15/10/2026
පොළොන්නරුව දිස්ත්රික් රණවිරු සංසද නිලධාරී හමුව 2026.10.13 දින සාර්ථකව පැවැත්විණි
රණවිරු සේවා අධිකාරියේ උප සභාපති මේජර් ජෙනරල් එම්එච්එස් යුසුෆ් වීඑස්වී, යුස්පී, එල්එස්සී ප්රධානත්වයෙන්, පොළොන්නරුව දිස්ත්රික්කයේ රණවිරු සංසද සඳහා 2026 වර්ෂයට අලුතින් පත්වූ නිලධාරීන් දැනුවත් කිරීමේ විශේෂ හමුවක් 2026 ඔක්තෝබර් මස 13 වන දින තමන්කඩුව ප්රාදේශීය ලේකම් කාර්යාලයේ පුලස්ති ශ්රවණාගාරයේදී සාර්ථකව පැවැත්විණි.
මෙහි දී 2026 වර්ෂය සඳහා පත්වූ රණවිරු සංසද නිලධාරීන් දැනුවත් කිරීම, නිලධාරීන් අතර සම්බන්ධීකරණය හා අන්යෝන්ය සහයෝගීතාව වර්ධනය කිරීම හා රණවිරු පවුල්වල සුබසාධන කටයුතු වඩාත් ඵලදායීව හා කාර්යක්ෂමව ක්රියාත්මක කිරීම පිළිබඳ ප්රධාන වශයෙන් සාකච්ඡා කරන ලදි.
මෙම අවස්ථාව සඳහා තමන්කඩුව සහකාර ප්රාදේශීය ලේකම්තුමන්, ප්රාදේශීය ලේකම් කාර්යාලයේ නිලධාරීන් සහ පළාත් අංශයේ නියෝජ්ය අධ්යක්ෂ ආර්.කේ. ශාන්තසිරි මහතා, ව්යාපෘති නිලධාරී මේජර් වසන්ත මහතා, පොළොන්නරුව දිස්ත්රික් රණවිරු සංසද නිලධාරීන් ඇතුළු පිරිසක් සහභාගී වූහ.