27/02/2018
#ជំនាញសំខាន់បំផុត៣ ដែលខ្វះមិនបានបើអ្នកចង់ពូកែលក់
គំនិតដែលល្បីបំផុតរបស់លោក Jack Ma គឺ លោកបានចាត់ទុក អតិថិជនទី១ បុគ្គលិកទី២ និង ម្ចាស់ភាគហ៊ុនទី៣។ លោកបានពន្យល់ថា ចង់លក់ដាច់ អ្នកមិនត្រូវលក់ដោយមើលតែលុយ របស់ភ្ញៀវមិនព្រមមើលបញ្ហាភ្ញៀវនោះទេ។ ហើយពេលអ្នកស្តាប់អ្នក ត្រូវចេះស្តាប់ដោយប្រើបេះដូង ទើបអ្នកអាចដោះបញ្ហាភ្ញៀវបាន។
គ្រប់ពេលដែលអ្នកដើរចូលផ្សារ អ្នកលក់ខ្លះតែងតែ សម្លឹងទៅភ្ញៀវ ខ្លះសួរថា ចង់ត្រូវការអី្វ? តែទោះមានការរាក់ទាក់យ៉ាងនេះក្តី ការលក់របស់ពួកគាត់ហាក់ដូចជាមិនសូវដំណើរការល្អទេ។ ដោយទ្បែក អ្នកលក់ ខ្លះទៀត គាត់បែរជាមានភ្ញៀវច្រើនជាងគេនៅក្នុងទីផ្សារតែមួយ។ គាត់លក់ដាច់ច្រើនជាងគេ ព្រោះអ្នកលក់នោះមានជំនាញសំខាន់៣ ដែលអ្នកឯទៀតមិនមាន។ តើ៣នោះជាអ្វីខ្លះ?
ជំនាញស្តាប់
ពិតណាស់ហើយ នរណាក៏ចេះស្តាប់ដែរ តែស្តាប់ហើយយល់ពីបញ្ហារបស់ភ្ញៀវ នោះពិតជាពិបាក។ ការលក់គឺជាការផ្គត់ផ្គង់នូវតម្រូវការពិតរបស់ភ្ញៀវ មិនមែន តម្រូវការ ដែលគិតខ្លួនឯងថា ភ្ញៀវគូួរត្រូវការនោះទេ។ ដូចនេះបើអ្នកមិនស្តាប់ភ្ញៀវដោយយកចិត្តទុកដាក់ទេ ចង់ឬមិនចង់ អ្នកមិនអាចដឹងពីបញ្ហារបស់ភ្ញៀវទ្បើយ។
ចង់ស្តាប់ពូកែ ត្រូវរៀនបើកចិត្តទទួលភ្ញៀវ មិនមែនបើកតែភ្នែក តែមិនចំណាយពេល ស្តាប់ភ្ញៀវខ្លះនោះទេ។
ជំនាញសួរ
ពាក្យមួយឃ្លាដែលយើងតែងតែលឺ ពេលដើរចូលផ្សារនៅភ្នំពេញគឺ បងតើទិញអីសិនទេ? ភាគច្រើនសួរតែសំនួរនេះ ពេលយើងចូលមើល គាត់តែងយករបស់មកបង្ហាញ ដោយមិនដឹងថា តើយើងជាមនុស្សបែបណាទេ។ ជាលទ្ធផល យើងជាអ្នកទិញ ត្រូវចំណាយពេល បដិសេដ នូវរបស់ជាច្រើនប្រភេទ ដែលយើងមិនត្រូវការសោះ។
សូមចំណាយពេលខ្លះ សួរភ្ញៀវពីបញ្ហាគាត់ ដោយយកចិត្តទុកដាក់បំផុត ប្រសិនបើអាច គឺឲ្យដូចគ្រូពេទ្យសួរអ្នកជំងឺដូច្នេះដែរ មិនមែនចេះតែសួរថា តើចង់វះកាត់បេះដូងទេ? ឬចង់ព្យាបាលច្រមុះទេ?។ ចង់បានចំលើយល្អពីភ្ញៀវ អ្នកត្រូវយកចិត្តទុកដាក់ លើភ្ញៀវឲ្យបានល្អសិន។ សួរសំនួរត្រូវ នឹងបញ្ហាភ្ញៀវ គឺប្រៀបដូចជាការជោគជ័យ ក្នុងការលក់ ៥០%ទៅហើយ ព្រោះភ្ញៀវនឹងពេញចិត្តឆ្លើយមកវិញនូវចម្លើយល្អៗ ដែលនឹងធ្វើឲ្យអ្នកលក់ដាច់។
ជំនាញដាក់ថ្នាំ ឬដោះបញ្ហាភ្ញៀវ
ក្រោយពីសួរ ដឹងបញ្ហារបស់ភ្ញៀវហើយ ជំហ៊ានបន្ទាប់គឺអ្នកត្រូវចេះដាក់ថ្នាំ ព្យាបាលជម្ងឺ របស់ភ្ញៀវដែលអ្នករកឃើញ។ បើអ្នករកឃើញបញ្ហាភ្ញៀវតែមិនចេះ ព្យាបាល នោះការលក់របស់លោកអ្នកក៏នឹងមានបញ្ហាដែរ។
ចង់ព្យាបាលឲ្យមានប្រសិទ្ធិភាព អ្នកគួរដឹងថាតើ ចំណុចពិសេសរបស់ផលិតផលអ្នកគឺជាអ្វី? តើអាចយកចំណុចពិសេសនោះទៅព្យាបាល អតិថិជនបានទេ?
ចង់ដឹងបន្ថែមនូវ តិចនិចជាច្រើនទៀត សូមចូលរៀនវគ្គខ្លី ក្លាយជាកំពូលអ្នកលក់ ដែលក្រុមហ៊ុនអ្នកអត់មិនបាន នៅភ្នំពេញថ្ងៃទី 03 មិនា ម៉ោង 9am-3pm 50$/នាក់ Call 092 575823/ 070 862452 អ្នកលក់ពូកែជាងគេក្នុងវគ្គនេះ នឹងរៀនវគ្គនេះដោយ ឥតគិតថ្លៃ៕
