05/01/2022
අම්බානිගේ ඇන්ටීලියා
ඉන්දියාවේ මුකේෂ් අම්බානි ඉන්දියාවේ පමණක් නොව, සමස්ත ආසියාවේම ධනවත්ම පුද්ගලයා වශයෙන් හැඳින්වේ. Reliance, Jio, Network18 ඇතුළු බොහෝ සමාගම් වල අයිතිය, සම්පූර්ණ වශයෙන් හෝ කොටස් වශයෙන් අම්බානි සතුය. Forbes වෙබ් අඩවිය වාර්තා කරන අන්දමට 2021 දෙසැම්බර් මස වන විට මුකේෂ් අම්බානිගේ මුළු වත්කම ඇමෙරිකානු ඩොලර් බිලියන 92.7 කි.
1957 වසරේ අප්රේල් මස 19 වැනිදා උපත ලබා තිබෙන මුකේෂ් අම්බානි, ක්රිකට් රසිකයන් අතර ජනප්රියව තිබෙන්නේ සුප්රකට මුම්බායි ඉන්දියන්ස් කණ්ඩායමේ අයිතිකරු වශයෙනි. ඔහු තිදරු පියෙකු වන අතර ඔහුගේ බිරිඳ වන නීතා අම්බානි ද ක්රිකට් රසිකයන් අතර ඉතා ජනප්රිය චරිතයකි.
මුකේෂ් අම්බානිගේ නිවස හැඳින්වෙන්නේ ඇන්ටීලියා නමිනි. ඇන්ටීලියා නිවස අක්කරයකට වැඩි භූමි ප්රමාණයක ඉඳීවී තිබේ. නිවස තට්ටු 27කින් සමන්විත වන අතර අඩි 568ක උසකින් යුක්තයි. නිවසේ සමස්ත වර්ග අඩි ප්රමාණය වර්ග අඩි ලක්ෂ හතරක් බව ද වාර්තා වේ. හෙලිකොප්ටර් අංගන තුනක්, වාහන 168ක ගරාජයක්, විශාල උත්සව ශාලාවක්, අධිවේග විදුලි සෝපාන නවයක්, ආසන 50ක නවීන සිනෙමා ශාලාවක්, විශාල පිහිනීම් තටාකයක්, කායවර්ධන මධ්යස්ථානයක්, කෝවිලක් සහ හිම කාමරයකින් ද ඇන්ටීලියා සමන්විතයි. ඇන්ටීලියාහි සේවක මඩුල්ල 600ක් පමණ වන බවද වාර්තා වේ. මාපක අංක 8ක භූමිකම්පාවකට වූවත් ඔරොත්තු දිය හැකි මට්ටමෙන් නිවස ඉඳිකර ඇත.
මුම්බායි නගරයේ ඉතා වටිනා ප්රදේශයක ඇන්ටීලියා නිවස පිහිටා ඇති අතර එම භූමි ප්රමාණය 2002 වසරේදී මුකේෂ් අම්බානි විසින් මිලදී ගෙන තිබෙන්නේ ඇමෙරිකානු ඩොලර් මිලියන 2.8ක මුදලකටයි. ඩලාස්හි Perkins & Will සහ ලොස් ඇන්ජලීස්හි Hirsch Bedner Associates යන සමාගම් ද්විත්වය විසින් 2006 වසරේදී නිවසෙහි ඉඳිකිරීම් කටයුතු ආරම්භ කර ඇත. 2010 වසරේදී ඉඳිකිරීම් කටයුතු අවසන් කර ඇත. නිවස ඉඳිකිරීමට ඇමෙරිකානු ඩොලර් බිලියන 1 - 2 අතර මුදලක් වැයවී තිබේ.
2021 වසරේ වනවිට මුකේෂ් අම්බානිගේ ඇන්ටීලියා නිවසෙහි වටිනාකම ඇමෙරිකානු ඩොලර් බිලියන 2.2ක් වන බවට ගණන් බලා තිබෙන අතර ඇන්ටීලියා නිවස ලෝකයේ මිල අධිකම පෞද්ගලික නිවස වශයෙන්ද හැඳින්වේ. (යම් වෙබ් අඩවි වලට අනුව ලෝකයේ මිල අධිකම නිවස වන්නේ එංගලන්තයේ රාජකීය පවුල් ජීවත් වන බකිංහැම් මාළිගාවයි. බකිංහැම් මාළිගාවේ වටිනාකම ඩොලර් බිලියන 4.9ක් පමණ වේ.)
අපගේ ෆේස්බුක් පිටුවටත් ලයික් එකක් දාන්න
