18/07/2026
ලෝකයම බලාපොරොත්තු වූ විදුලි වාහන තාක්ෂණයේ දැවැන්තම පිම්මක් තබන්නට චීන පර්යේෂකයන් පිරිසක් සමත්ව තිබෙනවා. දැනට බහුලව භාවිත වන ලිතියම්-අයන් (Lithium-ion) බැටරි වෙනුවට, ඉතා අඩු පිරිවැයකින් නිෂ්පාදනය කළ හැකි සහ විනාඩි 4ක් වැනි කෙටි කාලයකින් සම්පූර්ණයෙන්ම චාර්ජ් කළ හැකි නවතම සෝඩියම්-මෙටල් (Sodium-metal) බැටරියක් ඔවුන් සාර්ථකව නිපදවා තිබෙනවා. මේ දක්වා සෝඩියම් බැටරි තාක්ෂණයේ තිබූ ප්රධානතම ගැටලුවක් වූ 'සෝඩියම් ඩෙන්ඩ්රයිට්ස්' (Sodium Dendrites) හෙවත් බැටරිය අභ්යන්තරයේ ඇති වන රසායනික ස්ඵටික තැන්පතු නිසා බැටරිය කෙටි පරිපථ (Short-circuit) වීමේ අවදානම වැළැක්වීමට මෙහිදී විශේෂ 'Quasi-solid Gel' ඉලෙක්ට්රොලයිට් එකක් භාවිතා කර තිබීම විශේෂත්වයක්.
මෙම අති නවීන බැටරිය පරීක්ෂණ මට්ටමේදී කිසිදු දෝෂයකින් තොරව පැය 6,000කට වඩා වැඩි කාලයක් ක්රියාත්මක වී ඇති අතර, විනාඩි 20ක සාමාන්ය චාර්ජ් කිරීමකින් පසුව චක්ර (Cycles) 2,000ක් පුරා එහි ධාරිතාව 90%ක්ම රඳවා ගැනීමට සමත්ව තිබෙනවා. ලිතියම්වලට සාපේක්ෂව සෝඩියම් යනු පෘථිවියේ ඉතා බහුල මෙන්ම මිලෙන් ඉතා අඩු මූලද්රව්යයක් බැවින්, ඉදිරියේදී විද්යුත් වාහන සහ මහා පරිමාණ බලශක්ති ගබඩා කිරීමේ පද්ධතිවල පිරිවැය විශාල ලෙස අඩු කිරීමට මින් මග පෑදෙනු ඇත. දැනට පරීක්ෂණ මට්ටමේ පවතින මෙම තාක්ෂණය වාණිජමය වශයෙන් වෙළඳපොළට පැමිණීමට පෙර තවදුරටත් පරීක්ෂණ රැසකට භාජනය කිරීමට නියමිතයි.
💡 මේ වගේ ලෝකය වටා සිදුවන සුවිශේෂී විද්යා හා තාක්ෂණික තොරතුරු එසැණින් දැනගන්න, දැන්ම අපේ sinharuu Facebook පිටුව Follow කරලා එකතු වෙන්න!
