26/05/2025
ជោគជ័យ និងទទួលបានលទ្ធផលល្អ ទាំងអស់គ្នាក្មួយៗ
សូមអោយក្មួយៗ ប្រឡងបាក់ឌុប បានជោគជ័យ ហេីយបន្តក្តីស្រមៃរបស់ខ្លួននៅសាកលវិទ្យាល័យ ដោយយកចិត្តទុកដាក់ខ្លាំងបំផុត។ ចូរក្មួយៗបុកគ្រឹះអោយមាំបំផុតនៅថ្នាក់បរិញ្ញាបត្រ ដោយផ្តោតលេីកត្តា ៤:
១. ផ្តោតលេីការសិក្សាអោយខ្លាំងបំផុត ព្រោះវាជាមូលដ្ឋានសំរាប់ការងារក្មួយៗនៅថ្ងៃក្រោយ។
២. ផ្តោតលេីទំនាក់ទំនងមិត្តភ័ក្តល្អៗ នៅសាកលវិទ្យាល័យអោយខ្លាំង ព្រោះពួកគាត់នឹងក្លាយជាផ្នែកដ៏សំខានមួយនៃការរីកចំរេីនការងារក្មួយៗនៅពេល ៥ ទៅ ១០ ឆ្នាំក្រោយ។
៣. ផ្តោតលេីទំនាក់ទំនងល្អជាមួយគ្រូៗ នៅសាកលវិទ្យាល័យ ព្រោះពួកគាត់គឺជាអ្នកធាធា References ដំបូងនៅ លេី CV រកការងាររបស់ក្មួយៗ ហេីយពួកគាត់ក៏នឹងក្លាយជាដៃគូដ៏ល្អបំផុតរបស់ក្មួយៗនៅ ៥ ទៅ ១០ ឆ្នាំក្រោយ។
៤. ផ្តោតលេីការចូលរួមកិច្ចការសង្គម កិច្ចការស្ម័គ្រចិត្ត មនុស្សធម៌ផ្សេងៗអោយបានច្រេីន ព្រោះវាគឺជាផ្លូវដំបូង សម្រាប់ក្មួយបេីកទ្វារដេីរទៅរកការងារដ៏ល្អមួយ។ ចាំណា កម្ពុជាខ្វះមនុស្សឬយុវជនមានសមត្ថភាព និងអត្តចរឹតល្អៗ ធ្វេីការច្រេីនណាស់។ ម្ចាស់ក្រុមហ៊ុន ឬអ្នកមានជាច្រេីនជាគេតែងសំឡឹងរកមេីលក្មេងមានសមត្ថភាព និងអត្តរឹតល្អ មកធ្វេីការជាមួយគេ តែរកមិនសូវបាន។ ជឿពូណា ពូដេីរមុនក្មួយៗ ។
ចូរក្មួយៗ កុំដេីរតាម Trend social media ខ្លាំងពេក កុំលេងgame ច្រេីនពេក។ គ្មានក្រុមហ៊ុនណាចង់បានអ្នកលេង game មកធ្វេីការទេ ហេីយក៏គ្មាន CEO ធំៗណាកេីតចេញពីអ្នកលេង game នោះដែរ។ CEO ធំៗ និងមេដឹកនាំកំពូលៗ សុទ្ធតែកេីតចេញពីអ្នកអានសៀវភៅទាំងអស់។
សូមអរគុណ
រូបថតកាតឆ្នាំទី៤ នៃសាកលវិទ្យាល័យកម្ពុជា ។
