21/08/2024
ເມື່ອວັນທີ 19 ເດືອນ 8 ປີ 2024, ພິທີມອບ-ຮັບເງິນລົງທຶນຊຸດທໍາອິດ ຈໍານວນ 400,000,000ໂດລາສະຫະລັດ ລະຫວ່າງໂຄງການອ້ອມອາຊີສາກົນ•ໂຄງການວຽງຈັນນະຄອນສີຂຽວ ແລະ ບໍລິສັດການຄ້າຮາມດາອຸຍໂຮນດິ້ງສາກົນ ຈັດຂຶ້ນທີ່ ໂຄງການອ້ອມອາຊີສາກົນ ໃນເຂດເສດຖະກິດພິເສດບຶງທາດຫຼວງ ແຂວງນະຄອນຫຼວງວຽງຈັນ ປະເທດລາວ, ພາຍໃນງານມີຜູ້ນໍາຈໍານວນຫຼາຍເປັນກຽດເຂົ້າຮ່ວມ: ຜູ້ນໍາປະເທດລາວ, ທ່ານ ຈ້າວເພີຍຈົງ (Zhao Peizhong) ປະທານຂອງ ບໍລິສັດຊີນກາງ, ທ່ານ ຫວັງ ຊິງອານ (Wang Qing an), ທ່ານ Younes Hamdaoui Ei Bou ປະທານຂອງ ບໍລິສັດການຄ້າ ຮາມດາອຸຍໂຮນດິ້ງ ສາກົນ ແລະ ຜູ້ນໍາອື່ນໆທີ່ເປັນກຽດເຂົ້າຮ່ວມໃນພິທີລົງນາມ.
ບໍລິສັດການຄ້າ ຮາມດາອຸຍໂຮນດິ້ງ ສາກົນເປັນ ບໍລິສັດລະຫວ່າງປະເທດທີ່ໃຫ້ບໍລິການທາງການເງິນ ຢ່າງເຕັມຮູບແບບ, ຂອບເຂດທຸລະກິດຂອງພວກເຮົາຄວບຄຸມເຖິງການຕະຫຼາດທາງການເງິນ, ການວິໄຈຕະຫຼາດ,ການຄຸ້ມຄອງຫຼັກຊັບ, ການເຂົ້າເຖິງຕະຫຼາດ, ການຂະຫຍາຍອົງກອນ,ການຮວບຮວມກິດຈະການແລະ ການແປງສິນຊັບເປັນຫຼັກຊັບ, ການວາງແຜນ, ການຕິດຕາມຊັບສິນ, ການປັບປ່ຽນໂຄງສ້າງໜີ້ສິນ, ການພັດທະນາໂຄງການທາງເສດຖະກິດ,ການອອກແບບໂຄງການທາງການເງິນ, ກົນລະຍຸດການຊື້ຂາຍ, ການເພີ່ມປະສິດທິພາບການລົງທຶນ ແລະ ການເພີ່ມປະສິດທິພາບພາສີອາກອນ ແລະ ສາຂາອື່ນໆ.
ການຮ່ວມມືທາງກົນລະຍຸດລະຫວ່າງທັງສອງຝ່າຍບໍ່ພຽງແຕ່ເປັນອະນາຄົດທີ່ໄດ້ປະໂຫຍດທັງສອງຝ່າຍສໍາລັບໂຄງການອ້ອມອາຊີສາກົນ•ໂຄງການວຽງຈັນນະຄອນສີຂຽວ ແລະ ບໍລິສັດການຄ້າຮາມດາອຸຍໂຮນດິ້ງສາກົນ, ແຕ່ຍັງຊ່ວຍສົ່ງເສີມການແລກປ່ຽນທາງເສດຖະກິດ ແລະ ມິດຕະພາບລະຫວ່າງ ປະເທດຈີນ, ປະເທດລາວ ແລະ ປະຊາຊົນລະຫວ່າງປະເທດ, ມີໜ້າທີ່ສົ່ງເສີມການພັດທະນາເສດຖະກິດຂອງປະເທດລາວ. ການຮ່ວມມືດັ່ງກ່າວສະແດງໃຫ້ເຫັນວ່າທັງສອງຝ່າຍຈະຮ່ວມກັນສໍາຫຼວດທາງການຕະຫຼາດໃໝ່ໆ, ໂດຍສະເພາະໃນອະສັງຫາລິມະຊັບ, ໂຄງສ້າງພື້ນຖານ ແລະ ໂຄງສ້າງພະລັງງານສີຂຽວ. ການຮ່ວມມືຂ້າມປະເທດນີ້ບໍ່ພຽງແຕ່ອໍານວຍຄວາມສະດວກໃນການມູນວຽນຂອງເງິນທຶນ ແລະ ເຕັກໂນໂລຊີເທົ່ານັ້ນ, ແຕ່ຍັງຂັບເຄື່ອນນະວັດຕະຍາກໍາ ແລະ ການພັດທະນາທີ່ຍື່ນຍົງອີກດ້ວຍ.
ໂຄງການອ້ອມອາຊີສາກົນ ແລະ ໂຄງການວຽງຈັນນະຄອນສີຂຽວ ເລີ່ມກໍ່ສ້າງເມື່ອວັນທີ 5 ເດືອນພະຈິກ ປີ2019 ໃຊ້ເວລາກໍ່ສ້າງເກືອບ 5ປີ, ໂຄງການອ້ອມອາຊີສາກົນ ຕຶກ #8 ອາຄານສໍານັກງານຫ້ອງການ, ຕຶກ #9 #10 ອາຄານຄອນໂດມີນຽມ ແລະ ຕຶກ #6 ອາຄານອາພາດເມັ້ນ ສໍາລັບໂຄງຮ່າງຂອງຕຶກແມ່ນສ້າງສໍາເລັດແລ້ວ, ໂຄງການວຽງຈັນນະຄອນສີຂຽວ ຕຶກ #5 ອາຄານອາພາດເມັ້ນ, ຕຶກ #6 #7 ອາຄານຄອນໂດມີນຽມ ສໍາລັບໂຄງຮ່າງຂອງຕຶກແມ່ນສ້າງສໍາເລັດແລ້ວ, ເດືອນ 8 ປີ 2023 ເປັນມື້ເປີດສູນການຕະຫຼາດຢ່າງເປັນທາງການ ແລະ ເດືອນ 10 ປີ 2023 ເປັນມື້ເປີດຫ້ອງຕົວຢ່າງຄັ້ງຍິ່ງໃຫຍ່ທີ່ຕົບແຕ່ງສົມບູນ, ຮູບພາບການດໍາລົງຊີວິດໃນອະນາຄົດຂອງນະຄອນຫຼວງວຽງຈັນກໍາລັງຄ່ອຍໆເຜີຍອອກມາ.
