Von Chantrea

17/01/2026

20/12/2022

កំណាព្យកាព្យឃ្លោងវគ្គ១
១. កំណត់ត្រាស្នេហ៍ គ្រាដែលសាងស្នេហ៍ទៅកន្លងមក ប្រែជាឥតន័យ មិនដុះពន្លក ខ្ចិចខ្ទាំសាយសោកត្រឹមថ្នាក់បរិញ្ញា។
២. វេលាកន្លង អូនឃើញនួនល្អង បងបានរៀបការនិងគូស្នេហ៍ថ្មី សមគ្នាអស្ចារ្យ បំភ្លេចសង្សាកាលដែលនៅរៀន។
៣. នេះហើយអំណាច លុយគួរឱ្យខ្លាច រអាវក្នុងចិត្តកេរ្តិ៍ឈ្មោះយសសិក្ត គេធ្វើមិនគិត ធ្វើឱ្យជីវិតស្រីម្នាក់ធ្លាក់ចុះ។
៤. ទើបតែពេលនេះ ខ្ញុំអង្គុយរិះ គិតតែម្នាក់ឯង ថាបើខ្ញុំឈឺខ្លោចផ្សារចំបែង ហេតុអ្វីក៏ឯងមិនបំភ្លេចគេ។
៥. ខ្ញុំគិតរួចហើយ ក៏មិនកន្តើយ ខិតខំរិះរេ សិក្សារៀនសូត្រធ្វើការឥតល្ហែ រហូតទាល់តែជួបស្នេហ៍ជាថ្មី។
៦. ក្រោយពេលមេឃភ្លៀង មេឃមិនលំអៀង បើកថ្ងៃជាថ្មីធ្វើឱ្យរូបខ្ញុំបានស្គាល់រស្មី ស្នេហាប្រពៃ ក្រោយមេឃស្រអាប់។
៧. នេះហើយជីវិត ក្មេងមិនដែលគិតនិងយល់ខុសត្រូវ ធ្វើឲ្យក្តីទុក្ខ ខ្លួននាំអាស្រូវ ជីវិតបង់នៅសល់តែរូបកាយ។

និពន្ធដោយ សិស្ស : វ៉ុន ចន្រ្ទី
រៀបរៀងដោយ និស្សិត : វ៉ុន ចន្រ្ទា
សម្របសម្រួលដោយ : វ៉ុន ចន្រ្តា
បើមានកន្លែងណាខុសឆ្គងសូមខណ្ឌតីអភ័យទោសផង🙏💗