មជ្ឈមណ្ឌលឆៀកយានយន្ត - HK Car Inspection Center

  • Home
  • Cambodia
  • Phnom Penh
  • មជ្ឈមណ្ឌលឆៀកយានយន្ត - HK Car Inspection Center

មជ្ឈមណ្ឌលឆៀកយានយន្ត - HK Car Inspection Center ស្វាគមន៍មកកាន់ទំព័រផ្លូវការ​ មណ្ឌលត្រួតពិនិត្យលក្ខណៈបច្ទេកទេសយានយន្ត បឹងបៃតង​ សែនសុខ មានទីតាំងនៅ https://goo.gl/maps/qSsU6FT5vDU25i4d6
(2)

សូមស្វាគមន៍អតិថិជនទាំងអស់មកកាន់ page ផ្លូវការរបស់ក្រុមហ៊ុន អេចខេ ខា អុិនស្ពេកសិន (ខេមបូឌា) ខូ អិលធីឌី ដែលជាមជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) បឹងបៃតង ខណ្ឌសែនសុខ រាជធានីភ្នំពេញ។

យើងខ្ញុំទាំងអស់គ្នា សូមកោតសរសើរ និងថ្លែងអំណរគុណយ៉ាងជ្រៀលជ្រៅបំផុត ដល់ម្ចាស់យានយន្តទាំងអស់ ដែលមានការជឿទុកចិត្តខ្ពស់មកលេី មជ្ឈមណ្ឌលត្រួតពិនិត្យលក្ខណៈបច្ចេកទេស (ឆៀក) HK បឹងបៃតង សែនសុខ ដែលលោកតែងតែយកយានយន្តទំនេីបៗជាទីស្រឡាញ់មកឆៀកបានយ៉ាងទៀងទាត់ ដោយសារតែកន្លែងរបស់យើងខ្ញុំ មានទីតាំងធំទូលាយ មានច្រកឆៀកសម្រាប់រថយន្តទំនេីបៗ ស៊េរីខ្ពស់ ច្រកឆៀកសម្រាប់រថយន្តគ្រួសារ ធុនស្រាល AWD ឬ 4WD ច្រកឆៀកសម្រាប់រថយន្តធុនធ្ងន់គ្រប់ប្រភេទរហូតដល់

ក្រុមការងារឆៀកចល័តរបស់ HK កំពុងផ្តល់សេវាឆៀកយានយន្ត ជូនបងប្អូនប្រជាពលរដ្ឋនៅ ខេត្តមណ្ឌលគិរី ចាប់ពីថ្ងៃទី១៤ ដល់ ១៨ កញ្ញា ២០...
15/09/2026

ក្រុមការងារឆៀកចល័តរបស់ HK កំពុងផ្តល់សេវាឆៀកយានយន្ត ជូនបងប្អូនប្រជាពលរដ្ឋនៅ ខេត្តមណ្ឌលគិរី ចាប់ពីថ្ងៃទី១៤ ដល់ ១៨ កញ្ញា ២០២៦

===============

មណ្ឌលគិរី៖ សូមពុកម៉ែបងប្អូនប្រជាពលរដ្ឋ ដែលមានយានយន្ត ដល់ថ្ងៃកំណត់ ឬហួសសុពលភាពឆៀក សូមរួសរាន់អញ្ជើញមកទទួលសេវាឆៀកឱ្យបានទាន់ពេលវេលាតាមកាលកំណត់ ចាប់ពីថ្ងៃទី១៤ ដល់ ១៨ កញ្ញា ២០២៦ ដែលមានទីតាំងស្ថិតនៅបរិវេណដីវាល ចម្ងាយ៥០០ម៉ែត្រពីវិមានឯករាជ្យ។

🗓 ចាប់ពីថ្ងៃទី១៤ ដល់ ១៨ កញ្ញា ២០២៦
📌 សូមពិនិត្យមើលក្នុងផែនទី៖ https://goo.gl/maps/sGKYXHqt4RXqnjr78?g_st=atm
📲 ក្រុមការងារឆៀកចល័ត HK៖ https://t.me/HK_mobile_Inspection
🕖 ម៉ោងបម្រើសេវា៖ ៧:០០ព្រឹក ដល់ ៥:០០ល្ងាច

សូមពុកម៉ែបងប្អូនដែលនៅខេត្តមណ្ឌលគិរី ឬធ្វើដំណើរឆ្លងកាត់ខេត្តនេះ មេត្តាយកយានយន្តមកទទួលសេវាឆៀកឱ្យបានទាន់ពេលវេលា ដើម្បីជៀសវាងការហួសសុពលភាព និងការអាក់ខានផ្សេងៗ៕

15/09/2026

សេចក្តីថ្លែងការណ៍ទាំងស្រុងរបស់ ឯកឧត្តមឧបនាយករដ្ឋមន្ត្រី ប្រាក់ សុខុន ក្នុងកិច្ចប្រជុំគណៈកម្មការផ្សះផ្សា

សិង្ហបុរី៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ក្នុងនាមជាភ្នាក់ងារតំណាងកម្ពុជា បានថ្លែងសុន្ទរកថា ក្នុង កិច្ចប្រជុំលើកទី១ នៃគណៈកម្មការផ្សះផ្សា (កិច្ចប្រជុំរួមបើកចំហ) នាព្រឹកថ្ងៃទី១៥ ខែកញ្ញា ឆ្នាំ២០២៦ នៅប្រទេសសិង្ហបុរី។

🎥 សូមទស្សនាសុន្ទរកថាទាំងស្រុង៖

#កិច្ចប្រជុំផ្សះផ្សា #កម្ពុជា #ថៃ

ឧបករណ៍ ឬវត្ថុទាំង៣ ដែលចាំបាច់ប្រើនៅពេលមេឃភ្លៀង!===============ដើម្បីបើកបរឱ្យមានសុវត្ថិភាពខ្ពស់នៅពេលដែលមានភ្លៀងធ្លាក់ ឬក្...
14/09/2026

ឧបករណ៍ ឬវត្ថុទាំង៣ ដែលចាំបាច់ប្រើនៅពេលមេឃភ្លៀង!
===============
ដើម្បីបើកបរឱ្យមានសុវត្ថិភាពខ្ពស់នៅពេលដែលមានភ្លៀងធ្លាក់ ឬក្នុងរដូវវស្សានេះ សូមម្ចាស់រថយន្តទាំងអស់ ឧស្សាហ៍ត្រួតពិនិត្យមើលនូវឧបករណ៍ ឬវត្ថុទាំងនេះ ដូចបានរៀបរាប់ខាងក្រោម៖
១. ផ្លិតទឹក៖ នៅពេលមេឃភ្លៀងគ្រប់រថយន្ដគឺត្រូវការផ្លិតទឹក ដើម្បីបក់ផាត់ទឹកចេញពីកញ្ចក់ងាយស្រួលមើលផ្លូវ។
២. ប្រព័ន្ធភ្លើង៖ នៅពេលដែលមានភ្លៀងគឺធ្វើឱ្យអ្នកដំណើរទាំងអស់ពិបាកមើលទៅផ្នែកខាងមុខ ជាពិសេសអ្នកធ្វើដំណើរផ្សេងៗមិនថាកង់ ម៉ូតូ ឬរថយន្ដឡើយ។ ពេលដែលមានមេឃភ្លៀងសូមបើកភ្លើងដើម្បីឱ្យអ្នកធ្វើដំណើរលើដងផ្លូវងាយស្រួលមើលឃើញ ជាពិសេសបើកភ្លើងសុំផ្លូវផងដែរ។
៣. ប្រព័ន្ធហ្វ្រាំង៖ នៅពេលមេឃភ្លៀងពិតណាស់ការបើកបរមិនមានភាបងាយស្រួលដូ ផ្លូវគឺមានសភាពរអិល ដូច្នេះសូមឧស្សាហ៍ពិនិត្យ និងជួសជុលហ្វ្រាំងឱ្យបានល្អ ដើម្បីបញ្ចៀស និងបង្ការគ្រោះថ្នាក់ណាមួយកើតឡើង ជម្រើសដ៏ល្អបំផុតពេលបើកបរនៅពេលមានភ្លៀងធ្លាក់ខ្លាំង សូមរក្សានូវគម្លាតពីរថយន្តមួយ ទៅរថយន្តមួយទៀតយ៉ាងហោចណាស់ ១០ ទៅ២០ម៉ែត្រ ក្នុងល្បឿនយឺតៗតាមតែអាចបើកបរបាន៕

តើឆៀកយានយន្តម្តងៗ មានសុពលភាពប៉ុន្មានឆ្នាំ?យោងតាមក្រសួងសាធារណការ និងដឹកជញ្ជូន បានបញ្ជាក់ច្បាស់ៗ អំពីសុពលភាព នៃការត្រួតពិន...
14/09/2026

តើឆៀកយានយន្តម្តងៗ មានសុពលភាពប៉ុន្មានឆ្នាំ?

យោងតាមក្រសួងសាធារណការ និងដឹកជញ្ជូន បានបញ្ជាក់ច្បាស់ៗ អំពីសុពលភាព នៃការត្រួតពិនិត្យលក្ខណៈបច្ចេកទេសយានយន្ត (ឆៀក) ដូចខាងក្រោម៖

- រថយន្តគ្រួសារ ៤ ទៅ ៩កៅអី និងរថយន្តដឹកទំនិញគ្រួសារផ្ទុកមិនលើសពី១តោន ថ្មី (បកកេះ) មានសុពលភាព ៤ ឆ្នាំ
- រថយន្តដឹកអ្នកដំណើរធុនតូច និងធុនធំ ថ្មី (បកកេះ) ២ឆ្នាំ
- រថយន្តដឹកទំនិញធុនស្រាល និងធុនធ្ងន់គ្រប់ប្រភេទ ថ្មី (បកកេះ) ២ឆ្នាំ
- រ៉ឺម៉ក ឬសឺមីរ៉ឺម៉ក ថ្មី ២ឆ្នាំ
- រថយន្តគ្រួសារ ៤ ទៅ ៩កៅអី និងរថយន្តដឹកទំនិញគ្រួសារផ្ទុកមិនលើសពី ១តោន មានផ្លាកលេខហើយ (2A) សុពលភាព ២ ឆ្នាំ
- រថយន្តដឹកអ្នកដំណើរធុនតូច (2A) និងធុនធំ (3A) មានផ្លាកលេខហើយ សុពលភាព ១ឆ្នាំ
- រថយន្តដឹកទំនិញធុនស្រាល (2A) និងធុនធ្ងន់ (3A/5A) គ្រប់ប្រភេទមានផ្លាកលេខហើយ សុពលភាព១ឆ្នាំ
- រ៉ឺម៉ក ឬសឺមីរ៉ឺម៉ក (4A) មានផ្លាកលេខហើយ សុពលភាព ១ឆ្នាំ។

សូមបងប្អូនដែលជាម្ចាស់យានយន្តទាំងអស់ ដែលដល់កំណត់ ឬហួសសុពលភាព(ឆៀក) យានយន្ត មេត្តាយករថយន្តមកឆៀក ឱ្យបានទាន់ពេល ដើម្បីកុំឱ្យមានការផាកពិន័យ ដែលនាំឱ្យខាតបង់លុយកាក់ថវិកា និងពេលវេលា ដើម្បីចូលរួមគោរពច្បាប់ចរាចរណ៍ និងការធ្វើដំណើរសុខសុវត្ថិភាពទាំងអស់គ្នា៕

---------------------------------
📍ទីតាំងមជ្ឈមណ្ឌលឆៀក HK បឹងបៃតង សែនសុខ (Map)
(https://goo.gl/maps/qSsU6FT5vDU25i4d6)

☎️លេខទំនាក់ទំនងផ្នែកឆៀក៖ 📲 015 389 800 📲 090 389 800 📲 092 389 800

📨Telegram HK ៖ https://t.me/HKCarInspection_BoengBaitong_015

👉បណ្តាញសង្គមផ្លូវការរបស់ក្រុមហ៊ុន HK៖ https://hk-social-link.vercel.app

សេចក្តីជូនដំណឹង!!!============មណ្ឌលគិរី៖ មជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) HK បឹងបៃតង សែនសុខ មានកិត្តិយស...
13/09/2026

សេចក្តីជូនដំណឹង!!!

============

មណ្ឌលគិរី៖ មជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) HK បឹងបៃតង សែនសុខ មានកិត្តិយស សូមជម្រាបជូនដំណឹងដល់ពុកម៉ែបងប្អូន ដែលរស់នៅក្នុងខេត្តមណ្ឌលគិរី ឬធ្វើដំណើរឆ្លងកាត់ខេត្តនេះឱ្យបានជ្រាបថា ក្រុមការងារឆៀកចល័តយើងខ្ញុំ នឹងចុះទៅផ្តល់សេវាឆៀក ជូនដល់ពុកម៉ែបងប្អូនប្រជាពលរដ្ឋ ដែលមានយានយន្តដល់ថ្ងៃកំណត់ ឬហួសសុពលភាពឆៀក ចាប់ពីថ្ងៃទី១៤ ដល់ ១៨ កញ្ញា ឆ្នាំ២០២៦ នៅទីតាំងស្ថិតនៅបរិវេណដីវាល ចម្ងាយ៥០០ម៉ែត្រពីវិមានឯករាជ្យ។

👉 សូមពិនិត្យមើលក្នុងផែនទី៖ https://goo.gl/maps/sGKYXHqt4RXqnjr78?g_st=atm
👉 សូមចុចតំណភ្ជាប់៖ https://t.me/HK_mobile_Inspection (ក្រុមការងារឆៀកចល័ត)
👉 ចាប់ពីម៉ោង ៧:០០ព្រឹក ដល់ ម៉ោង ៥:០០ល្ងាច។

អាស្រ័យដូចបានជម្រាបជូនដំណឹងខាងលើនេះ សូមពុកម៉ែបងប្អូនដែលនៅខេត្តមណ្ឌលគិរី ឬធ្វើដំណើរឆ្លងកាត់ខេត្តនេះ សូមមេត្តាយករថយន្តមកទទួលសេវាឆៀកឱ្យបានទាន់ពេលវេលា កុំបីអាក់ខានឡើយ៕

🚦តើរថយន្តណាមានសិទ្ធទៅមុន? 👇ចូលរួមឆ្លើយទាំងអស់គ្នាដើម្បីយល់ដឹងបន្ថែមអំពី សិទ្ធិអាទិភាពលើផ្លូវប្រសព្វ ប្រសិនគ្មានផ្លាកសញ្...
13/09/2026

🚦តើរថយន្តណាមានសិទ្ធទៅមុន?

👇ចូលរួមឆ្លើយទាំងអស់គ្នាដើម្បីយល់ដឹងបន្ថែមអំពី សិទ្ធិអាទិភាពលើផ្លូវប្រសព្វ ប្រសិនគ្មានផ្លាកសញ្ញាសម្គាល់!!!

#សិទ្ធិអាទិភាពលើផ្លូវប្រសព្វ #គោរពច្បាប់ចរាចរណ៍ #សុវត្ថិភាពជាចម្បង

កំណាត់ផ្លូវជាតិលេខ៦ គឺជាខ្សែផ្លូវដែលមានសក្តានុពលសេដ្ឋកិច្ចជាតិ តាមរយៈបណ្តាញហេដ្ឋារចនាសម្ព័ន្ធដឹកជញ្ជូនប្រទាក់ក្រឡា======...
13/09/2026

កំណាត់ផ្លូវជាតិលេខ៦ គឺជាខ្សែផ្លូវដែលមានសក្តានុពលសេដ្ឋកិច្ចជាតិ តាមរយៈបណ្តាញហេដ្ឋារចនាសម្ព័ន្ធដឹកជញ្ជូនប្រទាក់ក្រឡា

==============

កំណាត់ផ្លូវជាតិលេខ៦ (ថ្នល់កែង ខេត្ដកំពង់ចាម-អង្រ្គង ខេត្តសៀមរាប) គឺជាខ្សែផ្លូវដែលមានសក្តានុពលសេដ្ឋកិច្ចជាតិ ក្នុងការតភ្ជាប់ទំនាក់ទំនងរវាងខេត្តកំពង់ចាម ខេត្តកំពង់ធំ ខេត្តសៀមរាប និងរាជធានី-ខេត្តផ្សេងៗទៀត តាមរយៈបណ្តាញហេដ្ឋារចនាសម្ព័ន្ធដឹកជញ្ជូនប្រទាក់ក្រឡា តភ្ជាប់ពីតំបន់មួយទៅតំបន់មួយ និងជួយសម្រួលដល់ការធ្វើដំណើរ ដឹកជញ្ជូនរបស់ប្រជាពលរដ្ឋ។

ជាមួយគ្នានេះ កំណាត់ផ្លូវជាតិលេខ៦ នឹងជួយជំរុញកំណើនវិស័យទេសចរណ៍ នៃទេសចរជាតិ និងអន្តរជាតិ មកទស្សនានៅបណ្តាខេត្ត ស្ថិតតាមបណ្តាយខ្សែផ្លូវនេះ ពិសេសខេត្តកំពង់ធំ សៀមរាប និងខេត្តព្រះវិហារ ជាដើម ដែលសម្បូរទៅដោយប្រាសាទប្រវត្តិសាស្ត្រ និងរមណីយដ្ឋានធម្មជាតិដ៏ស្រស់ស្អាតជាច្រើនកន្លែង។

សូមជម្រាបជូនថា កំណាត់ផ្លូវនេះ មានប្រវែងសរុប ២៤៨,៥៣ គីឡូម៉ែត្រ ក្រាលបេតុង កៅស៊ូ AC ចាប់ពីថ្នល់កែងខេត្ដកំពង់ចាម ដល់អង្រ្គង ខេត្តសៀមរាប បានសម្ពោធដាក់ឱ្យប្រើប្រាស់ កាលពីថ្ងៃទី១១ ខែមិថុនា ឆ្នាំ២០១៨៕ ប្រភព៖ ក្រសួងសាធារណការ និងដឹកជញ្ជូន

តើប្រេងចង្កឹះលេខ និងប្រេងបូមចង្កូតគួរប្តូរនៅពេលណា?=============ការថែទាំរថយន្តជាកត្តាដែលចាំបាច់បំផុត សម្រាប់អ្នកប្រើប្រាស...
11/09/2026

តើប្រេងចង្កឹះលេខ និងប្រេងបូមចង្កូតគួរប្តូរនៅពេលណា?
=============
ការថែទាំរថយន្តជាកត្តាដែលចាំបាច់បំផុត សម្រាប់អ្នកប្រើប្រាស់រថយន្តគ្រប់រូប ព្រោះមិនត្រឹមតែដឹងពីកំហូចរបស់រថយន្តរបស់រថយន្តប៉ុណ្ណោះ ថែមទាំងអាចបង្ការគ្រោះថ្នាក់ដោយចៃដន្យណាមួយបានទៀតផង។
សូមពិនិត្យដូចខាងក្រោម៖
១. ប្រេងចង្កឹះលេខ៖ រថយន្តប្រភេទថ្មីភាគច្រើនមិនមានដែកវាស់កម្រិតប្រេងចង្កឹះលេខមកជាមួយទេ ជាហេតុធ្វើឱ្យម្ចាស់រថយន្តយកទៅពិនិត្យនៅយានដ្ឋានជួសជុលផ្ទាល់ ដើម្បីមើលកម្រិតនៃប្រេងចង្កឹះលេខ ប៉ុន្តែបើរថយន្តរបស់យើងមានដែកវាស់កម្រិតនោះ អាចរកឃើញនៅខាងមុខចំពោះរថយន្តចំពោះរថយន្តប៉ុងមុខ ចំណែកឯរថយន្តប៉ុងក្រោយវិញគឺនៅខាងក្រោយខ្លប់ ។ ដើម្បីពិនិត្យមើលកម្រិតប្រេងចង្កឹះលេខ គេត្រូវបញ្ឆេះរថយន្តហើយដាក់ចង្កឹះលេខទៅអក្សរ (P) មានដែកវាស់កម្រិតដែលមានក្រិត ២ បង្ហាញថា ពេញ (FULL) ឬក៏កម្រិតទាប (LOW) ដែលប្រេងចង្កឹះលេខគួរស្ថិតនៅចន្លោះក្រិតទាំងពីរនេះ។ ហើយប្រេងចង្កឹះលេខគួរប្ដូរចេញរៀងរាល់ ៤៨ ០០០ គ.ម ទៅ ៩៦ ៥០០ គ.ម ម្ដង។ ប្រេងចង្កឹះលេខភាគច្រើនមានពណ៌ក្រហម ផ្កាឈូក ឬពណ៌ត្នោតខ្ចី ប៉ុន្តែបើសង្កេតឃើញវាមានពណ៌ត្នោតចាស់ ឬមានក្លិនឈ្ងៀម ជាសញ្ញាបញ្ជាក់ថា ដល់ពេលប្តូរចេញហើយ។
២. ប្រេងបូមចង្កូត៖ មុនពេលឆែកវាត្រូវបញ្ឆេះម៉ាស៊ីនហើយបង្វិលចង្កូតទៅស្តាំឱ្យដល់គន្លាក់វាសិន ចាំពន្លត់ម៉ាស៊ីនហើយចាប់ផ្តើមពិនិត្យវា។ ចំណែកធុងបូបចង្កូតអាចមានដែកវាស់កម្រិតប្រេងមកជាមួយស្រាប់ ឬមានត្រឹមគម្របដែលអាចមើលឃើញចំណុះនោះថាវាត្រូវថែមឬអត់។ ចំពោះការផ្លាស់ប្តូរប្រេងបូមចង្កូតនេះ មានការអះអាងផ្សេងៗគ្នាថា គួរប្តូរចេញក្នុងចម្ងាយ ៤៨២០០ គ.ម ឬ២ឆ្នាំ ឯខ្លះទៀតថា ១២០ ០០០-១៦០ ០០០គ.ម ប្តូរម្តង។ ជម្រើសដ៏ល្អគួរតែធ្វើតាមសៀវភៅណែនាំ ដែលចេញពីរោងចក្រផ្ទាល់តែម្តង៕

11/09/2026

ការបើកបរបញ្ច្រាសផ្លូវរបស់ពលរដ្ឋ នៅចំណុចគល់ស្ពានលីយ៉ុងផាត់ មហាវិថីឈ្នះឈ្នះ ខណ្ឌជ្រោយចង្វារ រាជធានីភ្នំពេញ

អនុវត្តតាមគោលការណ៍ដឹកនាំរបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងក្រោមការដឹកនាំអនុវត្តរបស់លោកឧត្តមសេនីយ៍ទោ ហេង រតនា ស្នងការរងផែនការងារនគរបាលចរាចរណ៍ កម្លាំងការិយាល័យនគរបាលចរាចរណ៍ផ្លូវគោក បានផ្អាកការអនុវត្តការរឹតបន្តឹងច្បាប់ ត្រឹមវេលាម៉ោង៤ល្ងាច ដោយទុកថេរវេលាដែលនៅសល់ ពង្រឹងការចុះតាមគោលដៅសំខាន់ដែលប្រឈម ដើម្បីឈរសម្រួលដល់លំហូរចរាចរណ៍ធ្វើដំណើរបស់បងប្អូនប្រជាពលរដ្ឋ ដើម្បីបញ្ចៀសបានពីការកកស្ទះចរាចរណ៍ ស្របពេលដែលវេលាល្ងាចឡើង ស្ថានភាពចរាចរណ៍ទូទៅ មានភាពមមាញឹកច្រើន ។

ក៏ប៉ុន្តែ ទន្ទឹមនឹងស្ថានការណ៍ចរាចរណ៍មមាញឹកដដែលនេះ ក៏នៅមានពលរដ្ឋមួយចំនួន នៅពុំទាន់ចូលរួមជាមួយការគោរពច្បាប់ឲ្យបានខ្ជាប់ខ្ជួននៅឡើយនោះដែរ ពិសេសការបើកការបញ្ច្រាសផ្លូវតែម្តងនៅតាមតំបន់នានាមួយចំនួន ជាក់ស្តែងរូបភាពខាងលើ គឺការបើកបរបញ្ច្រាសផ្លូវរបស់ពលរដ្ឋ នៅចំណុចគល់ស្ពានលីយ៉ុងផាត់ មហាវិថីឈ្នះឈ្នះ ខណ្ឌជ្រោយចង្វារ រាជធានីភ្នំពេញ។

ទន្ទឹមនឹងនេះ មជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) អេចខេ បឹងបៃតង សែនសុខ សូមអំពាវនាវ ដល់បងប្អូនប្រជាពលរដ្ឋ ចូលរួមគោរពច្បាប់ចរាចរណ៍ទាំងអស់គ្នា បញ្ចៀសបានពីការកើតមានគ្រោះថ្នាក់ចរាចរណ៍ និងដើម្បីការពារអាយុជីវិតខ្លួនឯង ក៏ដូចជាអ្នកដទៃ។ បន្តគោរពច្បាប់ តាមរយៈការបើកបរដោយស្មារតីទទួលខុសត្រូវ គោរពច្បាប់ឱ្យបានខ្ជាប់ខ្ជួន កុំបើកបរបញ្ច្រាសផ្លូវ និងគោរពសិទ្ធិអាទិភាពអ្នកដទៃ ដើម្បីសុខសុវត្ថិភាពលើដងផ្លូវសាធារណៈទាំងអស់គ្នា៕ វីដេអូ៖ ស្នងការនគរបាលរាជធានីភ្នំពេញ

#ចូលរួមគោរពច្បាប់ចរាចរណ៍ #សុវត្ថិភាពជាចម្បង

Address

Oknha Mongrithy, Oknha Mong Reththy Street (1928), Phnom Penh 120806
Phnom Penh
120809

Opening Hours

Monday 07:00 - 17:00
Tuesday 07:00 - 17:00
Wednesday 07:00 - 17:00
Thursday 07:00 - 17:00
Friday 07:00 - 17:00
Saturday 07:00 - 17:00

Telephone

+85515389800

Website

,

Alerts

Be the first to know and let us send you an email when មជ្ឈមណ្ឌលឆៀកយានយន្ត - HK Car Inspection Center posts news and promotions. Your email address will not be used for any other purpose, and you can unsubscribe at any time.

Contact The Business

Send a message to មជ្ឈមណ្ឌលឆៀកយានយន្ត - HK Car Inspection Center:

Shortcuts

Share