29/10/2021
about active alcoholism in real life
#ទំលាប់ផឹកស្រាដោយហេតុផលថាការងារតម្រូវ
( រឿងរ៉ាវពិតក្នុងជីវិតរស់នៅប្រចាំថ្ងៃ )
បងប្រុសអាយុ៤០ឆ្នាំមកជួបខ្ញុំពីបញ្ហាមានសសៃឡើងប៉ោងលើពោះរបស់គាត់។
ខ្ញុំបានសួរពីប្រវត្តិជំងឺ ប្រវត្តិគ្រួសារ និង ប្រវត្តិក្នុងសង្គមរបស់គាត់ លំអិត បងប្រុស
បានប្រាប់ថា គាត់ធ្លាប់ជាបុគ្គលិកក្រុុមហ៊ុនផលិតស្រាប៊ៀ ហើយគាត់ពិសារស្រា
ខ្លាំងណាស់ដោយគ្មានលោះថ្ងៃ ពេលខ្លះផឹកមួយយប់ទល់ភ្លឺក៏មាន ពេលខ្លះមាន
ភ្ញៀវមកទស្សនៈកិច្ចក្រុមហ៊ុនត្រូវកំដរភ្ញៀវផឹកស្រា ញឹកញាប់ណាស់ ។ សកម្មភាព
បែបផឹកស្រាសកម្មនេះប្រហែល១ឆ្នាំ ស្រាប់តែប្លែកចេញមានសសៃរវៀមនៅលើ
ពោះ ប៉ុន្តែពុំមានការឈឺចាប់ ហើយក៏មិនចាប់អារម្មណ៍ក៏ចេះតែបន្តរផឹកស្រាជាហូរហែ
គ្រាន់តែមិនច្រើនដូច១ឆ្នាំដំបូង ដែលសកម្មខ្លាំង ( គាត់តែងតាំងខ្លួនឯងថាអ្នកផឹកខ្លាំង)
ស្រាប់តែមួយរយៈចុងក្រោយប្លែកសុខភាពកំលាំងស្រុតចុះខ្សោយជាងមុន ស្បែកប្រែ
ពណ៍ស្រអាប់ប្រផេះ ក៏សំរេចមកជួបខ្ញុំជាមួយឧត្តមភរិយាដែរបារម្មណ៍ពីសុខភាពប្តី។
ក្រោយពីពិនិត្យចប់សព្វគ្រប់ខ្ញុំរកឃើញថា ថ្លើមបងប្រុសមានសភាពក្រិន មុខងារថ្លើមខ្សោយ
ដែលពន្ទុរហ្វាយប្រូស្កែនឡើងរហូតដល់71KPa ជាពន្ទុរខ្ពស់ ដែលជាមូលហេតុនាំអោយ
ឈាមមិនអាចរត់កាត់ឆ្លងថ្លើមបានល្អ ។
នេះជាបទពិសោធន៍នៃការរស់នៅដែលទំលាប់ផឹកស្រាហួសប្រមាណនាំមានបញ្ហាដល់
សុខភាពជាពិសេសបង្ករអោយកើតជំងឺថ្លើមនេះឯង ៕
#ដោយវេជ្ជបណ្ឌិត ភៀវ សូរ៉ែន
ប្រភព: មន្ទីរសម្រាកព្យាបាលវឌ្ឍនះវិជ្ជា
