Asylmura__kazakhstan

12/01/2023

Жаңаша үлгідегі, жаңа түстерде жасалған Құрақ сөмкелеріміз қалай? Ұнадыма сіздерге?

12/01/2023

05/01/2023

Арасында клиенттеріміздің фото отчетын салып отырайын.
Қандай әдемі болып тұр иә😍келісесізба?
“Қонағымыз келгенде ұялмай көрпелерімізді жерге төсеп жібереміз әп-әдемі қылып” деп тапсырыс берген жандар көп айтады😍сол мені қуантады🙌😘

15/08/2022

Бүгінде өте көп қойылатын сұрақтың бірі-қыз жасауы қанша, құрамына не кіреді деген сұрақ.

Негізі қыз жасауы былай жасалу керек деген стандарт жоқ. Әркім өзінің қалауымен, күші жеткенше жинақтайды.

Көбінесе жасалатын құрамы:

құрақ көрпеше -6 дана;
құрақ жастық тыстары -4 дана; Махаббат көрпесі-1дана;
махаббат жастық тысы -1 дана;
төсеніш (наматрасник) -1 дана. Жамылғы көрпелері -4 дана.

Орташа баға -350 мың. Бұл баға таңдаған құрақ көрпешенің түріне қарай өзгеруі мүмкін.

Бұдан басқа заттарды қосам десеңіз өз еркіңіз. Қазақстанның кейбір өңірлерінде құдағай көрпе, құда балаға, құдашаға деп жасай береді екен. Сұрағандарға оларды да жасап жатырмыз. Бірақ қайдағыны шығарасыңдар деген сөздерді де естіп қаламыз😀

Мен өзім қазіргі қымбатшылық ушығып тұрған заманда қажет емес дүниені жасап, қиындатпаңыз деп барымша ақыл айтуға тырысамын. Сандық жапқыш, түрлі формадағы жастықтар маңызды дүниелер емес деп есептеймін. Сол сияқты бесік жасауларын да күрделендіру модаға айналған. Әрине, жағдай жетсе бәрін жасауға болады, жиғанымызды тойға шашайық. Бірақ ысырапшылдықтың болмағаны жақсы. Жай, әдемі, бақытты өмір сүрейік!!!

25/07/2022

Қара­саң көздің жауын алатын, тұтынсаң қажетіңді өтейтін бұйым­дар­дың бірі – құрақ көрпе. Ол, біріншіден – өнер, екіншіден – тұрмыстық бұйым, үшіншіден – ертеректе мата-материал қат кезде қолданылған маталардың қиындылары рәсуа болмасын деген оймен оны да пайдаға жарату ойынан туған, яғни ысырапшылдыққа жол бермеудің керемет әдісі.

18/07/2022

АСЫЛМҰРА

Әрбір халықтың өзіне тән салт – дәстүрлері, әдет – ғұрыптары, халық ауыз әдебиеті, мәдениеті, тәрбиелік ұстанымдары бар. Міне, осы асыл қазынамыз бізге ұрпақтан ұрпаққа сан ғасырлар бойы аманат ретінде ұласып, ұлттық болмысты жоғалтпай, өзгелерден ерекшелеп тұратын айна секілді. Бізде өз кезегімізде бұл құндылықтарды қастерлеп, келер ұрпаққа осы күйінде жеткізуіміз керек.
«Атадан бала тусайшы, ата жолын қусайшы» деп, халық атадан балаға мұра болып келе жатқан жақсы қасиеттерді келесі ұрпақтың бойына сіңіріп, ізгілікке тәрбиелейді.
Қазақ халқының екі жүзге жуық салт – дәстүрі, сенім – ырымдары, ұлттық ойындары бар, олардың әрқайсысының тәрбиелік те, танымдық та маңызы зор. Осы ретте Ою-өрнек, құрақ құраудың
алар орны ерекше.

«Қазақтың құрақ құрау өнері – әлемдік асыл мұра. Құрақшылық қолөнері сәнді жұмыстар жасау тарихы өте арыдан басталады. Таңғажайып талантымен талайларды тамсандырған қазақ қолөнерінің қайталанбас түрі – қиыстырып құрақ қию, одан көздің жауын алатындай өте бағалы бұйымдар жасау. Оның әрқайсының берер мағынасы да жоқ емес. Құрақ көрпенің өзіндік құпиясы бар. Ол әсіресе, қолданатын орнаментке байланысты. Сондықтан оны қай жерде, қалай қолдану керектігін білу шарт.

20/06/2022

16-17 маусым күндері Түркістан қаласындағы Маңғыстау күндеріне байланысты үлкен шараға қатысуыма екі жерден - Облыстық аналар кеңесі мен кәсіпкерлік басқармасынан ұсыныс түскен болатын.
Бірі екі облыстың аналар кеңесі арасында болатын мерекелік бағдарламаға, екіншісі өз бұйымдарыммен көрмеге қатысуымды қалады. Бас аяғы екі күнде біраз керемет шаралардың куәсі болдым. Маңғыстауым үшін қуандым, мақтандым.
Түркістан аналарымен Маңғыстауша көрісу рәсімін жасап, керемет сыйлықтарымызды тарту еттік. Сыйлыққа менің бұйымдарым лайықты болғанына іштей мақтандым.
Екі күннің ішінде көздің жауын алатын 😍 15 түрлі әдемі құрақ сөмкелер мен керемет алжапқыштарды дайындаған өз ұжымымдағы шеберлеріме киелі Түркістан жерінде жақсы тілектер тіледім.🤲🏻
Қасиетті Түркістан туралы келесі постарда керемет сезімдеріммен бөлісетін боламын.

07/06/2022

Мен үшін тапсырыс беруші ірі, ұсақ, жоғары лауазымды немесе қарапайым болып бөлінбейді. Әрқайсысы мен үшін ерекше.
⠀
Менің бұйымдарым арзан емес, сапасына қарай қымбат деп те айта алмаймын. Кейбір клиенттерім кейде таңдау барысында қиналып жатады. Тез шешім қабылдай алмай, туысқандарымен, достарымен ақылдасып жатады. Мен де өз тарапымнан барымша ақылымды қосамын, өз өздеріне сенімсіз болып жатса алдын ала үлгі ретінде бір екі данасын тігіп ұсынамын.
⠀
Мен үшін нәтиже маңызды. Міндетім - мінсіз дүниені шығару. Әр клиентімнің ризашылы - еңбегімнің жанғаны.

23/05/2022

“Тарихы жоқ ел тамыры жоқ ағаш секілді”
деген мақалды халқымыз бекер айтпаған. Ұлттық ою-өрнекте ата-бабаларымыздың өсиеті сақталған, олардың мәнін ашу арқылы біз өзімізді тани аламыз.
Қазақ оюларын зерттеу барысында суретші әрі дизайнер Ерлан Қожабаев мынадай қорытындыға келген екен:

Шиыршық- өмір, эволюция, даму, сондай-ақ бұл белгінің прототипі арқар мүйізі болуы мүмкін;

Теңқабырғалы айқыш свастика -солярлық белгі, тәңіршілдік белгісі;

Шеңбер-Күн және Мәңгілік көк аспан.

Үшбұрыш-қасиетті тау -Ұлытау;

Шаршы -Жердегі тіршілік;

S тәрізді белгі -шексіздіктің нышаны.

Қошқар мүйіз -Пирамиданың жайылып көрсетілген түрі, теңқабырғалы айқыш, свастика мен суастика тауға апаратын және одан төмен түсетін жолды, тау қойнауындағы тіршілікті меңзейді

Қараңыздаршы, сонда әрбір көрпешеге түскен оюдың өзінің мағ