09/03/2022
💁 តើអ្វីទៅជាប្លង់រឹង?
ប្លង់រឹង គឺជាប្រភេទប័ណ្ណកម្មសិទ្ធិដែលរឹងទាំងក្រដាសនិងមានភាពរឹងមាំទាំងប្រសិទ្ធភាពផ្លូវច្បាប់។ ប្លង់រឹងជាឯកសារដែលបញ្ជាក់អំពីការចុះបញ្ជីអចលនវត្ថុត្រឹមត្រូវនៅរដ្ឋបាលសុរិយោដី។
ការចុះបញ្ជីប្លង់រឹងអាចធ្វើទៅបានតាមដំណើរការពីរផ្សេងគ្នាគឺការចុះបញ្ជីដាច់ដោយដុំ និងការចុះបញ្ជីជាប្រព័ន្ធ
1. ប្លង់រឹងដែលបានពីការចុះបញ្ជីដាច់ដោយដុំ ជាប័ណ្ណកម្មសិទ្ធដែលសម្គាល់អោយសិទ្ធភោគៈឬសិទ្ធជាម្ចាស់ទ្រព្យដែលជាទូទៅត្រូវបានចេញដោយអាជ្ញាធរភូមិបាលស្របតាមនិតិវិធីនៃការចុះបញ្ជីដាច់ដោយដុំដែលធ្វើឡើងយោងតាមការស្នើរសុំរបស់សាមីខ្លួនដែលជាម្ចាស់ទ្រព្យ។
2. ប្លង់រឹងដែលបានពីការចុះបញ្ជីជាប្រព័ន្ធ ជាប័ណ្ណកម្មសិទ្ធដែលចេញជូនបន្ទាប់ពីបញ្ចប់ដំណើរការចុះជាប្រព័ន្ធដែលផ្តួចផ្តើមឡើងដោយក្រសួងរៀបចំដែនដីនគររូបនីយកម្មនិងសំណង់នៅតាមតំបន់វិនិច្ឆ័យនានាជាកំណត់។ ប័ណ្ណនេះមិនមានការជំទាស់ពីភាគីណាមួយទាក់ទងនិងសិទ្ធ ទំហំឬព្រំប្រទល់អ្វីទៀតឡើយ ព្រោះវាត្រូវបានជូនដំណឹងជាសាធារណៈពីការចុះវាស់វែងព្រមជាមួយនឹងការកំណត់ទីតាំងតាមយាមការច្បាស់លាស់ដោយប្រព័ន្ធGPSមុនពេលដែលប្លង់ចេញជាស្ថាពរជូនដល់ម្ចាស់កម្មសិទ្ធនីមួយៗ។
#និយមន័យ ភោគ:គឺជាសិទ្ធិដែលជនម្នាក់ៗមានលើទ្រព្យណាមួយជាបណ្តោះអាសន្ន។
