Bhoomi Stats & Holdings

14/05/2021

07/02/2021

20/12/2020

09/11/2020

02/11/2020

#රත්නපුර #ඉඩම් #මැනීම

30/10/2020

ඉඩමක් මිළදී ගැනීමේ දී සැලකිලිමත් විය යුතු කරුණු.

ඉඩම් විකුණන කොට කරන වංචා.

1.එක ඉඩමක් පෙන්වා වෙන එකක් විකිණීම.

2.පාරවල් නැති ඉඩම් විකිණීම.

3.ඉඩම් කොටස උගස්කර තිබියදී එම උගස නිරවුල් නොකර ඉඩම විකිණීම.

4.හිමිකරු රට ඉන්න වෙලාවට ඉඩම බලා ගන්න කෙනා ඉඩම විකිණීම.

5.මායිම් ආරවුල් තිබෙන ඉඩම් විකිණීම.

6.ඉඩමේ අයිතිය ගැන නියමිත පත් ඉරුවේ ලියාපදිංචි කර තිබියදී එම නියමිත පිටුවට සම්බන්ධ නොකර වෙනම පිටුවක අලුත් ඉඩමක් ලෙස පෙන්වා නිරවුල් නොවන ඉඩමක් විකිණීම .

7.මුලු ඉඩමම බැOකුවකට උගස්කර තිබියදී එම ඉඩමෙන් කොටසක් විකිණීම.

8.නියමිත බිම් ප්‍රමාණය සැලැස්මේ තිබුණාට ඇත්‍තටම එම ප්‍රමාණය නොමැතිව ඉඩම විකිණීම.

9.ඉඩම් කට්ටි කිරීමේ සැලැස්ම ප්‍රාදේශීය සභාව/නගර සභාව වැනි ආයතනවලින් අනුමත නොකර විකිණීම.

10.ඉඩමේ අයිතිය වසර 30 ක් පමණ අතීතයට බලනකොට නිරවුල් නොවන අවස්ථාවල විකිණීම.

11.මුල් ඔප්පු නොගෙන ඔප්පු පිටපතක් ඉඩම් කාර්යාලයෙන් අරන් ඒක තමා මුල් එක කියලා විකිණීම.(මේ මගින් එක්තරා විදිහකට වංචා කරනවා)

12.පියා/මව මියගිය වෙලාවට එක දරුවෙක් විදේශගතව ඉන්න අවස්ථාවක් වුණත් "අපේ පවුලෙ ඉන්න මෙච්චරයි කියලා" සම්පූර්ණ ඉඩමම මෙහෙ ඉන්න කට්ටිය එකතු වෙලා විකිණීම.

13.ඉඩමට නඩුවක් තියෙන අවස්ථාවක ඒ ගැන සගවා ඉඩම විකිණීම.

14.ඉඩමෙන් තමන්ට හිමි ප්‍රමාණයට වඩා "මට මෙන්න මේ පංගුව අයිතියි "කියලා විකිණීම.

15.රජයේ ඉඩමක් කාලයක් තිස්සෙ භුක්ති විදීමෙන් පසු "PLAN එකක් ඇදලා,ප්‍රකාශණ ඔප්පු" ලියලා හොද හිමිකමක් තියෙන ඉඩමක් වගේ විකිණීම.

16.ඇටෝර්නි බලපත්‍රයක් මගින් දේපළ විකිණීමේදී යම් යම් වංචා කිරීම.

17.ඇටෝර්නි බලපත්‍රය මගින් "ඉඩම බදු දීමට පමණක් බලය දී තිබියදී විකිණීමට තැත් කිරීම".

18.නිවාඩු දිනවල පරණ පත් ඉරු පෙන්වා අලුත් ගනුදෙණු සගවා ඔප්පු ලිවීම.

19.නියම කෙනා වෙනුවට වෙන කෙනෙක් ඔප්පුව අත්සන් කිරීම.

20.හොරට ID ,එක පවා සාදා වෙන කෙනෙක් ඉදිරිපත් වී ඉඩම විකිණීම.

21.අදාල විකුණුම් මිලෙන් කොටසක් සදහා "වෙනත් අයකුගේ චෙක්පතක් මගින් හෝ වසා දැමූ ගිණුමක චෙක්පතක් මගින් ගෙවීම් කර පසුව ඒ සදහා මුදල් නොගෙවීම".

22.ඉඩමේ හිමිකරුවන් කීපදෙනෙක් ඉන්න වෙලාවක "අනිත් එක්කෙනා හෙට එක්ක එන්නම්" කියලා විකිණීමෙන් පසුව අදාල ආපු නැති කෙනා අත්සන් නොකිරීම.

23.ඇත්තටම උඩරට පුද්ගලයෙක් නොවන කෙනෙක් "උඩරැටියෙක් කියලා ප්‍රකාශ කරලා තෑගි ඔප්පු අවලංගු කර පසුව ඒ ඉඩම විකිණීම."

24.විකුණන ඉඩම "මූල්‍ය සමාගමකට වාහනයක් වෙනුවෙන් ඇප තබා එය නිරවුල් නොකර ඉඩම විකිණීම."

25.මාර්ග විශාල කිරීමේදී පාරට යන ඉඩමක් ඒ බව සගවා කලබලයට විකිණීම.

26.කුඹුරු වගේ කලින් තිබූ ඉඩම් ඉදිකිරීම් සදහා අවසර නැති බව දැන දැනම රවටා විකිණීම.

27.ඉඩමක් වෙනුවෙන් වාරික වශයෙන් ගෙවීමට එකගවූ පසු "ඒ මුදල් ගන්න රිසිට් එකේ ඉඩම ගැන කිසි දෙයක් සදහන් නොකර මුදල් ලබා ගැනීම" සහ පසුව ඉඩම ගැන ගැටලුවක් වූ විට මුදල් ආපසු දී ඉඩම වෙන කෙනෙකුට වැඩි මිලට විකිණීම.

මේ වගේ වංචා නිතර සිදු වෙනවා. මේවායින් ඔබව බේර ගන්න හොද නොතාරිස්/නීතිඥවරයෙකුට "වගකීමෙන් සහ සැලකිල්ලෙන් ක්‍රියා කරලා " පුලුවන්.