06/01/2026
ផ្ទុះគ្រាប់ចេញពីគំនរសំរាមនៅមុំបី របួសកងកម្លាំងកម្ពុជា២នាក់
ក្រសួងការពារជាតិកម្ពុជាឱ្យដឹងថា នៅម៉ោង ៧:២៧នាទីព្រឹក ថ្ងៃទី៦ ខែមករា ឆ្នាំ២០២៦ មានករណីផ្ទុះគ្រាប់ចេញពីគំនរសំរាមក្នុងភូមិសាស្ត្រមុំបី ខេត្តព្រះវិហារ ខណៈដែលកងកម្លាំងកម្ពុជាបានរៀបចំសណ្តាប់ធ្នាប់ និងរបៀបរៀបរយនៅមូលដ្ឋានឈរជើងរបស់ខ្លួនក្នុងដែនអធិបតេយ្យរបស់កម្ពុជា ។
ហេតុការណ៍នេះ បានបណ្តាលឱ្យកងកម្លាំងកម្ពុជាដែលកំពុងបំពេញការងារនៅទីនោះរងរបួសធ្ងន់និងស្រាលចំនួន ២នាក់ និងត្រូវបានបញ្ជូនទៅព្យាបាលនៅមន្ទីរពេទ្យរួចរាល់ ។
ក្រសួងបានឱ្យដឹងបន្ថែមថា ក្នុងករណីខាងលើនេះ ក្រុមការងារសម្របសម្រួលរវាងភាគីកម្ពុជា-ថៃបានធ្វើការរួមគ្នាដើម្បីដោះស្រាយបញ្ចប់បញ្ហា ។
