Negombo News

23/04/2026

22/04/2026

මීගමුව පෝරුතොට රුවල් ඔරු තරගය - (Part 02)
Negombo Poruthota Sailing Race

22/04/2026

මීගමුවේ පෝරුතොට රුවල් ඔරු තරගයේ විස්තර මුහුද මැද සිට
Details of the Poruthota Sailing Race (Part 01)

21/04/2026

පාස්කු ප්‍රහරයේ වින්දිතයන් සිහිපත් කරමින් යැදුම් පා ගමනක්

‘පාස්කු ඉරුදින ත්‍රස්ත ප්‍රහාරය’ට වසර 7ක් සපිරෙන අද (21) නිමිති කරගෙන, මිගමුව මාරිස්ටෙලා විදුහලේ සිට කටුවපිටිය ශාන්ත සෙබස්තියන් දේවස්ථානය දක්වා විශේෂ පාගමනක් පැවැත්විණි.

“සමිදාණෙනි යුක්තිය හා සත්‍ය වෙත අප ගෙනගිය මැනව” යන තේමාව යටතේ පැවති මෙම පාගමන සවස 5.30ට ආරම්භ විය.

මෙම අවස්ථාවට මැල්කම් කාදිනල් රංජිත් හිමිපාණන්, පියතුමන්, කන්‍යා සොයුරියන්, වින්දිතයන්ගේ ඥාතීන් සහ බැතිමතුන් විශාල පිරිසක් එක්ව සිටියහ.

මෙම පා ගමන හරහා පාස්කු ප්‍රහරයේදී ජීවිත අහිමි වූවන්ට ගෞරව දැක්වීමත්, වින්ධිතයන් සඳහා සාධාරණත්වය ඉල්ලා සිටීමත්, ජාතික සමගිය සහ සාමය ප්‍රාර්ථනා කිරීමත් අරමුණ විය.

ගම්පහ නිව්ස් ඇසුරෙන්

21/04/2026

මෙවර ලංකාවේ දුර්ලභම හා අලංකාරම අවුරුදු ක්‍රීඩාව මීගමුවේ. මීගමුවටම ආවේනික හා මීගමුවේ උපන් යාත්‍රා පෙළහර
මෙවර අලුත් අවුරුද්ද වෙනුවෙන් ලංකාවේ පැවැත් වූ දුර්ලභම හා එකම රුවල් ඔරු තරගය මීගමුවේ පොරුතොට ප්‍ර දේයේ දී දැකබලා ගත හැති විය. මෙවැනි රුවල් ඔරු තරග ලෝකයේ ඉතාමත් කලාතුරකින් දැකගත හැති දුර්ලභ තරගයක විශේෂයකි.
වසර 07ක් තිස්සේ ෙපෝරුතොට ජනතාව මෙම අවුරුදු උත්සවය සංවිධානය කර තිබුණ ද මෙතරම් අලංකාර ලෙස හා මාධ්‍ය හරහා ජනතාවට දැකගැනීමට හැකි වූ පළමු අවස්ථාව මෙය විම විශේෂත්වයකි.
කොච්චිකඩේ ප්‍රජා පොලීසිය හා පෝරුතොට සිවිල් ආරක්ෂක කම්ටුව එක්ව රාජ්‍ය නිළධාරින්ගේ සහභාගිත්වයෙන් ද ගිහි පැවිදි පිරිස්වල ආශිර්වාදයෙන් ද ආරක්ෂක අංශ හා විවිධ සංවිධානවල දායකත්වයෙන්ද මෙම අවුරුදු උළෙල වර්ණවත් වී තිබුණි.
මෙම උත්සවය වෙනුවෙන් බාල මහලු සැමට සහභාගිවිය හැකි තරග රැසක්ම සංවිධානයකොට තිබු අතර මුදල්වෙනුවට ජයග්‍රාහකයන් හට නිවසට අවශ්‍ය උපකරණ ලබාදීමද විශ්ෂත්වයක් විය.
රුවල් ඔරු තරගය මෙහි කෑපී පෙනෙන අංගය වූ අතර ජයග්‍රාහකයන්හට රුපියල් ලක්ශයේ සිට විසිපන්දහස දක්වා ත්‍යාග හිමි විය.
මෙ හි මූලික අරමුණ වී තිබුණේ සිංහල දමිළ මුස්ලිම් ජනයා අතර ජාතික හා ආගමික සහයෝගිතාව වර්ධනය කිරීමත් ක්‍රීඩාව හරහා තරුණ තරුණියන්ගේ දක්ෂතා මතුකර ඔවුන් මත්ද්‍රව්‍යට ඇතුලු විවිධ අබ්බැහිවීම් හා අහිතකර තත්වයන්ගෙන් මුදවාගෙන සමාජයට වැඩදියක පිරිසක් බවට පත්කිරිමය
මෙම දෙමළ සිංහල අලුත් අවුරුදු උත්සවය සංවිධානය කිරිම සිංහල ජනතාවගේ ද සහය ඇතිව මුස්ලිම් තරණ ප්‍රජාව මුල්තැනගෙන ක්‍රියා කිරීම තිබීම කැපී පෙනෙන සිදුවීමකි.
රුවල් ඔරු තරගය මුහුද මැද සිට සජීවිව නරඹමින් රූප ගත කිරිමේ දුර්ලභ අවස්ථාව සංවිධායක මණ්ඩලය විසින් අපට ලබා දී තිබු අතර එහි දර්ශන ඊලග වීඩියෝවෙන් ඔබ වෙත ගෙන ඒමට බලාපොරොත්තු වෙමු. මෙය ඉතාමත් මනස්කාන්ත දර්ශයක් වූ නමුත් රූප ගත කිරීම පහසු කටයුත්තක් නොවීය - සංවිධායක මණ්ඩලය හා සංවාදයේ යෙදෙමින් Negombo News කණ්ඩායම මුහුද මැද ගත කළ ඒ සුන්දර හා අමතකනොවක හෝරා කීපය ඒ ආකාරයෙන්ම ඊලග වීඩියෝවෙන් දැක ගැනීමට සලස්වන්නට අප සුදානම්.
මේ සදහා සහය දුන් සංවිධායක මංඩලයේ සියලුදෙනාටත් සියලුරාජ්‍ය නිළධාරින් හා දූවන මීසමේ පියතුමන්ටත් කොච්චිකඩේ ප්‍රජා පොලිසිය හා පෝරුතොට සිවිල් ආරක්ෂක කමිටුව ඇතුලු සහය දුන් සැමටත් ගම්වැසියන්ටත් ස්තුතිය පුද කර සිටිමු.

19/04/2026

පෝරුතොට රුවල් ඔරු තරගයේ (2026/04/19) සම්පූර්ණ වැඩසටහන බලාපොරොත්තු වන්න

15/04/2026

මීගමු දූවේ ධීවරයෝ (1980)
මෙය 80 දශකයේදී විදේශීකයන් පිරිසක් විසින් මීගමුව දූව ග්‍රාමය මුල් කරගනිමින් පාස්කු කලාව හා ධීවර ජන ජීවිතය පිළීබද සකස්කර ඇති වාර්තා වැඩ සටහනකි. මීට සමගාමීව මොවුන් එවකට මීගමුවෙ වෙනත් පුදේශවල ද ජන ජීවිතය අළලා ද විවිධ වීඩියෝ වැඩ සටහන් කීපයක් නිර්මාණය කර ඇතැයි එම වීඩියෝ දර්ශන දුටුවන් පවසති.
මීගමුවෙන් පසු ඔවුන් විසින් රූපගත කර ඇති නුවර පෙරහැර ආශ්‍රිත ජන ජීවිතය හා දර්ශන අන්තර්ජාලයෙන් දැක ගත හැක. වර්ණ කැමරා බිහිවුණූ මුල් යුගයේදී මොවුන් මෙවැනි වැඩ සටහනක් නොකරන්නට අපට කිසිදා මේ අතීත සිහිවටන දැක ගත නොහැකිවනු ඇත. මෙම දර්ශනවල පෙනීසිටින බොහොමයක් දෙනා මේවන විට ජීවතුන් අතරනොසිටින්නට පුලුවන.
මෙම රූප රාමුවල සිටින යම් අයෙකු හෝ ඔවුන්ව හදුනන අයෙකුවේ නම් එවකට ඒ අයගේ අත්දැඑකීම මෙහි කමේන්ට් තීරුවේ සටහන් කළොත් වත්එමන්ය පරපුරට එය ඉතා වැදගත් සටහනක් වේවි.

පසු සටහන..................

මෙම වීඩියෝව නරඹන සෑම අයෙක්ම වෙනුවෙන් මේ වාර්තාමය චිත්‍රපටිය නිර්මාණය කළ එම යුවළට ස්තූතිවන්ත වෙමු.

හැත්තෑව දශකයේ අගදී මෙරටට විත් සිංහල භාෂාව හසුරුවීමටද ඉගෙනුම ලබා, 'Fishermen Of Duwa - දූවේ ධීවරයෝ' නම් වූ මෙම මහඟු වටිනා වාර්තාමය චිත්‍රපටිය ඇතුළු තවත් ගම්මාන දෙකක කතාන්දරයන් සහ එහි පසුබිම රූගත කල සහ නිපදවූ ඕස්ට්‍රේලියානු ජාතික යුවළක් වන Sharon Bell (Anthropologist - මානවවිද්‍යාඥ/මානවවේදි) සහ Geoff Burton (Cinematographer - සිනමා යාන්ත්‍රිකයා/සිනමාවේදී) දෙදෙනා හටද දූවේ ගම්වැසියන් සහ වර්තමානයේ මෙය නරඹන සියලුම දෙනාගේ කෘතඥතාව පුද කර සිටින්නෙමු.

(වීඩියෝව උපුටා ගැනීම අන්තර් ජාලයෙනි)

11/04/2026

වර්ෂ 2013 දී පිටිපන ප්‍රදේශය ආශ්‍රිතව රූපගතකරන ලද්දකි. මෙම දර්ශනවල පෙනීසිටින ඇතැම් ගම් වැසියන් මේ වන විට අප අතර නොමැති අතර ඔවුනට මේ සටහන උපහාරයක් වේවා!