08/08/2020
ពេជ្រមិនទាន់ច្នៃ ដែកមិនទាន់ច្នៃ មនុស្សមិនទាន់ច្នៃ!
1. ពេជ្រមិនទាន់ច្នៃ វាហាក់បីដូចជាថ្មមួយដុំ ដែលមានពណ៍ស្រអាប់ និងសាមញ្ញបំផុតស្រដៀងនិងរ៉ែដ៏ទៃទៀតដែរ។ ប៉ុន្តែក្រោយពេលជាងទង មើធ្លុះពីគុណតម្លៃរបស់វា។ តែមុននឹងច្នៃវាបាន ត្រូវចិត ខាត់ ប្រើឧបករណ៍ជំនួយដោយផ្សេងទៀត និងរយ:ពេលយូរគួរសម ទើបគេច្នៃអោយចេញជារូបរាងថ្មីមួយទៀត ដែលអាចអោយវាកើនតម្លៃមហាសាល ស្ទើតែស្មានមិនដល់។
2. ដែកមិនទាន់ច្នៃ តំបូងវានៅលាឡំជាមួយដី និងរ៉ែផ្សេងៗដែរ ហើយដែកនោះទៀតសោត បើគ្រាន់តែជាដែកមូលមួយដុំក៏វាគ្មានប្រយោជន៍អ្វីដែរ។ ដើម្បីធ្វើវាអោយទៅជាប្រយោជន៍ប្រើការបាន (កាំបិត ពូថៅ.. ។ល។) ត្រូវយកលុតនឹងភ្លើងដ៏ក្ដៅ ហើយដុំយ៉ាងធ្ងន់ ទើបអាចប្រើការបាន។
3. មនុស្សមិនទាន់ច្នៃ បើនិយាយដល់ការច្នៃមនុស្ស គឺច្នៃជាពីរប្រភេទ 1. ច្នៃលើរូបរាង្គខាងក្រៅ( រាង្គកាយម៉ាំមួន កាតសក់ កោរពុកមាត់ ផាតការ៉េម ថែមម្សៅ..។ល។) ជារឿងសំខាន់មួយហើយ តែរឿងសំខាន់ទី2. គឺផ្នែកខាងក្នុង គឺច្នៃប្រឌិតលើ ចិត្ត គំនិត អារម្មណ៍ ស្មារតី អាកប្បកិរិយា និងរូបរាង្គកាយ ។ មនុស្សមានអាវ:យុវ:ដូចគ្នា តែមានវាសនាខុសគ្នា គឺអាស្រ័យលើ ចិត្ត គំនិត ស្មារតី អារម្មណ៍ បូកជាមួយរូបរាង្គកាយ និងអាកប្បកិរិយា ហ្នឹងឯង។ ពេជ្រ ដែក គឺត្រូវបានគេយកទៅច្នៃ តែគឺជាអ្នកដែលត្រូវច្នៃដោយខ្លួនឯង តែវាក៏បានបង្កប់នៅការឈឺចាប់យ៉ាងខ្លាំងនៅក្នុងនោះដែរ។ វាហាក់បីដូចជា ការឡើងកំពូលភ្នំដ៏ខ្ពស់មួយ កាន់តែខ្ពស់កាន់តែនឿយហត់ ខ្យល់បក់ប៉ះកាន់តែខ្លាំង មើលឃើញកាន់តែឆ្ងាយ កាន់តែស្រស់ស្អាត កាន់តែអស្ចារ្យណាស់ ។
