24/02/2026
មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តស្វាយរៀង សូមគោរពជម្រាបជូនដល់ សាធារណៈជនដែលបានទិញដីឡូតិ៍ពី គម្រោងដីឡូតិ៍ភូមិមរតក ស្ថិតនៅភូមិចំបក់ សង្កាត់ចេក ក្រុងស្វាយរៀង ខេត្តស្វាយរៀង ឲ្យបានជ្រាបថា៖ កន្លងមកក្រសួងរៀបចំដែនដី នគរូបនីយកម្ម និងសំណង់ បានបង្កើតក្រុមការងារ ដោះស្រាយវិវាទគម្រោងដីឡូតិ៍ភូមិមរតក រហូតមកដល់ពេលនេះ ក្រុមការងារបានដោះស្រាយបញ្ចប់ជាច្រើនករណី និង បានធ្វើនីតិវិធីផ្ទេរកម្មសិទ្ធិដីឡូតិ៍ជូនបងប្អូនអតិថិជនជាបន្តបន្ទាប់។ ដើម្បីអោយក្រុមការងារអាចធ្វើការផ្ទេរកម្មសិទ្ធិ ជូនលោក-លោកស្រីអតិថិជនដែលមានបំណងចង់បង់ថវិកាផ្តាច់១០០%ចំពោះដីឡូតិ៍ដែលបានទិញពីគម្រោង មន្ទីរសូម អញ្ជើញលោក-លោកស្រីដែលជាអតិថិជនចូលមកទំនាក់ទំនងជាមួយក្រុមការងារ ដែលមានទីតាំងនៅមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តស្វាយរៀង រៀងរាល់ម៉ោងធ្វើការ គិតចាប់ពីថ្ងៃទី ២៣ ខែ កុម្ភៈ ឆ្នាំ២០២៦ នេះតទៅ ដោយភ្ជាប់មកជាមួយនូវឯកសារពាក់ព័ន្ធផ្សេងៗដូចខាងក្រោម៖
១.កិច្ចសន្យាទិញ-លក់ដីឡូតិ៍ ឬផ្ទះ (ច្បាប់ដើម)
២.វិក័យបត្របង់ប្រាក់ ឬឯកសារបញ្ជាក់ពីការបង់ប្រាក់ (ច្បាប់ដើម)
៣.ឯកសារពាក់ព័ន្ធនឹងការស្នើសុំចុះបញ្ជីអំពីការផ្ទេរសិទ្ធិ (ថតចម្លង)
សេចក្តីដូចបានជម្រាបជូនខាងលើ សូមសាធារណៈជនមេត្តាជ្រាបជាព័ត៌មាន។
