දකුණු පළාත් ජනතා සැලසුම් සංසඳය - PPF Suthern

  • Home
  • Sri Lanka
  • Badulla
  • දකුණු පළාත් ජනතා සැලසුම් සංසඳය - PPF Suthern

දකුණු පළාත් ජනතා සැලසුම් සංසඳය - PPF Suthern ආහාර සෛරීභාවය මත පදනම් වූ ගොවිජන ව්‍යාපාරයක් ✊

25/07/2026

පාරිසරික යෙදවුම් භාවිතා කරලා රසායනික පොහොරවලින් තොරව වී වගාව කරන්න පුලුවන්ද කියලා පරික්ෂා කරන ගමන් අද්දැකීම් බෙදාගන්න,

හම්බන්තොට අඟුණකොළපැලැස්සෙ ශ්‍රියානි සතරසිංහ ගෙවිලිය.



22/07/2026

අපි රසායනික කෘෂිකර්මාන්තයට අභියෝග කරන්නෙ හිතලු මත පදනම්වෙලා නෙවෙයි.

පරිසර විද්‍යාත්මක ගොවිතැන සහ රසායනික ගොවිතැන එක සමානව අද්දැකීම් ලබලයි,

ගොවියට වඩාත් ලාභදායි සහ අපට ගැලපෙන එක පරිසර විද්‍යාත්මක ගොවිතැන බව තහවුරු කරන්නෙ.

මේ දශක එකමාරක විතර කාලයක් තිස්සෙ රසායනික ගොවිතැනේ හිටපු අඟුණකොළපැලැස්සෙ නෙල්කගෙ අද්දැකීම.

21/07/2026

වී වලට 120ක් මදිද ? කුඹුරු ගොවිතැන පාඩුද ?



අපි දන්නවා රසායනික කෘෂිකර්මාන්තය ලංකාවේ වී වගාව ගිලගෙන තියෙන්නෙ. ඒකත් එක්ක ලංකාවෙ වී වගා ගොවියා ලබනවට වැඩිය ආදායමක් කන්න...
15/07/2026

අපි දන්නවා රසායනික කෘෂිකර්මාන්තය ලංකාවේ වී වගාව ගිලගෙන තියෙන්නෙ. ඒකත් එක්ක ලංකාවෙ වී වගා ගොවියා ලබනවට වැඩිය ආදායමක් කන්නයක් පාසා සමාගම් ලබන එක නියතය වෙලා තියෙන්නෙ.

වැස්ස වැඩි උනත්, වැස්ස අඩු උනත්, වැස්ස නියමිත විදිහට ලැබුනත් සමාගම්වල ආදායමට ඒක ලොකු බලපෑමක් නැ.

මේ තත්වය වෙනස් කරලා තමන්ගෙ ගොවි බිම ඇතුලෙම කම්කරුවෙක් වෙලා ඉන්න එක නවත්තන එක හිතන තරං පහසු නැ.

ඒක කරන්න බෑ ප්‍රශ්නෙ මැදකින් අල්ලගෙන.

⁣ඒක කරන්නනම් ගොවියා තමන්ගෙ ගොවි බිම ඇතුලෙම ගොවිතැන පවත්වාගෙන යන්න පුලුවන් කෙනෙක් බවට පත් කරන්න ඕනෙ. ඒකට භාහිර යෙදවුම් කෘමි නාශක අවශ්‍ය නොවන ගොවියෙක් බවට ගොවියා ගොඩනංවන්න ඕනෙ.

දකුණු පළාත් ජනතා සැලසුම් සංසඳය කාලෙක ඉදලා වී වගාවෙ රසායනික පොහොරවලට සාර්ථක විසදුම් ගොවියා එක්ක අත්හදා බලමිනුත් සාර්ථකත්වයට පක්වෙමිනුත් ඉන්න.

හැබැයි සැබෑ අභියෝගය තියෙන්නෙ කෘමි නාශක වලින් මිදෙන්නෙ කොහොමද කියන කාරනේ ඉස්සරහයි.

ඒකට කොළඹ ඉදන්වත් - ගාල්ලෙ ඉදන්වත් වල්තෙල් ගහන්න එපා' කියන එක ගොවියට විසදුම් ගේ⁣න්නෙ නැ.

අතට අහුවෙන මොනවා හරි බීජයක් කුඹුරට විසිකරලා දාලා ( වපුරලා ) අස්වැන්න ඵලින් බරවෙනකං හිටියට ඒක එහෙම වෙන්නෙ නැ.

වැපුරුවොත් වල්තෙල් ගහන්නම වෙනවා. නැත්තං වල් මර්දනය කරන එක ලේසි නැ.

අපි මේ උත්සාහ කරන්නෙ අතට අහුවෙන බීජ ටික කුඹුර විසිකරලා දාන එකට එහෙම නැත්තං වපුරනවා කියන එකට තිත ති⁣යන්න.

ඒකත් එක්ක වල්තෙල් නැතුව කුඹුරෙ වල් මර්දනයට තියෙන හැකියාව වර්දනය කරගන්න.

ඒකට අවශ්‍ය න්‍යාත්මක වගේම ප්‍රායොගික මැදිහත් වීමක් දකුණු පළාතෙ ගොවි - ගෙවිලියන් 40ක් එක්ක විතර හම්බන්තොට දඹරැල්ලෙදි පහුගිය දවසක අපි කරා.

මේ ඒකෙ ඡායාරූප කිහිපයක්.

මේක වෙනස් කලහැකියි. සෙමින් නමුත් අපි ඒක කරනවා. ✊

01/07/2026

සූරියවැව වසර 30කට වැඩි කාලයක් රසායනික ගොවිතැන කරපු පී. ගුණපාලට මොකද උනේ ?

දඹරැල්ලේ ගොවි කතාව හම්බන්තොට දිස්ත්‍රික්කයේ දඹරැල්ල ගම රත්නපුරට මයිමට වෙන්න පිහිටා තියෙන ගමක්.වියලි කලාපයේ බොහෝ දේශගුණික...
16/05/2026

දඹරැල්ලේ ගොවි කතාව

හම්බන්තොට දිස්ත්‍රික්කයේ දඹරැල්ල ගම රත්නපුරට මයිමට වෙන්න පිහිටා තියෙන ගමක්.

වියලි කලාපයේ බොහෝ දේශගුණික ලක්ෂණ වලින් පිරිච්ච දඹරැල්ල වියලුම කාලෙට අදික විදිහට ජල හිඟයට මුහුණ දෙනවා.

ජල හිඟය කොච්චර දරුනු උනත් දඹරැල්ල ගමේ මිනිස්සු සභාදහමෙන් දීපු සාරවත් පස පෙරලලා රටේ ආහාර වලට අවශ්‍ය භෝග වර්ග විශාල ප්‍රමාණයක් වගා කරනවා.

මේ අතරින් වී, කෙසෙල්, බඩඉරිඟු හා පොල් විශේෂයි.

අපි දන්නවා දිස්ත්‍රික්ක මායිමකට හරි පළාත් මායිමකට හරි ලංවෙච්ච ගමක් උනාම ලංකාවෙ ගම්මු මුහුණ දෙන පොදු ගැටළු පුමාණයක් තියෙනවා. දඹරැල්ල ගමේ මිනිස්සුත් නොසලකා හැරීම නිසා මතුවෙච්ච ⁣මේ පොදු ගැටළු වලට විශාල වශයෙන් මුහුණ දෙනවා.

මේ අතරිනුත් ගොවි ප්‍රජාම තමයි විශාලම අවුලට පත්වෙලා ඉන්නෙ.

එක් පසෙකින් වියලි කලාපයේ මහවැලි ව්‍යාපාරය නිසා කැණීම් කරපු - ඉදිකිරීම් කරපු කුඩා ප්‍රමාණයේ වැව් ටිකක් දිහා බලාගෙන අහසින් වතුර වැටෙනකං පොලව අස්වද්දන්න බලාගෙන ඉන්න වෙලා තියෙනවා.

මහවැලි ව්‍යාපාරය යටතෙ වැව් ඉදිකෙරුනට ඒවා වගා බිම් දක්වා අරං යන්න කෙත් ඇල පද්දතියක් දඹරැල්ලෙ ඉදිවෙලා නැ.

අනිත් අතට මහන්සි වෙලා වගා කෙරුවත් අස්වැන්න පොලට අරං යන්න හරිහමන් මාර්ග පද්දතියක් ඉදිවෙලා නැ. ඉදිවෙච්ච මාර්ග උඩිනුත් කානුවලින් ගලා බහින්න ඕන වතුර බැහැලා හේදිලා ගිහින්.

අමාරුවෙන් හරි වවලා ප්‍රවාහනය කරගෙන ඇඹිලිපිටිය විශේෂ ආර්ථික මධ්‍යස්ථානයට අරං ගියත් ඇඹිලිපිටිය ආර්ථික මධ්‍යස්ථානය මාෆියා කාරයන්ගෙ තිප්පොලක් බවට පත්වෙලා.

දඹරැල්ලෙ ගැමියො වෙර වීරියෙන් තමන්ගෙ බිම අස්වද්දනවා. ඒත් මහන්සියට නිසි වටිනාකමක් ලංකාවෙ දැනට තියෙන කෘෂි කර්මාන්තයෙන් ලැබෙන පාටක් නම් පේන නැ.





මොකද්ද මේ ගැමි ගොවි සභාව ? අපේ කලාපෙ රටවල මිනිස්සු නව්‍යතාවයන් වලට හරි බයයි. එයාලා ගොඩක් වෙලාවට කල්පනා කරනවා නව්‍යතාවයන්...
02/04/2026

මොකද්ද මේ ගැමි ගොවි සභාව ?

අපේ කලාපෙ රටවල මිනිස්සු නව්‍යතාවයන් වලට හරි බයයි. එයාලා ගොඩක් වෙලාවට කල්පනා කරනවා නව්‍යතාවයන් අතපත්කර ගතයුත්තෙ සාමාන්‍ය මිනිස්සු නෙවෙයි වරප්‍රසාදලත් පන්තිය විසිනුයි කියලා.

නව්‍යතාවයන් වරප්‍රසාදලත් පන්තිය විසින් භුක්ති විදීමෙන් අනතුරුව තමයි සාමාන්‍ය මහජනතාව භුක්ති විදිය යුතු' කියන ආකල්පය බොහෝ විට ආරම්භ වෙන්න පටන් ගන්නෙ තීරණ ගැනීමේ තලයට පොදු මහජන තාවට මැදිහත් වෙන්න තියෙන අවකාශ්‍ය සීමා සහිත වීමත් එක්ක.

වෘත්තීය ගොවිතැන ජීවනෝපාය කරගත්ත දෙනියාය ගැමි ගොවි සංවිධාන 4ක ජනතාව තමන් වෙනුවෙන් තීරණ ගන්න ගොවි සභාවක් නිර්මාණය කරගත්තා. මේ සභාව ඔවුන්,

දෙනියාය ගැමි ගොවි සභාව

කියලා නම් කරගත්තා. ඔවුන් ඔවුන්ට අදාල ගොවිතැන සම්බන්ධ තීරණ ගැනීම වෙනුවෙන් නිර්මාණය කරගත්ත මේ සභාව බොහෝ දුරක් ගමන් කරමින් බලය අත්පත් කරගැනීම දක්යා යා යුතුව තියෙනවා.

ඒ දක්ව⁣ා යන මාර්ගයේදි ගොවිතැනට අදාල ආහාර සංකෘතියක් නිර්මාණය කරන එක ග්‍රාමීය නායකත්වයන් ස්ත්‍රී සහභාගීත්වය ඇතුව නිර්මාණය කරන එක සහ ඔවුන්ට අදාල සියලු ආකාරයේ තීරණ ඔවුන් විසින්ම ගන්න බලපෑම් කරන එක ගැමි ගොවියො තමන් වෙතම පවරා ගෙන තියෙනවා.

දිග ගමනක් - විශ්වාසයෙන් යන්න ඕනෙ මග සලකුණු කරලා තියෙනවා.

27 මාර්තු 2026

#ගැමි_ගොවි_සභාව


ජනාධිපති හම්බවෙලා දෙකෙන් එකක් විසදගන්න මාතර ගොවියො කොළඹ ආවා ✊අවුරුදු 7කට කිට්ටු කාලයක් මාතර නිල්වලා ලවණ බාධකය නිසා ගංවතු...
02/04/2026

ජනාධිපති හම්බවෙලා දෙකෙන් එකක් විසදගන්න මාතර ගොවියො කොළඹ ආවා ✊

අවුරුදු 7කට කිට්ටු කාලයක් මාතර නිල්වලා ලවණ බාධකය නිසා ගංවතුරෙන් පීඩා විඳින ගොවීන්ට සිදු වෙච්ච හානියට වන්දි ගෙවන්න කැබිනට් මණ්ඩලය මුදල් අනුමත කළා. ඒ් මුදල් දිස්ත්‍රික් ලේකම් වරයාට බැරකරලා තිබුනත්, මේ ගොවීන්ට මෙතෙක් ඒ මුදල් ගෙවා නෑ. වන්දි ලේඛණ සකස් කරලා සියලු තොරතුරු තිබුනත් නිලධාරීන් අතින් ලේඛණ සකසන විට සිදු වූ වැරදි නිසා මේ වන්දි නිදහස් කරන්නේ නෑ කියලා ගොවීන් චෝදනා කරනවා. මේ ගැන ජනාධිපතිවරයාට දැනුම් දෙන්න අද මාතර ගොවීන් පිරිසක් අද කොළඹ ජනාධිපති ලේකම් කාර්යාලය ඉදිරිපිට නිහඬ විරෝධතාවක් පැවැත්වුවා. මෙහි දී ගොවි නියෝජිතයින් ජනාධිපති මහජන සම්බන්ධතා අධ්‍යක්ෂ ජනරාල් ඩී. ගමගේ මහතා හමුව තම පැමිණිල්ල ඉදිරිපත් කළ අතර ඉදිරි මාසය තුල ජනාධිපති වරයා හමුවීමට අවස්ථාවක් සලසා දෙන බව ඒ් මහතා පවසා තිබෙනවා. මෙම අනුමත වූ වන්දි මුදල් ලබා දීම සම්බන්ධයෙන් කඩිනමින් ජනාධිපති වරයා සමඟ සාකච්ඡා කර ගොවීන්ට ජනාධිපතිවරයා හමුවීමට අව‍ස්තාව සලසා දෙන බව ජනාධිපති මහජන සම්බන්ධතා අධ්‍යක්ෂ ජනරාල්වරයා මෙහිදී එකගතාව පළ කළා.

26 මාර්තු 2026

Address

Badulla

Website

Alerts

Be the first to know and let us send you an email when දකුණු පළාත් ජනතා සැලසුම් සංසඳය - PPF Suthern posts news and promotions. Your email address will not be used for any other purpose, and you can unsubscribe at any time.

Shortcuts

Share

Category