Dream Land

03/01/2026

13/12/2025

យោធាថៃ​ប្រេីF16 ទម្លាក់គ្រាប់បែកផ្តាច់ស្ពាន​ មេទឹក​ ក្នុងភូមិសាស្ត្រថ្មដារ

នៅព្រឹកថ្ងៃទី១៣ ធ្នូនេះយោធាថៃ កំពុងប្រើប្រាស់យន្តចម្បាំងហោះF-16 ចំនួន ២គ្រឿង ទម្លាក់គ្រាប់បែកគោលដៅស្ពានជ័យជំនះហៅមេទឹក​ ក្នុងភូមិសាស្ត្រថ្មដា​ ស្រុកវាលវែង។

បេីតាមអ្នកនាំពាក្យក្រសួងសាធារណការ​ នៅម៉ោង៦:០២នាទី យោធាថៃបាញ់កម្ទេចគោលដៅស្ពានជ័យជំនះ ចំនួន ១គ្រាប់។

នៅម៉ោង៦:០៧នាទី យោធាថៃបាញ់កម្ទេចគោលដៅស្ពានជ័យជំនះចំនួន ១គ្រាប់ទៀត។

ម៉ោង០៦:១២នាទី យោធាថៃបាញ់កម្ទេចគោលដៅស្ពានជ័យជំនះ(ស្ពានចាស់) ចំនួន ១គ្រាប់។

យន្តហោះយោធាថៃ​នៅបន្តមិនទាន់បញ្ឈប់សកម្មភាពទម្លាក់គ្រាប់បែកនៅឡើយទេ។

ស្ពានមេទឹកនេះ​ ត្រូវបានស្ថាបនាជាស្ពានបេតុង (ប្រេកុងត្រាំង) ដែលតភ្ជាប់ពីពីត្រើយម្ខាងទៅម្ខាងទៀតនៃស្ទឹងមេទឺក ស្ថិតលើផ្លូវជាតិលេខ៥៥ ត្រង់គីឡូម៉ែត្រលេខ ១៦៩+៤០០ មានប្រវែង ១៨០ម៉ែត្រ ទទឹង ១០ម៉ែត្រ ។

ស្ពាននេះ ចែកចេញជា៨ប្រឡោះ ដែលប្រឡោះនីមួយៗមានប្រវែង២០ម៉ែត្រ ស្ថាបនារួចក្នុងឆ្នាំ២០១៨ ដោយក្រុមហុនចិន CRBC។

ស្ពាននេះ មានចម្ងាយពីព្រំដែនប្រហែល ៨,៥គីឡូម៉ែត្រគិតតាមចំងាយផ្លួវបត់បែន និងប្រហែល៥គីឡូម៉ែត្រជាចម្ងាយត្រង់ពីព្រំដែន ដែលជាច្រកងាយស្រួលតែមួយគត់ ភ្ជាប់ទៅប្រជុំជនថ្មដា ស្រុកវាលវែង។​

នៅចំពោះស្ថានភាពបែបនេះ​អាជ្ញាធរ​ រង់ចាំការអនុញ្ញតិពីសមរភូមិមុខ ដើម្បីចូលជួសជុល ធ្វើផ្លូវវៀង ធានាការតភ្ជាប់ សម្រួលដល់ការចរាចរណ៍ឡើងវិញ។

11/12/2025

លោក អនុទីន ប្រកាស «ប្រគល់អំណាចជូនប្រជាជនវិញ» ក្រោយដាក់ញត្តិរំលាយសភា

(បាងកក)៖ នៅវេលាម៉ោង ១០:០៥នាទីយប់ ថ្ងៃទី១១ ខែធ្នូ នាយករដ្ឋមន្ត្រីថៃ លោក អនុទីន ឆានវីរ៉ាគុល បានបង្ហោះសារនៅលើគណនីហ្វេសប៊ុកផ្ទាល់ខ្លួនថា «ខ្ញុំនឹងប្រគល់អំណាចត្រឡប់ទៅជូនប្រជាជនវិញ»។

ការប្រកាសនេះធ្វើឡើងភ្លាមៗ បន្ទាប់ពីលោកបានដាក់ញត្តិក្រាបបង្គំទូលថ្វាយព្រះមហាក្សត្រដើម្បីសុំព្រះរាជទានការអនុម័ត លើព្រះរាជក្រឹត្យរំលាយសភាតំណាងរាស្ត្រជាផ្លូវការ៕

10/12/2025