La Maison Plaza ឡាម៉េហ្សុង ផ្លាហ្សា

ឡាម៉េហ្សុង ផ្លាហ្សា ជាគម្រោងអភិវឌ្ឍ ផ្ទះអាជីវកម្ម (ហ្សបហៅស៍) ដែលប្រមូលផ្តុំដោយហាងលក់ទំនិញ ហាងផ្តល់សេវាកម្ម ភោជនីយដ្ឋាន ហាងលក់ម្ហូបអាហារនិងភេសជ្ជៈរហ័សជាដើម ហើយត្រូវបានរៀបចំឱ្យដំណើរការពេញ24ម៉ោងនិងប្រាំពីរថ្ងៃក្នុងមួយសប្ដាហ៍ (24/7) ។

មានទីតាំងស្ថិតនៅជាប់រង្វង់មូលអប្សរា មហាវិថីឈ្នះឈ្នះ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ឡាម៉េហ្សុង ផ្លាហ្សាជាទីតាំងប្រសព្វនៃខណ្ឌទាំង4គឺខណ្ឌឫស្សីកែវ ខណ្ឌសែនសុខ ខណ្ឌព្រែកព្នៅ និង ខណ្ឌជ្រោយចង្វា ដែលអាចត្រូវបានចាត់ថ្នាក់ជាតំបន់ពាណិជ្ជកម្មកណ្តាល(CBD)ថ្មីនៃភាគខាងជើងរាជធានីភ្នំពេញ។

អ្វីដែលជាភាពល្អឯកនៃគម្រោងឡាម៉េហ្សុង ផ្លាហ្សា គឺ៖

✔️”ទីតាំងគម្រោង”ដ៏កម្រស្ថិតនៅតំបន់ពាណិជ្ជកម្មកណ្តាលនៃភាគខាងជើងរាជធានីភ្នំពេញ ដែលមានផ្លូវខ្វាត់ខ្វែងនិងចរាចរណ៍មមាញឹក បូករួមនឹងចំនួនប្រជាជនក្នុងតំបន់យ៉ាងច្រើនកុះករ។

✔️”មុខងារហ្សបហៅស៍” ផ្តល់ឱកាសឱ្យធុរជនអាចធ្វើធុរកិច្ច និងរស់នៅក្នុងគេហដ្ឋានរបស់ខ្លួនឯងផ្ទាល់ ដោយពុំចាំបាច់ចំណាយបន្ថែមលើការជួលទីកន្លែងផ្សេងពីគ្នា ឬឱ្យវិនិយោគិនអាចទទួលបានចំណូលពីការជួលផ្ទះ និងចំណេញមូលធនពីការឡើងថ្លៃផ្ទះ។

✔️”រចនាបទស្ថាបត្យកម្ម” ហ្សបហៅស៍ ដ៏វិសេសបែបប៉ារីសនៃប្រទេសបារាំង ស្អាតសមសួនឥតខ្ជោះ មានភាពបទបែនសម្រាប់ពហុមុខងារប្រើប្រាស់ បូករួមនឹងបទដ្ឋានគ្រប់គ្រងគម្រោងដ៏ល្អ ធានាបាននូវវឌ្ឍនភាព និងនិរន្តរភាពសម្រាប់គ្រប់ធុរកិច្ច។