15/07/2023
គោលនយោបាយទាំង18បក្សស្មូម៖
ទី1 ទឹកដីភ្លើងខ្យល់៖ សេវ៉ាទឹកភ្លើងថោកគុណភាពល្អសម្រួលដល់ប្រជាជន និងសហគ្រិណ! ប្រជាជនខ្មែរត្រូវតែមានកម្មសិទ្ធដីស្របច្បាប់មួយយ៉ាងច្បាស់លាស់រហូតស្លាប់! សុខាភិបាលជាខ្យល់ដង្ហើមជីវិតរបស់រាស្ត្រមិនប្រកាន់ឋានៈ តួនាទី។ រក្សាដែនដី ដែនទឹកគ្រប់មធ្យោបាយរហូតដល់ខ្យល់ដង្ហើមចុងក្រោយ កាយបូរជាភ្លើង។
ទី2 ធនធានមនុស្សដែលជំនាញ៖ សិស្សានុសិស្ស និស្សិត បញ្ញវ័ន្តត្រូវមានសមត្ថភាព ជំនាញតាមក្រិតនៃប្រព័ន្ធអប់រំពិតប្រាកដ។
ទី3 សហគ្រាសរបស់រដ្ឋ៖ វិស័យឯកជនត្រូវមានភាគហ៊ុនជាមួយរដ្ឋយ៉ាងតិច30%ដោយសាវនកម្មលើគុណភាពក្រុមហ៊ុន សហគ្រាស ធនធានមនុស្ស និងចក្ខុវិស័យ។
ទី4 តម្លាភាព និងយុត្តិធម៌៖ ក្រសួងយុត្តិធម៌ និងតុលាការគឺអនុវត្តន៍ដោយផ្អែកលើច្បាប់50% គុណធម៌25% និងសមធម៌25%។
ទី5 គ្រួសារមួយជាផលិតកផង អ្នកធ្វើការផង៖ ក្នុងគ្រួសារនិមួយៗត្រូវជ្រើសរើសផលិតកម្មមួយដែលអាចទំនុកបម្រុងក្នុងជីវភាពងាយៗ ហើយសល់អាចលក់ជូនរដ្ឋបាន (កសិកម្ម សិប្បកម្ម App ឬSoftware)។
ទី6 ជាឃ្លាំងបញ្ចេញទំនិញរបស់ពិភពលោក៖ បន្ថែមផែរ ឃ្លាំង មជ្ឈមណ្ឌលសហប្រតិបត្តិការពានិជ្ជកម្ម សម្រាប់តភ្ជាប់ទៅប្រទេសនានា។
ទី7 គោលនយោបាយពន្ធ៖ សម្រាប់កសិកម្មគ្រប់ប្រភេទដែលអាជីវករជួញដូរលើកសិផល ផលិតផលសាច់ត្រី 100%ដែលមានទំហំទាបជាង5លានរៀលក្នុងមួយថ្ងៃត្រូវលើលែងពន្ធសម្រាប់កសិកម្មក្នុងស្រុក។ ប្រាក់ចំណូលលើប្រជាជនត្រូវលើកលែងពន្ធចំពោះការលក់បន្តផលិតផលក្នុងស្រុកដែលមានប្រភេពដើមចេញពីការផលិតដោយវត្ថុធាតុដើមក្នុងស្រុក។ ពន្ធលើប្រាក់ចំណាយឯកជន និងទេសចរណ៍ទៅក្រៅស្រុក ការចាយវាយសម្រាប់ទេសចរណ៍ទៅក្រៅប្រទេស និងត្រូវបន្ថែមពន្ធចូលរដ្ឋចំនួន1000% ក្នុងករណីការចាយលើពី100លានរៀល ការកុម្មង់ទិញរបស់ចូលស្រុកលើរថយន្ត គ្រឿងតុបតែង ដែលមិនបម្រើដល់ផលប្រយោជន៍រួម ឬជាតិត្រូវបង់10000%លើថ្លៃដើម ចាប់ពី100លានរៀលឡើង។
ទី8 នាយកដ្ឋានសាវនកម្មពិសេស និងអង្គភាពកសាងជាតិ៖ នាយកដ្ឋានសាវនកម្ម និងស្រាវជ្រាវពិសេសនឹងត្រូវបង្កើតឡើង! គ្មានអំពើពុករលួយបន្ត គ្រប់ប្រជាជននៅក្នុងប្រទេសកម្ពុជានឹងមានការឃ្លាំមើលជាមួយស្ថាប័នពិសេសមួយនេះ លើគ្រប់កិច្ចការដែលពាក់ព័ន្ធអនាគតប្រទេសទាំងមូល គ្មានមុខងារដែលអសមត្ថភាពជនកំពុងបម្រើការ គ្មានគ្រូដែលមិនបំពេញកាត្តព្វកិច្ច គ្មានខ្សែរ គ្មានខ្នង គ្មានសិស្សដែលឡើងដោយអសមត្ថភាព គ្មានអាជីវកម្មខ្យល់ គ្មានការបោកបន្តបានឡើយ ហើយត្រូវផ្ដន់ទាទោសកម្រិតអតិបរមា។ ជនទាំងឡាយដែលប្រព្រឹត្តិដដែលៗ គ្មានភាពស្មោះត្រង់ជាមួយជាតិមាតុភូមិ ត្រូវបញ្ជូនទៅមណ្ឌលកសាងជាតិជាអ្នកចាត់ចែង។
ទី9 គោលនយោបាយជីវភាព និងចរិតសង្គម៖ គ្មានមនុស្សរើសមុខរបរ និងកាងារបន្ត! មានតែកាងាររើសសមត្ថភាពមនុស្សប៉ុណ្ណោះ! ជនដែលគ្មានប្រាក់ចំណូលចាប់ពីបីខែទៅ ឬមិនទទួលយកកាងារណាដើម្បីជីវភាព ត្រូវចាត់ទុកជាជនរំខានអនាគតប្រទេស! ត្រូវបញ្ជូនទៅផ្នែកកងកសិកម្ម ឬកងវិស្វកម្មរដ្ឋដើម្បីធ្វើកាងារ! ជនទាំងឡាយដែលបង្ករវប្បធម៌មិនល្អដែលធ្វើឲ្យធ្លាក់ចុះវប្បធម៌ ខ្សោយឥរិយាបទសង្គម និងបង្កើតចលាចលសង្គមត្រូវបញ្ជូនទៅកសាងនៅ មជ្ឈមណ្ឌលកសាងជាតិរហូតដល់ជាសះស្បើយទើបអនុញ្ញាតិឲ្យត្រឡប់ចូលសង្គមវិញ។
ទី10 ឧស្សាហកម្មគ្មានផ្សែង៖ សេវាកម្មបម្រើដល់ទេសចរណ៍ ក្រៅពីគ្រឿងស្រវឹងត្រូវបានលើកទឹកចិត្ត រាល់អ្នកដែលបង្កាច់បង្ខូចរំខាន ធ្វើឲ្យខូចសណ្ដាប់ធ្នាប់សេវកម្មដែលធ្វើឲ្យខូចឈ្មោះដល់កម្ពុជានឹងត្រូវពិន័យជាអតិបរិមា។ គ្មានការតាមរកប្ដីឡូឡាវាយតប់គ្នានៅកន្លែងទេសចរណ៍ ឬសេវាកម្សាន្តជាដាច់ខាត។
ទី11 គោលនយោបាយរួមសុខរួមទុក្ខ៖ ប្រជាជាតិសេដ្ឋកិច្ចខ្លាំង ប្រជាពលរដ្ឋសេដ្ឋកិចខ្លាំង វិស័យហិរញ្ញវត្ថុខ្លាំង! ប្រជាជាតិធ្លាក់ ប្រជាពលរដ្ឋធ្លាក់ វិស័យហិរញ្ញវត្ថុត្រូវតែទទួលយកការធ្លាក់ដូចគ្នា! ស្មារតីរួមសុខរួមទុក្ខ។ គ្មានប្រទេសធ្លាក់សេដ្ឋកិច្ច ប្រជាជនរងគ្រោះ មានតែគ្រឹះស្ថានហិរញ្ញវត្ថុចំណេញជាដាច់ខាត។
ទី12 គោលនយោបាយអន្តោប្រវេសន៍ និងការចូលសញ្ជាតិ៖ ប្រជាជាតិខ្មែរមិនមែនធុងសម្រាមសម្រាប់ទទួលជនបរទេសណាមួយដែលមិននាំប្រយោជន៍ចូល ថែមទាំងជញ្ជក់បឺតធនធានពីក្នុងឡើយ! រាល់ជនអន្តោប្រវេសន៍ដែលមានវត្តមាននៅទឹកដីខ្មែរមុនឆ្នាំ1993អនុញ្ញាត្តិឲ្យស្នាក់នៅ រកស៊ីប្រកបរបរធម្មតា តែគ្មានសិទ្ធ និងមុខងាររដ្ឋជាដាច់ខាត! រាល់ជនបរទេសណាដែលចូលមកក្រោយឆ្នាំ1993ត្រូវសាវនកម្មថាបានផលិតផលប្រយោជន៍ជូនជាតិដែលមានប្រយោជន៍អប្បរិមា2500លានរៀលអនុញ្ញាតិឲ្យចូលសញ្ជាតិខ្មែរ! រាល់ជនបរទេសដែលជូលមកធ្វើកាងារនៅប្រទេសកម្ពុជាត្រូវធ្វើVisaកាងារ និងត្រូវផលិតអត្ថប្រយោជន៍ជូនកម្ពុជាយ៉ាងហោចណាស់ធំជាងការនាំអត្ថប្រយោជន៍ជូនខ្លួន។ រាល់ជនអន្តោប្រវេសន៍ដែលបង្ករចលាចលសង្គម បំផ្លាញទ្រព្យសម្បត្តិជាតិត្រូវនារិទេសចេញពីកម្ពុជា24ម៉ោងក្រោយសាលក្រមតុលាការ បើសិនធ្ងន់ធ្ងរប៉ះពាល់ដល់កិត្តិយសជាតិត្រូវបញ្ជូនទៅមជ្ឈមណ្ឌលកាសាងជាតិកសាងចោល។ រាល់ជនបរទេសដែលចង់ចូលសញ្ជាតិខ្មែរត្រូវមានទឹកចិត្តស្រឡាញ់ កាពារ និងអភិវឌ្ឍន៍ប្រទេសខ្មែរ និងជនជាតិខ្មែរ និងត្រូវឆ្លងកាត់ការប្រឡងយ៉ាងតឹងរឹងបំផុតពីក្រសួងជំនាញ រួមជាមួយការនាំអត្ថប្រយោជន៍ចូលរួម2500លានរៀល។
ទី13 គោលនយោបាយសិទ្ធ និងសេរីភាព៖ រាល់សិទ្ធគ្រប់យ៉ាងមិនត្រូវបានហាមឃាត់ ការបញ្ចេញមតិ ទស្សនៈ តាមគោលការសិទ្ធមនុស្សក្នុងលក្ខខណ្ឌលុះត្រាតែបានទទួលការអប់រំពេញលេញ ត្រឹមត្រូវតាមសច្ចភាព តថាភាពពិត និងចំណេះដឹងមូលដ្ឋាន។ ក្នុងករណីបញ្ចេញមតិមិនច្បាស់លាស់ មិនពិត សម្ដែង ឬគ្មានចំណេះដឹងជំនាញពិតក្នុងការបញ្ចេញដែលធ្វើឲ្យប៉ះពាល់ដល់កិត្តិយសសង្គម សេដ្ឋកិច្ច វប្បធម៌ ជាតិ សាសនា ព្រះមហាក្សត្រករណីទីមួយត្រូវអនុវត្តិតាមច្បាប់នៃព្រះរាជាណាចក្រកម្ពុជា។ ករណីមិនរាងចាលត្រូវយកទៅកសាងចោល។
ទី14 គោលនយោបាយសេដ្ឋកិច្ចជាតិ៖ សេដ្ឋកិច្ចកម្ពុជានឹងត្រូវផ្លាប្ដូរទៅតាមជំហ៊ាន កសិកម្ម30% សហគ្រាស និងឧស្សាហកម្ម20% ទេសចរណ៍ និងសេវ៉ាកម្ម20% បច្ចេកវិទ្យា15% ពានិជ្ជកម្ម15% ក្នុងជំហ៊ានដំបូង។ និងឆ្ពោះទៅបញ្ច្រាស តាមដំណាក់កាលចុងក្រោយនៃពានិជ្ជកម្ម និងវិស័យបច្ចេកវិទ្យាឡើង5%បន្តបន្ទាប់។
ទី15. គោលនយោបាយ ធនធានសម្បត្តិជាតិ៖ រ៉ែ ទន្លេ ដី ព្រៃ និងសមុទ្រជាសម្បត្តិរួមរបស់ប្រជាជាតិ រាល់ការអភិវឌ្ឍន៍ត្រូវឆ្លងកាត់ការសិក្សាគុណប្រយោជន៍ និងផលខូចខាត ហើយត្រូវឆ្លងកាត់ដំណាកាល់បីអនុម័ត ដោយសភា ឆ្លងកាត់ព្រះមហាក្សត្រ និងចុងក្រោយធ្វើប្រជាមតិក្នុងតំបន់។
ទី16 គោលនយោបាយគ្មានដីទំនេរ៖ គ្រប់ដីធ្លីទាំងអស់ត្រូវតែមានដំណើរការបង្ករបង្កើតអត្ថប្រយោជន៍ពិតប្រាកដ គ្មានដីដែលទំនេរ ជនទាំងឡាយណាដែលជាម្ចាស់ដីធ្លីស្របច្បាប់ត្រូវតែបង្កើតEco លើដីទាំងអស់នោះ ដូចជាដាំដុះ បង្ករបង្កើតផលកសិកម្ម អជីវកម្ម អភិវឌ្ឍន៍ ឬចរន្តដែលអាចបង្កើតហិរញ្ញវត្ថុបាន។ ជនទាំងឡាយណាដែលទទួលសិទ្ធកាន់កាប់ដីតែគ្មានសកម្មភាព ឬទុកចោលដែលនាំឲ្យខូចខាតគុណប្រយោជន៍ដីធ្លីត្រូវដកសិទ្ធ និងប្រគល់ជូនរដ្ឋដោយស្វ័យប្រវត្តិ។
ទី17 គោលនយោបាយរួបរួម៖ សហគមន៍ ឃុំស្រុកត្រូវមានសកម្មភាពបង្កើតការចូលរួមធ្វើសកម្មភាពនានាជាប្រចាំដើម្បីបង្កើតផលប្រយោជន៍ជូនស្រុកទេសរបស់ខ្លួន។ មន្ត្រីមូលដ្ឋាន យុវជនត្រូវបង្កើតវេទិការសាធារណៈ ដើម្បីដឹងបញ្ហារបស់ប្រជាជន ពីថ្នាក់ភូមិដល់ថ្នាក់ខេត្ត និងជួយដោះស្រាយដល់ពួកគាត់។
ទី18 គោលនយោបាយមនុស្ស៖ ប្ដីមួយប្រពន្ធ3បង្កើតធនធានមនុស្សដើម្បីបម្រើដល់វិស័យជំនាញ កងទ័ព និងអប់រំដោយសុភមង្គល និងស្មារតីបុព្វហេតុមាតុភូមិ។ ទីមួយជួយសម្រួលសេដ្ឋកិច្ចគ្រួសារ មានអ្នកអាចមើលកូនចៅប្រកបដោយគុណភាពចំណេះដឹង និងមានអ្នកព្យាករណ៍បញ្ហាគ្រួសារផង៕
បក្សស្មូម 15 កក្កដា 2023
មេបក្ស ស្មូម ( #ប៉ាកកាបិសាច)
