ និងមនុស្សនៅជុំវិញខ្លួន និងកើនទ្រព្យធនបរិបូណ៌
១០/.សង់ផ្ទះក្នុងខែ១០៖ នឹងអន្ដរាយសម្បត្ដិទ្រព្យដែលរកបានពីពេលមុន ទុករបស់របរមិនសូវគង់ ចំណាយច្រើនជាងចំណូល
១១.សង់ផ្ទះក្នុងខែ ១១៖ ពាក្យនិទ្ទានឹងធ្លាក់លើខ្លួន រៀបពិធីក្នុងខែនេះមិនបានផលល្អឡើយ នឹងកើតមានភ័យជានិច្ច
១២/.សង់ផ្ទះក្នុងខែ១២៖ កើតមាសប្រាក់មានសល់ហូហៀរពេញផ្ទះ សម្បត្តិទ្រព្យហូរចូលមិនខ្វះ អ្នកបំរើបាវព្រាវ ទាំងសេនា និងបុគ្គលឹកបំរើមានច្រើនអនេក (ចាត់ទុកជាខែមាសនៃខែទាំង១២)

ខ្មែរបុរាណបានប្រកាន់ភ្ជាប់នូវ ក្បូនច្បាប់តំណម តាមទំនៀមទំលាប់ពីដូនតាបានល្អណាស់ ដូចក្នុងបច្ចុប្បន្នភាពនេះ ដែលប្រជាជនខ្មែររបស់យើងបានប្រកាន់ភ្ជាប់នូវ ប្រពៃណីវប្បធម៌ដូច្នោះដែរ ដែលជាហេតុធ្វើអោយសង្គមជាតិរបស់យើង តែងតែទទួលបានការកោតសសើរមិនដាច់ពីមាត់ ចាត់ទុកថាជាជនជាតិរស់នៅថ្លៃថ្នូរ សុភាពរាបសា គ្មានល្បិចកល នៅក្នុងតំបន់អាស៊ីអាគ្នេហ៏។

ទូស សាភឿន