មជ្ឈមណ្ឌលឥស្លាមកម្ពុជា/Cambodian Islamic Center

02/10/2026

នារសៀលថ្ងៃទី ២ ខែ តុលា ឆ្នាំ២០២៦ លោក ហាហ្សាន់ នូរ៉នីអាកាស៊ី អគ្គលេខាធិការរង នៃសមាគមគ្រូបង្រៀនខ្មែរឥស្លាម និងក្រុមការងារ តំណាងដ៏ខ្ពង់ខ្ពស់ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមប្រឹក្សាភិបាលសមាគមគ្រូបង្រៀនខ្មែរឥស្លាម ព្រមទាំងឯកឧត្តម ណុះ ស្លេះ រដ្ឋលេខាធិការក្រសួងអប់រំ យុវជន និងកីឡា និងជាប្រធានសមាគមគ្រូបង្រៀនខ្មែរឥស្លាម បានចុះសួរសុខទុក្ខ និងពាំនាំកញ្ចប់ថវិកាចំនួន 500,000 រៀល (ហាសិបម៉ឺនរៀល) របស់សមាគមគ្រូបង្រៀនខ្មែរឥស្លាម ឧបត្ថម្ភដល់លោកគ្រូ ម៉ាត់ អាម៉ីន ជាសមាជិកសកម្មរបស់សមាគមគ្រូបង្រៀនខ្មែរឥស្លាម និងជាគ្រូបង្រៀនក្របខណ្ឌក្នុងខេត្តកណ្តាល ដែលកំពុងសម្រាកព្យាបាលជម្ងឺស្ទះសរសៃឈាមបេះដូង នៅមន្ទីរពេទ្យកាល់ម៉ែត្រ។

01/10/2026

#លទ្ធផលប្រឡងជ្រើសរើសសិស្សថ្មី ឆ្នាំសិក្សា ២០២៦–២០២៧
__________________________________________________
វិទ្យាល័យមជ្ឈមណ្ឌលឥស្លាមកម្ពុជា សូមប្រកាសជូនដំណឹងអំពី លទ្ធផលសិស្សថ្មីដែលបានប្រឡងជាប់ជាស្ថាពរ ដើម្បីចូលសិក្សានៅវិទ្យាល័យមជ្ឈមណ្ឌលឥស្លាមកម្ពុជា សម្រាប់ ឆ្នាំសិក្សា ២០២៦–២០២៧។
សិស្សដែលមានឈ្មោះក្នុងបញ្ជីខាងក្រោម ត្រូវបានទទួលស្គាល់ថា បានប្រឡងជាប់ជាស្ថាពរ និងមានសិទ្ធិចូលរៀននៅវិទ្យាល័យមជ្ឈមណ្ឌលឥស្លាមកម្ពុជា សម្រាប់ឆ្នាំសិក្សាថ្មី។
👏 សូមអបអរសាទរចំពោះសិស្សានុសិស្សទាំងអស់ដែលទទួលបានលទ្ធផលល្អ និងសូមជូនពរឱ្យការសិក្សានាពេលខាងមុខ ទទួលបានជោគជ័យ និងសមិទ្ធផលកាន់តែប្រសើរ។
#វិទ្យាល័យមជ្ឈមណ្ឌលឥស្លាមកម្ពុជា
#លទ្ធផលប្រឡងជ្រើសរើសសិស្សថ្មី
#ឆ្នាំសិក្សា២០២៦_២០២៧

29/09/2026

📚 #សកម្មភាពប្រឡងជ្រើសរើសសិស្សថ្មី ឆ្នាំសិក្សា ២០២៦–២០២៧
---------------------------------------------------------
វិទ្យាល័យមជ្ឈមណ្ឌលឥស្លាមកម្ពុជាបានរៀបចំការប្រឡងជ្រើសរើសសិស្សថ្មីសម្រាប់ត្រៀមចូលសិក្សានៅវិទ្យាល័យមជ្ឈមណ្ឌលឥស្លាមកម្ពុជា សម្រាប់ឆ្នាំសិក្សា ២០២៦–២០២៧។
មុនឈានដល់ការប្រឡង បេក្ខជនសិស្សានុសិស្សទាំងអស់បានចូលរួម សិក្សាវគ្គត្រៀមរយៈពេលមួយខែដើម្បីពង្រឹងចំណេះដឹង និងត្រៀមខ្លួនសម្រាប់ការប្រឡងជ្រើសរើសសិស្សថ្មី។

បន្ទាប់ពីបានសិក្សារយៈពេលមួយខែ ការប្រឡងជ្រើសរើសសិស្សថ្មីបានប្រព្រឹត្តទៅនៅថ្ងៃទី ២៨ - ២៩ ខែកញ្ញា ឆ្នាំ២០២៦ ដោយមានការចូលរួមពីបេក្ខជនដែលមានបំណងចូលសិក្សានៅវិទ្យាល័យមជ្ឈមណ្ឌលឥស្លាមកម្ពុជា។

ការប្រឡងនេះមានគោលបំណងវាស់ស្ទង់ចំណេះដឹង សមត្ថភាព និងជ្រើសរើសសិស្សដែលមានលក្ខណៈសមស្រប សម្រាប់ចូលរួមសិក្សាក្នុងឆ្នាំសិក្សាថ្មីខាងមុខ។

🤲 សូមជូនពរដល់បេក្ខជនទាំងអស់ ឱ្យទទួលបានលទ្ធផលល្អ និងសម្រេចបាននូវគោលដៅក្នុងការសិក្សារបស់ខ្លួន។

#វិទ្យាល័យមជ្ឈមណ្ឌលឥស្លាមកម្ពុជា
#ប្រឡងជ្រើសរើសសិស្សថ្មី
#ឆ្នាំសិក្សា២០២៦_២០២៧

21/09/2026

វិទ្យាល័យមជ្ឈមណ្ឌលឥស្លាមកម្ពុជា
---------------------------------------------
សូមទូអាបួងសួងទៅចំពោះអល់ឡោះជាម្ចាស់សូមទ្រង់មេត្តាប្រទានភាពងាយស្រួល និង ជាសះស្បើយជូនតួន ម៉ូហាំម៉ាត់ អាម៉ីន អះម៉ាត់
نسأل الله العظيم رب العرش العظيم أن يشفيه ويعافيه ويقومه بالسلامة يا رب العالمين 🤲🤲
គណៈគ្រប់គ្រង វិទ្យាល័យមជ្ឈមណ្ឌលឥស្លាមកម្ពុជា ព្រមទាំងតួនៗ លោកគ្រូ និងបុគ្គលិកសាលាទាំងអស់ សូមធ្វើការទូអាបួងសួងទៅចំពោះអល់ឡោះជាម្ចាស់ សូមទ្រង់មេត្តាប្រោសប្រទានសុខភាពល្អ និងសេចក្តីជាសះស្បើយជូន តួន ម៉ូហាំម៉ាត់ អាម៉ីន ជាតួនបង្រៀននៅវិទ្យាល័យមជ្ឈមណ្ឌលឥស្លាមកម្ពុជា ដែលកំពុងសម្រាកព្យាបាលក្នុងស្ថានភាពត្រូវការសង្គ្រោះបន្ទាន់ និង ត្រូវទទួលការវះកាត់។
សូមអល់ឡោះជាម្ចាស់ មេត្តាប្រោសប្រទាន ការជាសះស្បើយពេញលេញ បន្ធូររាល់ការឈឺចាប់ និងការលំបាក ព្រមទាំងធ្វើឱ្យការព្យាបាល និងការវះកាត់ប្រព្រឹត្តទៅដោយជោគជ័យ និង ទទួលបានលទ្ធផលល្អប្រសើរ។
សូមអល់ឡោះមេត្តាការពារ និងថែរក្សាតួន ម៉ូហាំម៉ាត់ អាម៉ីន ឱ្យមានសុវត្ថិភាព និងបានវិលត្រឡប់មកកាន់ក្រុមគ្រួសារ ព្រមទាំងមកបំពេញភារកិច្ចបង្រៀននៅសាលាវិញក្នុងពេលឆាប់ៗខាងមុខនេះដោយសុខភាពមាំមួន។ 🤲
اللهم رب الناس أذهب البأس، واشفِ أنت الشافي، لا شفاء إلا شفاؤك، شفاءً لا يغادر سقماً.
آمين يا رب العالمين 🤲🤲

14/09/2026

អបអរសាទរចំពោះសមិទ្ធផលដ៏គួរឱ្យមោទនភាពរបស់សិស្សវិទ្យាល័យមជ្ឈមណ្ឌលឥស្លាមកម្ពុជា
ថ្នាក់ដឹកនាំ វិទ្យាល័យមជ្ឈមណ្ឌលឥស្លាមកម្ពុជា បានចាត់តាំងបុគ្គលិកឱ្យចូលរួមទទួលស្វាគមន៍ និងអបអរសាទរ សិស្សឈ្មោះ ហ្វីន រ៉ូសានីន ថ្នាក់ទី១០ C ដែលបាននាំមកនូវកិត្តិយស និងមោទនភាពជូនដល់សាលា ដោយទទួលបាន មេដាយប្រាក់ 🥈 ក្នុងការប្រកួតនិយាយជាសាធារណៈជាភាសាអង់គ្លេស ក្រោមប្រធានបទ “Say No to Corruption”។
ការប្រកួតនេះស្ថិតក្នុងកម្មវិធី SOUTHEAST ASIA OLYMPIAD CHAMPIONSHIP 2026 ដែលជាការប្រកួតនិយាយជាសាធារណៈកម្រិតអន្តរជាតិ និងបានប្រព្រឹត្តទៅនៅ ប្រទេសម៉ាឡេស៊ី ចាប់ពីថ្ងៃទី ០៩ ដល់ថ្ងៃទី១០ ខែកញ្ញា ឆ្នាំ២០២៦។
សមិទ្ធផលដ៏ល្អប្រសើរនេះ គឺជាមោទនភាពមួយសម្រាប់ សិស្ស គ្រួសារ លោកគ្រូ និងវិទ្យាល័យមជ្ឈមណ្ឌលឥស្លាមកម្ពុជា ទាំងមូល ព្រមទាំងជាកម្លាំងចិត្តដ៏សំខាន់សម្រាប់សិស្សានុសិស្សក្រោយៗ ក្នុងការខិតខំប្រឹងប្រែងសិក្សា និងអភិវឌ្ឍសមត្ថភាពរបស់ខ្លួនឱ្យកាន់តែប្រសើរ។
👏 សូមចូលរួមអបអរសាទរ និងកោតសរសើរយ៉ាងស្មោះស្ម័គ្រចំពោះ សិស្ស ហ្វីន រ៉ូសានីន ចំពោះសមិទ្ធផលដ៏គួរឱ្យមោទនភាពនេះ។
សូមជូនពរ ហ្វីន រ៉ូសានីន បន្តទទួលបានជោគជ័យកាន់តែខ្ពស់ និងសម្រេចបានសមិទ្ធផលថ្មីៗជាបន្តបន្ទាប់ ក្នុងការសិក្សា និងការប្រកួតប្រជែងនានានាពេលអនាគត។ 🥈🏆🇰🇭
#វិទ្យាល័យមជ្ឈមណ្ឌលឥស្លាមកម្ពុជា
#ហ្វីនរ៉ូសានីន

11/09/2026

សូមចូលរួមអបអរសាទរ សិស្សឈ្មោះ ហ្វីន រ៉ូសានីន ថ្នាក់ 10 C មកពីវិទ្យាល័យមជ្ឈមណ្ឌលឥស្លាមកម្ពុដា ដែលទទួលបានមេដាយប្រាក់ ក្រោមប្រធានបទ៖ "Say No to Corruption " ក្នុងការប្រឡងនិយាយជាសាធារណៈ ផ្នែកភាសាអង់គ្លេស ក្នុងកម្មវិធីប្រឡងនិយាយជាសាធារណៈ ថ្នាក់អន្តរជាតិ SOUTHEAST ASIA OLYMPIAD CHAMPIONSHIP 2026 ដែលធ្វើឡើងនៅប្រទេស ម៉ាឡេស៊ី ចាប់ពីថ្ងៃទី៩ រហូតដល់ទី១០ ខែកញ្ញា ឆ្នាំ២០២៦។

11/09/2026

11/09/2026

សូមចូលរួមអបអរសាទរ សិស្ឈឈ្មោះ ហ្វីន រ៉ូសានីន ថ្នាក់ 10 C មកពីវិទ្យាល័យមជ្ឈមណ្ឌលឥស្លាមកម្ពុដា ដែលទទួលបានមេដាយប្រាក់ ក្រោមប្រធានបទ៖ "Say No to Corruption " ក្នុងការប្រឡងនិយាយជាសាធារណៈ ផ្នែកភាសាអង់គ្លេស ក្នុងកម្មវិធីប្រឡងនិយាយជាសាធារណៈ ថ្នាក់អន្តរជាតិ SOUTHEAST ASIA OLYMPIAD CHAMPIONSHIP 2026 ដែលធ្វើឡើងនៅប្រទេស ម៉ាឡេស៊ី ចាប់ពីថ្ងៃទី៩ រហូតដល់ទី១០ ខែកញ្ញា ឆ្នាំ២០២៦។

07/09/2026

នៅ​ព្រឹក​ថ្ងៃ​ទី​ ៧​ ខែសីហា​ ឆ្នាំ​ ២០២៦​ វិទ្យាល័យ​មជ្ឈមណ្ឌលឥស្លាមកម្ពុជា បាន​បញ្ជូន​សិស្ស​ចំនួន​ 01នាក់​ ទៅ​ចូលរួមក្នុង​ព្រឹត្តិការ​ Asian Pacific Olympiad Championship And Sustainable Tourism Workshop 2026 នៅ​ប្រទេស​ ម៉ាឡេស៊ី​។ សូមជូនពរអោយប្អូនទទួលបានជោគជ័យក្នុងការប្រឡង។