20/04/2024
قبل ما طلقي سمعي هاد الهضرة مزيان 🤯
هدوك البنات لي باغين يطلقو ، قبل ما طلقي سمعي هاد الهضرة مزيان لي غادي نقولك :
قادرة على تمارة ، قادرة على التكرفيس ، قادرة على كلمة مطلقة ، عارفة كلمة مطلقة اشنو كاتعني ، عارفة ان بنادم غادي يبقا يحذر منك العين عارفاها ولا لا؟ ، عارفة ان العيالات لي برجالهم فعائلتك ما يبقاوش يخليوك تجي عندهم خايفينك لا تدي ليهم الراجل على زين الراجل لي عندها وخا يعطيو ليك هداك الراجل فابور ويزيدو ليك معاه مليون ما تديهش ، عارفة الا رجعتي فالليل انتي راجعة من تمارة والكرفي بنادم واش غايبقى يقول عليك ، فكري فهدشي ، فكري انك ما تبقايش تجلسي مع ولادك نهار كامل فالدار وداك تبرزيط راسي ضرني هدي .. تولي تخرجي ضربي عليهم توامر وتجي.. فيك الام فيك الاب فيك كلشي .. قاادرة على هدشي ؟ قادرة على المشاكل من بعد لي غادي يخرجو عند ولادك والعقد النفسية لي خاصك داويهالهم؟ مااا قادراش 🤯 .. واختي لي يصبرك على هدشي لي صبرتي عليه زماان يصبرك يصبرك على المستقبل ، من غير الا كنتي قابلة على هدشي كامل . كيف ما كان الحال كيقولوها لينا والدينا الراس المغطي حسن من الراس العريان ، والراجل اختي وخا يكون كيفما بغا يكون را صوتو فالدار كيرد الهيبة ، غير صباطو فالباب يسد عليك الفام ، فكري فهدشي قبل ما ديري الغلط ، المطلقة ما بقاوش كيكريو ليها فالمغرب ، انتي تخرجي فالليل غذا الخدمة يقولو را ماعرت فين مشات ، فكري فهدشي وقراي حسابو قبل اختي ما تقولي نمشي بحالاتي ، فكري فدارك عايشة حوايج زوينين كثر من الحوايج الخايبين ، فكري فالمزيان شي شوية ، فكري فنص الكاس العامر ماتفكريش فالخاوي ، شوفي واحد الحاجة من جهة اخرى ، شوفيها من جهة دوك الحساد لي كيشوفوك انتي عايشة مزيان وكيحسدوك شوفيها من بلاصتهم اشنو عندك انتي وما عندهمش هما ونبوس يدي ونحمد الله ونشكرو ، را راجلك يمضغك ما يصرطك من غير اختي الا كانت شي اخرى كثر من هدشي ، شي حاجة فيها الخيانة شي حاجة فيها هذي تصلحو بيناتكم على وجه وليداتكم ، وجلسي في دارك اختي ما يعمروش ليك راسك ، ماتعمر ليك حتا وحدة راسك ، را دارك هي لي دايمة ليك 👌
