Quelles sont les heures d'ouverture ?

Lundi 08:00 - 17:00 Mardi 08:00 - 17:00 Mercredi 08:00 - 17:00 Jeudi 08:00 - 17:00 Vendredi 08:00 - 17:00

JANS

Name: JANS
Address: 4, Rue Tom, Eschweiler, 9651, LU
Telephone: +352957506

Appeler Itinéraire Site Web Contacter l'entreprise

Constructions - Immobilière - Toitures - Energies Entreprise de construction au Luxembourg.

Jans groupe est une entreprise familiale depuis plus que 25 ans situé dans le nord du luxembourg. Jans groupe est constitué de différents départements, notamment Jans Constructions,Jans Immobilière, Jans Énergies et Jans Toitures

14/10/2026

Gutt Projeten entstinn, wann all zesummen an déi selwecht Richtung zéien.

Mat Teamgeescht, Vertrauen an engem gemeinsamen Zil hu mir d’Sportshal zu Dummeldeng a just 12 Méint fir d’Ville de Luxembourg realiséiert.

E Projet vun dëser Gréisst geléngt nëmmen, wann all Bedeelegt oppen zesummeschaffen a sech openee verloosse kënnen. Genee dat hu mir mat der Ville de Luxembourg erlieft. E grousse Merci un de Ben Moes an dat ganzt Team fir d’Vertrauen, de konstruktiven Austausch an déi agreabel Zesummenaarbecht. Merci och dem Architekturbüro ARCO an BEST Ingénieurs. Bei Jans huet de François Lafontaine de Chantier koordinéiert a geréiert.

Mir si stolz op dat, wat mir zesumme geleescht hunn, a freeën eis op vill weider spannend Projeten!

08/10/2026

Zënter fënnef Joer begleet de François Lafontaine d’Clienten an d’Architekten op de Chantiere vu JANS Construction.

Wat him u senger Aarbecht gefält, ass, datt hie vun Ufank bis Enn dobäi ass. Hie hëlt sech Zäit fir Gespréicher, geet op Froen an, erkennt Schwieregkeete fréi a sicht zesumme mat den Ekippen no Léisungen.

An da kënnt deen Dag, wou de Chantier fäerdeg ass. De Client zefridden ze gesinn an ze wëssen, datt d’Aarbecht sengen Erwaardungen entsprécht – dat ass fir de François déi gréisst Freed.

Merci, François, datt s du dech zënter fënnef Joer mat esou vill Suergfalt ëm d’Projeten an ëm d’Mënsche këmmers, déi se eis uvertrauen.

02/10/2026

Zënter Januar 2026 baue mir fir de Ministère fir Educatioun, Kanner a Jugend e schlësselfäerdege Lycée. D'Fäerdegstellung ass fir Dezember 2026 geplangt.

Op dräi Etagen entstinn hell Klassesäll mat moderner Ausstattung an interaktiven Tools. Fir de prakteschen Unterrecht stinn optimal ausgestatt Laboe fir Biologie a Chimie zur Verfügung. E Lift verbënnt all dräi Stäck a suergt fir eng einfach Circulatioun am ganze Gebai.

Mat enger Wäermepompel, Buedemheizung a Solarpanneauen erreecht de Lycée eng héich energetesch Performance.

E ganz besonneschen Highlight ass, datt de Lycée komplett aus Holz gebaut ass a sech erëm ofbaue léisst. Bei esou Ufuerderunge setze mir eis Erfahrung am Holzbau voll an a sinn eise Bauhären e zouverlässege Partner.

25/09/2026

Eng Sportshal an nëmmen 12 Méint zu .

Am September 2025 stoung eng kloer Challenge virun eis: eng Sportshal fir d'Stad Lëtzebuerg an de Service des Sports bis September 2026 fäerdegzestellen. Mir wossten, dat gëtt sportlech.

12 Méint méi spéit: Missioun erfëllt.

Eng intensiv Zäit, vill Asaz, Teamgeescht an eng staark kollektiv Leeschtung. Vun der Betonstruktur iwwer d'Holzkonstruktioun an d'Fassad bis bei de Sportbuedem, d'Vestiairen an d'technesch Installatiounen: jidderee huet säin Deel bäigedroen.

Mir si stolz op dëse Projet an dankbar fir d'Vertrauen.

Merci un d'Stad Lëtzebuerg – Service des Sports, Arco, Goblet Lavandier a Best fir déi gutt Zesummenaarbecht.

16/09/2026

Vum éischten Dag un doheem.

Dag fir Dag konnt d'Madame Kieffer suivéieren, wéi hiert neit Holzhaus direkt niewendrun entsteet.

Vum Ofrappe vun der aler Garage bis zum leschten Detail hunn eis Ekippen alles geplangt, gebaut a koordinéiert. Si hat vun Ufank bis Enn déiselwecht Uspriechpartner.

Haut verzielt si eis, wéi si déi Zäit erlieft huet a wéi et ass, elo an engem Haus ze wunnen, dat wierklech zu hir passt.

Merci der Famill Kieffer fir hiert Vertrauen!

09/09/2026

Bei JANS sinn d'Karriären méi wéi e Lieweslaf. Si sinn Familljegeschichten.

Zënter 29 Joer geet de Joao säi Wee mat eis: ugefaangen als Gesell, duerno Maurer, Poseur, Chef d'équipe, an haut koordinéiert hien d'Equipe vu méi Chantieren gläichzäiteg.

Esou e Wee entsteet net vun haut op muer. Hie baut op deem op, wat eis all Dag wichteg ass: Vertrauen, Wëssen weiderginn, Respekt virun enger gutt gemaachter Aarbecht an en Teamgeescht, deen een op all Chantier spiert.

Merci, Joao. Fir 29 Joer Engagement.

04/09/2026

Kee Doheem ass wéi dat anert. Well en Haus fillt sech eréischt da wierklech richteg un, wann et zu de Mënsche passt, déi dra liewen.

An eisem Atelier huele mir eis bewosst Zäit fir d’Auswiel vu Materialien, Faarwen an Uewerflächen. Mat vill Suergfalt stëmme mir all Detail op d’Wënsch vun eise Clienten an op d’Architektur vum Haus of.

Esou entsteet en Doheem, dat net nëmme qualitativ héichwäerteg gebaut ass, mee och Perséinlechkeet huet. Eng Plaz, déi individuell, harmonesch an eenzegaarteg ass.

28/08/2026

Eng Garage manner. En Doheem méi.

Op der Plaz, wou bis viru Kuerzem nach eng Garage stoung, steet haut en neit Holzhaus.

D'Bauhären hunn all Dag matverfollege kënnen, wéi et gewuess ass – well si déi ganz Bauzäit iwwer direkt niewendru wunne bliwwe sinn. Kee Plënneren, kee Chaos, keng Sich no dem richtegen Uspriechpartner.

Vun der éischter Skizz bis zum leschten Detail: Planung, Design, Ofbroch, Bau an d'Koordinatioun vun alle Corps de métiers – alles aus enger Hand.

Dir plangt eppes Ähnleches? Schwätzt eis un – mir kucken eis dat gär mat Iech un.

20/08/2026

D'Paus ass bal eriwwer a mir si prett! 💪

An e puer Deeg lafen eis Chantieren erëm op Héichtouren. Eis Equippen hunn nei Energie getankt a freeë sech, mat voller Kraaft weider un Äre Projeten ze schaffen.

14/08/2026

Wat wier JANS ouni eis Leit?

Hannert all eise Projete stinn Fraen a Männer, déi all Dag mat Häerzblutt, Fachwëssen a vollem Asaz derbäi sinn. Dir packt un, Dir denkt mat, Dir sidd do, och wann et emol stresseg gëtt.

E riesegrousse MERCI un all eis Equippen. Fir Ären Asaz, Är Loyalitéit an alles, wat Dir all Dag leescht – och dat, wat een net ëmmer gesäit.

Dank Iech wiisst JANS all Dag e Stéck weider. Dir sidd JANS! 💪

Adresse

4, Rue Tom
Eschweiler
9651

Heures d'ouverture

Lundi	08:00 - 17:00
Mardi	08:00 - 17:00
Mercredi	08:00 - 17:00
Jeudi	08:00 - 17:00
Vendredi	08:00 - 17:00

Téléphone

+352957506

Site Web

http://www.jans.lu/

Notifications

Soyez le premier à savoir et laissez-nous vous envoyer un courriel lorsque JANS publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à JANS:

Vous voulez que votre entreprise soit en tête de la catégorie agence immobilière à Eschweiler ?