25/05/2026
អតីតចោរម្នាក់ចែករំលែកគន្លឹះ ៩យ៉ាងការពាររថយន្តពីការលួច!
==============
យោងតាមការចុះផ្សាយរបស់ Brightside បានបញ្ជាក់ពីគន្លឹះ៩យ៉ាងដើម្បីការពាររថយន្តរបស់អ្នកពីការលួចដូចខាងក្រោមនេះ៖
១. ដាក់របស់មានតម្លៃរបស់អ្នកនៅកន្លែងដាក់អីវ៉ាន់៖ ចោរមានពេលវេលាតិចតួចណាស់ក្នុងការធ្វើសកម្មភាពលួចរបស់ក្នុងឡាន ហើយពួកគេស្ទើរតែមិនមានពេលបើកកន្លែងដាក់អីវ៉ាន់ ព្រោះពួកគេផ្តោតទៅប្រមូលរបស់ក្នុងឡានច្រើនជាង។
២. ចតរថយន្ដនៅកន្លែងភ្លឺ៖ អតីតចោរបានប្រាប់ Brightside ថាលោកនិងបក្ខពួកមិនដែលធ្វើសកម្មភាពលួចទៅលើឡានណាដែលចតនៅកន្លែងភ្លឺទេព្រោះអាចនឹងងាយគេមើលឃើញ។
៣. លាក់របស់មានតម្លៃក្រោមកៅអីរថយន្ដ៖ ចោរជាច្រើននឹងមើលក្នុងឡានសិនថាតើមានរបស់មានតម្លៃក្នុងឡាន។
៤. បិតស្កុត ៖កញ្ចក់ខ្មៅក៏អាចការពារឡានរបស់អ្នកពីការលួច ព្រោះចោរមើលមិនឃើញផ្នែកខាងក្នុងនៃរថយន្តឡើយ។
៥. ដំឡើង GPS លើរថយន្ដរបស់អ្នក៖សម្រាប់ចោរជំនាញ ពួកគេនឹងតាមដានថាតើមានប្រព័ន្ធ GPS បំពាក់លើរថយន្តរបស់អ្នកឬអត់។ ត្រូវចាំថា GPS គួរតែបំពាក់ក្រោមរថយន្តរបស់អ្នក។
៦. បង្ហាញថារថយន្ដរបស់អ្នកការពារដោយប្រព័ន្ធសុវត្ថិភាព៖ ចោរភាគច្រើនអាចនឹងដើរចេញពីឡានរបស់អ្នកពេលឃើញ
៧. ម៉ាកមួយចំនួនគេពេញនិយមលួចជាងម៉ាកដទៃ ៖ឧទាហរណ៍នៅឆ្នាំ ២០១៦ រថយន្ដ Toyota Camry ចំនួន ១៦ ៧៣២ គ្រឿងត្រូវបានចោរលួចនៅ USA ។
៨ កុំទុកសោចម្លងនៅក្នុងរថយន្ដ ឬក្នុងផ្ទះ៖ទុកសោរនៅក្នុងឡាន ឬក្នុងផ្ទះដែលគ្មានសុវត្ថិភាពប្រៀបបាននឹងទុកសោឱ្យចោរជិះឡានអ្នកទៅយ៉ាងសង្ហារដូចខ្លួនគេជាម្ចាស់ឡានអ៊ីចឹងដែរ។
៩ កុំទុកលុយក្នុងរថយន្ដ៖ ទុកលុយក្នុងឡាន ដោយអ្នកគិតថាងាយនឹងយកវាមកប្រើប្រាស់ ប្រៀបបាននឹងអ្នកអញ្ជើញចោរឱ្យមកគាស់ឡានរបស់អ្នកអ៊ីចឹងផងដែរ៕
